ލުބްނާންގައި ހުންނަ ސައުދީ އަރަބިއްޔާގެ އެމްބަސީއަށް އިންޒާރު ދިން މައްސަލައެއް ތަހުގީގު ކުރަން ފަށައިފި އެވެ.
ލުބްނާންގެ އިންޓީރިއާ މިނިސްޓަރު ބައްސާމް މައުލާވީ މައްސަލަ ބަލަން ފެށީ ލުބްނާންގެ ސަލާތައި މަސްލަހަތު ރައްކާތެރިކޮށް ސައުދީ އަރަބިއްޔާއާ އެކު އޮންނަ ގުޅުން ދެމެހެއްޓުމަށް ކަމަށެވެ.
ލުބްނާންގަައި ދިރިއުޅޭ ސައުދީ ރައްޔިތަކުން އެމްބަސީއަަށް އިންޒާރުދޭ ރެކޯޑިން ޓްވިޓާގައި އާއްމު ކުރެއްވީ ސައުދީ އަރަބިއްޔާގެ ސަފީރް ވާލިދް އަލް ބުހާރީ އެވެ.
ލުބްނާންގެ އިންޓީރިއާ މިނިސްޓްރީން ބުނީ އިންޒާރު ދިން މީހާއަކީ "ޓެރަރިޒަމްގެ ކުށްތަަކާ ގުޅިގެން ސައުދީއިން ހޯދަމުންދާ" މީހެއް ކަމަށެވެ.
އެ ރެކޯޑިންގައި ބުނީ އޭނާގެ އާއިލާގެ އެއްވެސް މެމްބަރަކަށް ކަމެއް ވެއްޖެ ނަމަ، ސަައުދީ އެމްބަސީގެ އެންމެ މުވަައްޒަފަކު ވެސް ދިރިނުހުންނާނެ ކަމަށެވެ.
އެކަމާ ގުޅޭ ގޮތުން ސައުދީ އެމްބަސީން އަދި ސަރުކާރުން ވެސް ރަސްމީކޮށް ވަކި އެއްޗެއް ނުބުނެ އެވެ.
