އެމެރިކާ މީހުންގެ ލައިފް އެކްސްޕެކްޓެންސީ ނުވަތަ ދުނިޔޭގައި ދިރިއުޅޭނެ ކަމަށް ބެލެވޭ އެވްރެޖް އުމުރު 1996 ވަނަ އަހަރަށް ފަހު ނުވެއްޓޭ މިންވަރަށް ވެއްޓިއްޖެ އެވެ.
ސަރުކާރުގެ ތަފާސްހިސާބު ދައްކާ ގޮތުން އެމެރިކާ މީހުން އެވްރެޖްކޮށް ދުނިޔޭގައި އުޅޭނެ ކަމަށް ބެލެވެނީ 76.1 އަހަރެވެ. އެއާ ހިލާފަށް 2019 ގައި ލައިފް އެކްސްޕެކްޓެންސީއަކީ 79 އަހަރެވެ.
ވިހި އަހަރުގެ ތެރޭގައި ފުރަތަމަ ފަހަރަށް އެހާ ބޮޑު ވެއްޓުމެއް ފެނުނީ ކޮވިޑް ބަލިމަޑުކަމާ ހެދި ކަމަށް ސެންޓާޒް ފޯ ޑިޒީޒް ކޮންޓްރޯލް އެންޑް ޕްރިވެންޝަން (ސީޑީސީ) އިން ބުނެ އެވެ.
ކޮވިޑްގެ އިތުރުން އެކްސިޑެންޓުތަކާއި މަސްތުވާތަކެތީގެ އޯވާޑޯޒް އާއި ހިތާއި ފުރަމޭގެ ބަލިތަކަކީ އެންމެ ގިނައިން މީހުން މަރުވާ ސަބަބުތައް ކަމަށް ތަފާސްހިސާބުން ދައްކަ އެވެ.
ތަރައްގީވެފައިވާ ގައުމުތަކަށް ބަލާއިރު، އާއްމުކޮށް ވެސް ލައިފް އެކްސްޕެކްޓެންސީ އެންމެ ދަށް އެއް ގައުމަކީ އެމެރިކާ އެވެ.
ވޯލްޑް ބޭންކުގެ އެންމެ ފަހުގެ ތަފާސްހިސާބް ދައްކާ ގޮތުން ލައިފް އެކްސްޕެކްޓެންސީ އެންމެ މަތީ ހޮންކޮންގް އަދި ޖަަޕާނުގަ އެވެ. އެ ދެ ތަނުގައި މީހުންގެ އެވްރެޖް އުމުރަަކީ 85 އަހަރެވެ.
ސިންގަޕޫރުގެ ލައިފް އެކްސްޕެކްޓެންސީއަކީ 84 އަހަރެވެ. ސްވިޓްޒަލޭންޑް، އޮސްޓްރޭލިއާ އަދި ނޯވޭ ފަދަ ގައުމުތަކުގެ ލައިފް އެކްސްޕެކްޓެންސީއަކީ 83 އަހަރެވެ.
