ވިއެޓްނާމްގެ ހޯ ޗީ މިން ސިޓީ ކައިރީގައި ހުންނަ ބޮޑު ކަރޯކޭ ކޮމްޕްލެކްސެއްގައި ރޯވެ 14 މީހުން މަރުވެއްޖެ އެވެ.
އަލިފާން ރޯވީ އަންގާރަ ދުވަހުގެ ރޭ އިމާރާތުގެ އެންމެ މަތީ ފަންގިފިލާގަ އެވެ. އަލިފާނުގެ ސަބަބުން ގިނަ ބަޔަކު ކޮޓަަރިތަކުގައި ތާށިވި އެވެ.
ހަތަރު މީހުން ވަނީ ތިން ވަނަ އަދި ދެ ވަނަ ފަންގިފިލާގެ ކުޑަދޮރުން މަގުމައްޗަށް ފުންމާލާފަ އެވެ. އެ މީހުންނަށް އަނިޔާވި އެވެ.
އަލިފާންގަނޑު ކޮންޓްރޯލް ކުރަަން ގަޑިއެއްހާ އިރު ހޭދަަވި އެވެ. އަލިފާން ރޯވި ސަބަބު ދެނެގަތުމަށް ތަހުގީގެއް ވަނީ ފަށާފަ އެވެ.
އަން ފޫ ކަރޯކޭ ބާ ހުންނަނީ ބޮޑު އިމާރާތެއްގަ އެވެ. އެ ތަނުގައި ކަރޯކޭއަށް ހާއްސަ 29 ކޮޓަރި ހުރެ އެވެ. އިމާރާތުގެ ތިންބައި ކޮށްފައި އެއްބަޔަށް އަލިފާންގަނޑު ފެތުރުނެވެ.
މީގެ ކުރިން ވެސް ވިއެޓްމާންގެ ކަރޯކޭ ބާތަކުގައި ނުރައްކާތެރި އަލިފާނުގެ ހާދިސާ ހިނގާފައިވެ އެވެ. މިދިޔަ މަހު ހަނޯއީގެ ކަރޯކޭ ބާއެއްގައި ރޯވި އަލިފާާން ނިއްވަން އުޅުމުގެ ތެރޭގައި ތިން ފަޔާ ފައިޓަރުން މަރުވި އެވެ.
