"ވިއަވަތި" ނިންމާލައިފި؛ ޝަކުވާތައް މަދުވެއްޖެ، ރައީސް ވިދާޅުވީ ކާމިޔާބެއް ކަމަށް

ވިއަވަތި ކޮންފަރެންސްއަށް މިއަދު ރައީސް ވަޑައިގަންނަވަނީ: ކާމިޔާބު ކޮންފަރެންސްއެއް ކަމަށް ވިދާޅުވި

ވިއަވަތި ކޮންފަރެންސްއަށް މިއަދު ރައީސް ވަޑައިގަންނަވަނީ: ކާމިޔާބު ކޮންފަރެންސްއެއް ކަމަށް ވިދާޅުވި

ދެކުނުގެ "ވިއަވަތި ރާއްޖެ" ކޮންފަރެންސް ނިންމާލިއިރު ފާހަގަވެގެން ދިޔައީ ރަށްރަށުގެ ކައުންސިލްތަކުގެ ޝަކުވާތަކާއި ކަންބޮޑުވުންތައް ކުރިއަށްވުރެ މަދުވެފައިވާކަން ކަމަށް ވިދާޅުވެ, އެއީ ކާމިޔާބީއެއްގެ ގޮތުގައި ރައީސް އިބްރާހިމް މުހައްމަދު ސޯލިހް ސިފަކުރައްވައިފި އެވެ.

"ވިއަވަތި ރާއްޖެ" ކޮންފަރެންސްއަކީ ލަމަރުކަޒީ ނިޒާމް ހަރުދަނާ ކުރުމަށާއި ކައުންސިލްތަކާއެކު ސީދާ ރައީސް މަޝްވަރާތައް ބޭއްވުމަށް އެމަނިކުފާނު އިސްނަންގަވައިގެން ކުރިއަށް ގެންދާ ކޮންފަރެންސްއެކެވެ. މީގެ ފުރަތަމަ ކޮންފެރެންސް ކްރޮސްރޯޑްގައި ބޭއްވިއިރު, ދެވަނަ ކޮންފަރެންސް ބޭއްވީ މެދުރާއްޖެ ތެރެއަށް ހާއްސަކޮށްގެން އއ. އުކުޅަހުގަ އެވެ.

އިއްޔެއިން ފެށިގެން ލ. ގަމުގައި ދެކުނުގެ "ވިއަވަތި" ކޮންފަރެންސް ކުރިއަށް ގެންގޮސްފައިވާއިރު, ނިންމާލުމުގެ ގޮތުން ވާހަކަ ދައްކަވަމުން ރައީސް ފާހަގަކުރެއްވީ ކޮންފަރެންސްއިން ހާސިލްވި ކަންކަމެވެ. އަދި, އެމަނިކުފާނު ވިދާޅުވި ގޮތުގައި, އުކުޅަހުން ގަމަށް ކުރި ދަތުރުގައި ރަނގަޅު ކާމިޔާބީތަކެއް ހާސިލްކުރެވިއްޖެ އެވެ.

Advertisement

"ކޮންފަރެންސްގައި ބަހުސްތަކުގައި ތަފާތު ކައުންސިލަރުން, އަޅުގަނޑު މި ދެންނެވީ ރީނދޫ ކުލަ އާއި ވައިލެޓް ކުލަ އާއި ރަތް ކުލަ އާއި ވަކި ކުލައަކަށް ނިސްބަތް ނުވާ ބޭފުޅުން ވެސް ބައިވެރިވެވަޑައިގެން އެ ފާޅު ކުރެއްވި ހިޔާލުތައް ބަލައިގަންނަން," ރައީސް ވިދާޅުވި އެވެ.

ރައީސް ފާހަގަކުރެއްވި ބައެއް ކާމިޔާބީތައް;

އަންހެނުންގެ ކޮމިޓީތަކުގެ ދައުރު ފުޅާކޮށް, އެކަށީގެންވާ މާހައުލެއް ހޯދުމަށް މަޝްވަރާ ކުރެވުން އަދި އަންހެނުން ކޮމިޓީތަކުގެ މެންބަރުންނަށް ސިވިލް ސާވިސްގައި އުޅޭ މީހުންނަށް ކުރިމަތިލެވޭ ގޮތް ބަދަލު ކުރުމަށް އެއްބަސްވެވުން

  • ބިންވެށި ޕްލޭންއަށް މުހިންމު ހައްލެއް; ބައިބަޔަށް ޕްލޭން ފާސްކޮށްދޭން ނިންމުން
  • ކައުންސިލްތަކަށްދޭ ބްލޮކް ގްރާންޓް ދިނުމުގައި ބަދަލުތަކެއް ގެނައުން; ރަށް އުފެދިފައިވާ ގޮތާއި ހާލަތަށް ބަލައި, ފައިސާ ދޭ ފޯމިއުލާއިން އިސްތިސްނާއެއް ގެނައުން, ސިޓީތަކަށް ހާއްސަ ގޮތްތަކެއް ހޯދުމަށް މަޝްވަރާ ކުރެވުން
  • ބޮލްކް ގްރާންޓް މަހުން މަހަށް ދިނުމުގެ ބަދަލުގައި ކުއާޓަލީ ދޭން ނިންމުން
  • އަތޮޅު ކައުންސިލްތަކުގެ އިހްތިސޯސް ކަނޑަނޭޅުނު ކަމުގައި ވިޔަސް, ގުދުރަތީ އިންތައް ދަމަހައްޓަން ޖެހޭނެ ކަމަށް ރައީސް ގަބޫލުކުރައްވައި, އަދި އެކަމުގައި ކައުންސިލްތަކުގެ ޝަކުވާއަށް މަޝްވަރާކުރަން ނިންމެވުން
  • ޔޫޓިލިޓީ ކުންފުނިތަކަށް ރަށްރަށުން ދޭ ބިންތަކުން ކުލި ނުނަގައި, އެ ބިންތައް ވީހާވެސް ލުއި ގޮތެއްގައި އެ ކުންފުނިތަކަށް ދޫކުރުމަށް ރައީސް އެދިވަޑައިގެންނެވުން

ކޮންފަރެންސް ނިންމާލެއްވުމަށްފަހު, ރައީސް ސޯލިހް ވަނީ ނޫސްވެރިންނާ ވެސް ބައްދަލުކުރައްވާފަ އެވެ. ނޫސްވެރިޔަކު ކުރި ސުވާލަކަށް ޖަވާބު ދެއްވަމުން ވެސް ރައީސް ތަކުރާރު ކުރެއްވީ "ވިއަވަތި" ކޮންފަރެންސްގެ ކާމިޔާބީ އެވެ.

"އުކުޅަހުގައި އައި ކަންބޮޑުވުންތަކަށްވުރެ މި ކޮންފަރެންސްގައި އައި ކަންބޮވުންތައް މަދު, އަޅުގަނޑު ހީކޮށްގެން ހުރީ ދެކުނަށްވެފައި ބޮޑު އާބާދީއެއް ތަމްސީލް ކުރާ, 100 އަށްވުރެ ގިނަ ކައުންސިލަރުން އައި, އެ ބޭފުޅުންގެ ފަރާތުން ވަރަށް ބޮޑެތި ޝަކުވާތައް, ކަންބޮޑުވުންތައް އަންނާނެ ކަމަށް, އެހެންނަމަވެސް ހީކުރި ވަރަށްވުރެ ރަނގަޅަށް ދިޔައީ," ރައީސް ވިދާޅުވި އެވެ.

"...އޭގެ މާނައަކީ އުކުޅަހުގައި ބޭއްވި ކޮންފަރެންސްގައި ފާހަގަކުރި ކަންކަމަށް ކޮންމެވެސް ވަރެއްގެ ހައްލެއް ހޯދައިދެވިފައިވާކަން,"

ލ. ގަމުގެ ކޮންފަރެންސް ކާމިޔާބުކަމާ އެކު ނިންމާލާފައިވާއިރު, ރައީސް މިއަދު އިއުލާން ކުރެއްވި ގޮތުން މީގެ ހަތަރު ވަނަ ކޮންފަރެންސް އަންނަ އަހަރުގެ ޖެނުއަރީ މަހު, ކުޅުދުއްފުށީ ސިޓީގައި އޮންނާނެ އެވެ. ރައީސް އުއްމީދު ކުރައްވަނީ, އެމަނިކުފާނު ވިދާޅުވި ގޮތުގައި, އެ ކޮންފަރެންސްގައި އުތުރުގެ ކައުންސިލަރުން ބައިވެރިވެ, މުހިންމު މަޝްވަރާތަކެއް ކުރެވިގެން ދާނެ ކަމަށެވެ.

"ވިއަވަތި" ކޮންފަރެންސް ފެށުމަށް ބޭއްވި ރަސްމިއްޔާތުގައި ރައީސް ވިދާޅުވި ގޮތުގައި, ލާމަރުކަޒީ ނިޒާމު ރާއްޖޭގައި ފުރިހަމަކޮށް އަށަގަންނުވަން ޖެހޭނީ، ފިސާރި ދެމެހެއްޓެނިވި ގޮތެއްގަ އެވެ. ދުވަހަކު ވެސް މި ނިޒާމާއި މި ބާރުތައް ރައްޔިތުންގެ އަތުން، އެއްވެސް ބޭފުޅަކަށް، ދެން އަނބުރާ ފިރުކާ ނުގަނެވޭނެ މިންވަރަށެވެ.

"ވިއަވަތި ރާއްޖެ ކޮންފަރެންސް މުޅި ރާއްޖޭގެ ހުރިހާ ކައުންސިލްތަކާ އެކު މި ބާއްވަނީ އެ ބޭނުމަށްޓަކާ,"

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox