މުޅި ހުވަދޫގެ އޮތީ ބޮޑު އެއް ޑިމާންޑު، އިންޓަނޭޝަނަލް އެއާޕޯޓެއް

އެއާޕޯޓެއްގައި ބޯޓެއް ޕާކް ކުރަނީ: އިންޓަނޭޝަނަލް އެއާޕޯޓެއް ލިބުމަށް ހުވަދު އަތޮޅު އެދޭ -

އެއާޕޯޓެއްގައި ބޯޓެއް ޕާކް ކުރަނީ: އިންޓަނޭޝަނަލް އެއާޕޯޓެއް ލިބުމަށް ހުވަދު އަތޮޅު އެދޭ -

ރާއްޖޭގެ ދެކުނުގެ ހުރިހާ ރަށެއް އެއް ތަނަކަށް, ލާމު ގަމަށް ޖަމާވެފައިވާއިރު, ހުވަދު އަތޮޅުގެ ބޮޑު ޑިމާންޑެއް ސަރުކާރަށް އެބަ އޮތެވެ; ބައިނަލްއަގްވާމީ ވައިގެ ބަނދަރެއްގެ މުހިންމު ކަމެވެ.

ލާމަރުކަޒީ ނިޒާމް ހަރުދަނާ ކުރުމަށް މަޝްވަރާ ކުރަން ސަރުކާރުން ބާއްވާ "ވިއަވަތި ރާއްޖެ" ކޮންފަރެންސްގެ ކުރިން ކުރެވުނު އެކި މަޝްވަރާތަކާއި ބައްދަލުވުންތަކުގައި ހުވަދު އަތޮޅުގެ ހުރިހާ ރަށަކަށް ވެސް އެއްބަސްވެވޭ ކަމަކަށް އޮތީ, މި އަތޮޅު (ގއ. އަދި ގދ.)އަށް އިގުތިސޯދީ ގޮތުން ކުރިއަރަން ބައިނަލްއަގްވާމީ އެއާޕޯޓެއް ބޭނުންވާ ކަމެވެ.

"ލޯކަލް ޓޫރިޒަމް މި ސަރަހައްދުގައި ފުޅާކޮށް ކުރިއަށް ގެންދަން ބައިނަލްއަގްވާމީ އެއާޕޯޓެއް ބޭނުންވާ ކަމަށް އެންމެންނަށް ވެސް ގަބޫލު ކުރެވޭ, އެކަން ހާސިލް ކުރުމަށް މި ކޮންފަރެންސްގެ ތެރޭން ވެސް މަސައްކަތް, މި ރަށްރަށުން ކުރާނެ," ގއ. ގެމަނަފުށީ ކައުންސިލްގެ ރައީސް އިބްރާހިމް ނާޝިދު ވިދާޅުވި އެވެ.

Advertisement

ގުދުރަތީ ރީތިކަމާއި ރަށު ސުލްހަވެރި މާހައުލަށް މަޝްހޫރުވެފައިވާ ގެމަނަފުށީގައި ވެސް ލޯކަލް ޓޫރިޒަމް މިހާރު އަންނަނީ ފުޅާކުރަމުންނެވެ. އެކަމަކު, އެ ރަށަށް ދިމާވެފައިވާ އެންމެ ބޮޑު ގޮންޖެހުމަކީ ގެސްޓްހައުސްތަކަށް ރާއްޖޭން ބޭރުން ގެސްޓުން ގެނައުމުގައި އޮތް ދައްޗެވެ.

މާލެ, ވެލާނާ އިންޓަނޭޝަނަލް އެއާޕޯޓުން ހުވަދު އަތޮޅުގެ އެއާޕޯޓަކަށް ގެސްޓެއް ގެންނަން ޖެހިއްޖެނަމަ, އެއީ ވަރަށް ބޮޑު ހަރަދެކެވެ. ގެސްޓްހައުސްތަކަށް އަންނަ ޓޫރިސްޓުން އެ ހަރަދު ކުރުމުގެ ބަދަލުގައި އިސްކަން ދެނީ މާލެ ކައިރި ރަށަކަށް ދަތުރު ކުރުމަށެވެ. ނަމަވެސް, ގުދުރަތީ މުއްސަނދިކަން އިންތިހާއަށް އޮތް ހުވަދު އަތޮޅަށް ސީދާ ގެސްޓުންނަށް އާދެވޭނަމަ, ޓޫރިޒަމް އެ އަތޮޅުގައި ވަރުގަދައަށް ފެތުރިގެންދާނެ ކަމަށް ނާޝިދު ގަބޫލު ކުރައްވަ އެވެ.

ގިނަ ގެސްޓްހައުސްތަކެއް ހިންގައި ގއ. ވިލިނގިލީގެ ކައުންސިލްގެ ރައީސް ވިޝާލް މުހައްމަދު ވެސް ފާހަގަ ކުރެއްވީ އިންޓަނޭޝަލް އެއާޕޯޓެއް އެ އަތޮޅަށް މުހިންމު ކަމުގެ ވާހަކަ އެވެ. އޭނާ ގަބޫލު ކުރައްވާ ގޮތުގައި, ގެސްޓުންނަށް ސީދާ އަތޮޅަށް އާދެވޭ ގޮތްވުމުން، ވަރަށް ބޮޑަށް ލޯކަލް ޓޫރިޒަމް ފެތުރިގެންދާނެ އެވެ.

"...އެވެގެން ދާނީ އަޅުގަނޑުމެންނަށް އިތުރު ދޮރަކަށް, އިތުރު ފާލަމަކަށް ލޯކަލް ޓޫރިޒަމް ފުޅާކުރުމަށް," ވިޝާލް ވިދާޅުވި އެވެ.

ހުވަދު އަތޮޅުގައި މިހާރު އެއާޕޯޓް އޮތީ, ގދ. ކާޑެއްދޫ, ގދ. މާވާރުލު އަދި ގއ. ކޫއްޑޫގަ އެވެ. ގދ. ފަރެސްމާތޮޑާގެ އެއާޕޯޓް ވެސް މިހާރު އޮތީ ނިމުމާ ގާތުގަ އެވެ.

މީގެ ތެރޭން އިންޓަނޭޝަނަލް އެއާޕޯޓަކަށް ތަރައްގީ ކުރާނީ ކޮން އެއާޕޯޓެއް ކަމާމެދު އެއްބަސްވެވޭ ހިޔާލެއް ނެތެވެ. ބައެއް ރަށްރަށުން ކާޑެއްދޫ އެއާޕޯޓް, އިންޓަނޭޝަނަލް ކުރަން ބޭނުންވެ އެވެ. އެއީ, ތިނަދޫ ފަދަ ރަށްތަކާ ވަރަށް ގާތުގައި އޮތް ދުވަސްވީ އެއާޕޯޓެކެވެ.

ކާޑެއްދޫ އެއާޕޯޓް އިންޓަނޭޝަނަލްކޮށް, އެ ރަށް ތިނަދޫއާ ބްރިޖަކުން ގުޅާލުމުގެ ވިސްނުން ގެންގުޅުއްވާކަން މީގެ ކުރިން ރައީސް އިބްރާހިމް މުހައްމަދު ސޯލިހު ފާޅުކުރައްވާފައިވެ އެވެ. އެކަމަކު, އޭގެ އެއްވެސް އަމަލީ މަސައްކަތެއް ނުކުރެވެ އެވެ. މިހާތަނަށް އެކަން ބަޖެޓްކޮށްފައެއް ވެސް ނެތެވެ.

އެ އެއާޕޯޓް, އޭގެކުރިން ވެސް އިންޓަނޭޝަނަލް ފެންވަރަށް ތަރައްގީ ކުރުމުގެ ވާހަކަތައް ދެކެވުނެވެ. އެގޮތުން ވިލާ ކުންފުނިން ކާޑެއްދޫ އެއާޕޯޓް އިންޓަނޭޝަނަލް އެއާޕޯޓަކަށް ބަދަލުކުރުމަށްޓަކައި 200 މިލިއަން ޑޮލަރަށް ވުރެ ބޮޑު އިންވެސްޓްމަންޓަކާ ދިމާލަށް އަމާޒު ހިފި ކަމަށް ބުނެފައިވެ އެވެ. ނަމަވެސް, ކާޑެއްދޫ އެއާޕޯޓުގެ ބައެއް ކަންކަން ސިވިލް އޭވިއޭޝަންގެ ގަވާއިދުތަކާއި މިންގަނޑުތަކާ ހިލާފަށް ހުރި ކަމަށް ބުނެ ކުރީ ސަރުކާރުން އެތަން އަތުލި އެވެ.

ކާޑެއްދޫ އިންޓަނޭޝަނަލް އެއާޕޯޓްގެ ހުވަފެން ދިގުލާފައިވާއިރު, އަތޮޅުގައި އެންމެ ފަހުން ތަރައްގީ ކުރި މާވާރުލު އެއާޕޯޓް, އިންޓަނޭޝަނަލް ފެންވަރަށް ތަރައްގީ ކުރުމުގެ ހިޔާލު ވެސް ބައެއް ރަށްރަށުން ގެންގުޅެ އެވެ.

ގެމަނަފުށީ ކައުންސިލްގެ ރައީސް ވިދާޅުވި ގޮތުގައި, އެ ކައުންސިލަށް އެންމެ ރަނގަޅު ގޮތް ކަމަށް ފެންނަނީ މާވަރުލު އެއާޕޯޓް, އިންޓަނޭޝަނަލް ކުރުމެވެ. އެއީ, އެ އެއާޕޯޓްގެ ސަބަބުން ގއ. އަދި ގދ. އަށް ވެސް ފައިދާވާނެތީ އެވެ. މާވަރުލު އޮތީ, ދެ އަތޮޅުގެ ގާތްގަނޑަކަށް މެދުގަ އެވެ.

އޭގެއިތުރުން, ޒަމާނީ ފެންނަވަރާއެކު އަލަށް ތަރައްގީކޮށްފައިވާ އެއާޕޯޓަކަށްވެފައި, އިންޓަނޭޝަނަލް ކުރުމަށް އެ އެއާޕޯޓް ފަސޭހަވާނެކަން ނާޝިދު ފާހަގަކުރައްވަ އެވެ. މާވަރުލުއަކީ ބިން ބޮޑު, ރީތި ރަށެއްކަން ވެސް ފާހަގަކޮށްލެވެ އެވެ.

ނަމަވެސް, ހުވަދޫގެ ކޮންމެ ކައުންސިލަކަށް ވެސް މުހިންމީ އިންޓަނޭޝަނަލް އެއާޕޯޓެކެވެ. އެއީ ކޮން ރަށަކާ ކަމާ ގުޅޭ ހިޔާލު ތަފާތުވުންތަކުގައި އެކަން ނުވެ އޮތުމަކަށް ނޭދެ އެވެ. އެހެންވެ, "ވިއަވަތި ރާއްޖެ" ކޮންފަރެންސްގައި އެ ހުށަހެޅުން ރައީސް އިބްރާހިމް މުހައްމަދު ސޯލިހަށް ހުށަހަޅަން ވަނީ ގަސްތުކޮށްފަ އެވެ.

އަދި, އެކަށީގެންވާ ޖަވާބެއް ރައީސްގެ ފަރާތުން ލިބިގެންދާނެ ކަމަށް ތިބީ އުއްމީދުކޮށްގެންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox