ވިލާ އިންޓަނޭޝަނަލް ހައި ސްކޫލުގައި އޭ ލެވެލް ކިޔެވުމުގެ ފުރުސަތު މިއަދު ހުޅުވާލައިފި އެވެ.
އެ ސްކޫލުގެ ޕްރިންސިޕަލް ސައީދު އަހުމަދު ވިދާޅުވީ ވިލާ ސްކޫލުގައި 11 އަދި 12 ކިޔަވަން ބޭނުންވާ ދަރިވަރުންނަށް، އަންނަ މަހުގެ 8 ވަނަ ދުވަހާ ހަމައަށް ފުރުސަތު އޮތް ކަމަށެވެ.
ފީގެ ގޮތުގައި ކޮންމެ މަހަކު 3،700ރ. ދައްކަން ޖެހޭނެ އެވެ.
Advertisement
ސައިންސް އަދި ބިޒްނަސް ސްޓްރީމް ކިޔަވައިދޭ ވިލާ ހައި ސްކޫލުން ދަރިވަރުންގެ ތައުލީމީ ފެންވަރު އިތުރު ކުރުމަށް މުހިންމު މަސައްކަތްތަކެއް ދަނީ ކުރަމުންނެވެ. އެގޮތުން އާ މާއްދާތަކެއް ތައާރަފުކުރުމަށް ނިންމާފައިވާ ކަމަށް ސްކޫލުގެ ޕްރިންސިޕަލް ސައީދު ވިދާޅުވި އެވެ.
މީގެ 11 އަހަރުކުރިން އުފެއްދި ވިލާ ހައި ސްކޫލުގައި މިހާރު ވެސް 700 އަށްވުރެ ގިނަ ދަރިވަރުން ތައުލީމް ހާސިލްކުރެ އެވެ.
