ސްރީލަންކާއަަކީ އިރުގެ އަވިން ހަކަތަ އުފައްދަން އެންމެ ރަނގަޅު އެއް ގައުމު ކަމަށް ފާހަގަކޮށް، އެ ގައުމުގެ ހަކަތައިގެ ދާއިރާއަށް އިންވެސްޓްމަންޓް ހޯދަން މަސައްކަތް ފަށައިފި އެވެ.
މިހާރު ޗައިނާގެ ހުޅަނގު ދެކުނު ސިޗުއާން ޕްރޮވިންސްގައި ކުރިއަށްދާ 2022 ވަނަ އަހަރުގެ ވޯލްޑް ކޮންފެރެންސް އިން ކްލީން އެނާޖީ އިކުއިޕްމަންޓްގައި ލަންކާއިން ބައިވެރިވެ އެވެ.
ލަންކާއިން ޗައިނާއަށް ކަނޑައަޅާފައި ހުންނަ ސަފީރު ޑރ. ޕަލިތަ ކޮހޮނަ އެ ކޮންފެރެންސްގައި ވިދާޅުވީ އިރުގެ އަވިން އަދި ވައިގެ އެހީގައިި ހަކަތަ އުފައްދަން އެންމެ ރަނގަޅު އެއް ގައުމަކީ ލަންކާ ކަމަށެވެ.
ލަންކާއިން ތެލާ ދުރުވެ ސާފު ހަކަތަައަށް ބަދަލުވާން ބޭނުންވާ ކަމަށާއި އެ މަސައްކަތުގައި ބައިވެރިވުމަށް ޗައިނާއަށް ދައުވަތު ދޭ ކަމަށް އޭނާ ވިދާޅުވި އެވެ.
"އަޅުގަނޑުމެންނަށް ދިމާވެފަައިވާ ހަކަތައިގެ ކާރިސާއަށް އެންމެ ބޮޑު ހައްލެއް ލިބޭނީ އިއާދަކުރަނިވި ހަކަތައާ ދިމާލަށް މިސްރާބު ޖަހައިގެން،" އޭނާ ވިދާޅުވި އެވެ.
ޗައިނާގައި މިހާރު ކުރިއަށްދާ ކޮންފެރެންސްގައި 17 ގައުމަކުން 1800 އަށް ވުރެ ގިނަ އޮފިޝަަލުން ބައިވެރިވެ އެވެ.
