އެމެރިކާގެ ނޭވީ ހިމެނޭ ބޮޑު ރިޝްވަަތުގެ މައްސަލައެއްގައި ތުހުމަތު ކުރެވޭ މެލޭޝިއާގެ ވިޔަފާރިވެރިޔާ ގޭ ބަންދުން ފިލައިފި އެވެ.
ލިއޮނާޑް ގްލެން ފްރޭންސިސް ނުވަތަ ފެޓް ލިއޮނާޑް ގޭ ބަންދުގައި ހުރީ ސޭން ޑިއޭގޯގަ އެވެ. އޭނާ ވަނީ ފައިގައި ހަރުކޮށްފަައި ހުރި ޓެގް ބުރިކޮށްލައި، ގެއިން ފިލާފަ އެވެ.
ފެޓް ލިއޮނާޑް ހޯދުމުގެ މަސައްކަތް ކުރަމުންދާ އިރު، އޭނާ ފިލާފައި މި ވަނީ ޝަަރީއަތުގެ މަޖިލީހުން ހުކުމް ކުރަން އެންމެ ތިން ހަފްތާއަށް ވެފައި ވަނިކޮށެވެ.
އޭނާ ވަނީ އަސްކަަރީ ބޮޑެތި ކޮންޓްރެކްޓުތައް ހޯދުމަށް އެމެރިކާ ނޭވީ އޮފިސަރުންނަށް ރިޝްވަތު ދިން ކަމަށް 2015 ގައި އިއުތިރާފުވެފަ އެވެ.
އެމެރިކާގެ ޖަސްޓިސް ޑިޕާޓްމަންޓުން ބުނީ ފެޓް ލިއޮނާޑް ހިންގީ ބޮޑު އޮޅުވާލުމެއް ކަމަށާއި އޭގެ ސަބަބުން ނޭވީއަށް އެތަައް މިލިއަން ޑޮލަރުގެ ގެއްލުން ލިބުނު ކަމަށެވެ.
ފެޓް ލިއޮނާޑް ހައްޔަަރު ކުރީ 2013 ގަ އެވެ. އޭނާ ވަނީ އެމެރިކާގެ ނޭވީ އޮފިސަރުންނަށް ރިޝްވަތުގެ ގޮތުގައި 500،000 ޑޮލަރު ދިން ކަމަށް އިއުތިރާފުވެފަ އެވެ.
އެހެން ނަމަވެސް ސިއްހީ ހާލު ގޯސްވެ، ކިޑްނީގެ ކެންސަރު ފަދަ ބޮޑެތި މައްސަލަތައް ދިމާވުމުން އޭނާ ގޭ ބަންދަށް ބަދަލުކުރި އެވެ.
