ޗައިނާގެ އެންމެ ބޮޑެތި ތަރިންގެ ތެރޭގައި ހިމެނޭ އެކްޓަރު ލީ ޔިފޭންގް ހަށި ވިއްކާ މީހުންގެ ކައިރިއަށް ތަކުރާރުކޮށް ދިޔަ ކަމުގެ ތުހުމަތުގައި ހައްޔަރުކޮށްފި އެވެ.
ދައުލަތުގެ މީޑިއާއިން ބުނީ އުމުރުން 35 އަހަރުގެ ލީ ބެއިޖިންގައި ހަައްޔަރުކޮށް ސުވާލުކޮށްފައިވާ ކަމަށެވެ. އޭނާ ކުށަށް އިއުތިރާފު ވެފައިވާ ކަމަށް ވެސް ދައުލަތުގެ މީޑިއާއިން ބުންޏެވެ.
ލީއަކީ 2021 ވަނަ އަހަރުގެ ފިލްމެއްގައި ކޮމިއުނިސްޓް ލީޑަރު މާއޯ ޒެޑޯންގްގެ ރޯލުން ފެނުނު އެކްޓަރެވެ. ތުހުމަތުތަކާ ހެދި ބޮޑެތި ކުންފުނިތަކުގެ އެމްބެސަޑަރުކަމުން އޭނާ ވަނީ ވަކިކޮށްފަަ އެވެ. އޭގެ ތެރޭގައި ފެޝަންގެ ދާއިރާގައި ފާހަގަކުރެވޭ ޕްރާޑާ ހިމެނެ އެވެ.
ޗައިނާގެ ސޯޝަލް މީޑިއާ ވެއިބޯގައި 60 މިލިއަނަށް ވުރެ ގިނަަ މީހުން ލީ ފޮލޯކުރެ އެވެ. އޭނާ މަގްބޫލުވީ 2007 ވަނަ އަހަަރު ޓީވީން ދެއްކި ޓެލެންޓު މުބާރާތަކުންނެވެ.
އޭގެ ފަހުން ޓީވީ ޝޯތަކާއި ޑްރާމާތައް ކުޅެ، ފިލްމު ކުޅެން ވެސް ފެށި އެވެ. މިދިޔަ އަހަރު އޭނާ ފެނުނީ ޗައިނާގެ ކޮމިއުނިސްޓް ޕާޓީއާ ގުޅޭ ފިލްމް "ދަ ޕަޔަނިއާ" އިންނެވެ.
