ސޯޝަލް މީޑިއާގައި ކުރި ޕޯސްޓުތަކަކާ ގުޅިގެން ސައުދީ އަރަބިއްޔާގެ އަންހެނަކު 45 އަހަރަށް ޖަލަށް ހުކުމްކޮށްފި އެވެ.
ނޫރާ ބިންތި ސައީދް އަަލް ގަހްތާނީގެ މައްޗަށް ޓެރަރިޒަމްގެ ކުށް ސާބިތުވުމުން ކޯޓުން ބުނީ "އިޖުތިމާއީ ފޭރާމަށް ގެއްލުން ދިނުމަށް" ސޯޝަލް މީޑިއާ ބޭނުންކޮށްފައިވާ ކަމަށެވެ.
އޭނާގެ ޓްވީޓުތަކުގައި ސައުދީގެ ވެރިންނަށް ފާޑުކިޔާފައިވެ އެވެ. އޭނާއާ ބެހޭ އިތުރު އެއްވެސް ތަފްސީލެއް އާއްމުވެފައެއް ނުވެ އެވެ.
އޯގަސްޓް މަހު ސައުދީ އަރަބިއްޔާގެ އެހެން އަންހެނަކު ވެސް ކުރި ޓްވީޓުތަކަކާ ގުޅިގެން 34 އަހަރަށް ޖަލަށް ހުކުމްކުރި އެވެ.
ސަލްމާ އަލް ޝިހާބްއަކީ ލީޑްސް ޔުނިވާސިޓީގައި ޕީއެޗްޑީއަށް ކިޔަވަމުން ދިޔަ ދަރިވަރެކެވެ. އޭނާ ހައްޔަރު ކުރީ ޗުއްޓީއަށް ސައުދީ އަރަބިއްޔާއަށް ގޮސް އުޅެނިކޮށް ޖެނުއަރީ 2021 ގަ އެވެ.
ރިޕޯޓުތައް ބުނާ ގޮތުން ސޯޝަލް މީޑިއާގައި ކުރި ޕޯސްޓުތަކާ ގުޅިގެން މިދިޔަ އަހަރު ގިނަ އަދަދެއްގެ އަންހެން އެކްޓިވިސްޓުން ހައްޔަރު ކުރި އެވެ.
