ނަޝީދު މަގާމުން ވަކި ކުރުމުގެ މައްސަލަ މަޖިލީހަށް ވައްދާނެ ކަމަށް އެމްޑީޕީ މެމްބަރުން ބުނެފި

ރައްޔިތުންގެ މަޖިލީހުގެ ރިޔާސަތުގައި ރައީސް މުހައްމަދު ނަޝީދު: ނަޝީދު އެ މަގާމުން ވަކި ކުރުމުގެ މަސައްކަތް ހުއްޓާ ނުލާ --

ރައްޔިތުންގެ މަޖިލީހުގެ ރިޔާސަތުގައި ރައީސް މުހައްމަދު ނަޝީދު: ނަޝީދު އެ މަގާމުން ވަކި ކުރުމުގެ މަސައްކަތް ހުއްޓާ ނުލާ --

މޯލްޑިވިއަން ޑިމޮކްރެޓިކް ޕާޓީގެ ރައީސް މުހައްމަދު ނަޝީދު ރައްޔިތުންގެ މަޖިލީހުގެ ރައީސްގެ މަގާމުން ވަކި ކުރުމަށް އެ ޕާޓީގެ ބައެއް މެމްބަރުން ކުރަމުންދާ މަސައްކަތް ހުއްޓާނުލާ ކަމަށާއި އެ މައްސަލަ މަޖިލީހަށް ހުށަހަޅާނެ ކަމަށް އެކަމުގައި އުޅޭ ބައެއް މެމްބަރުން ބުނެފި އެވެ.

ނަޝީދު މަގާމުން ވަކި ކުރުމުގެ މަސައްކަތް ވެރިކަން ހިންގާ އެމްޑީޕީގެ ތެރެއިން ފެށީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހަށް ނިސްބަތްކޮށް ޖިނާއީ ކުށްތަކެއްގެ ތުހުމަތު އެމަނިކުފާނު ކުރެއްވުމުންނެވެ.

އެ ތުހުމަތު ކުރީގެ ރައީސް ކުރެއްވީ އެއް ޖިންސުން ގުޅުން ހިންގި ކަމަށް ތުހުމަތު ކުރެވޭ މައްސަލައެއްގައި އެމަނިކުފާނުގެ ކޮއްކޮ ނާޒިމް އަބްދުއްސައްތާރު ހައްޔަރު ކުރުމާ ވިދިގެން އެއީ އެމަނިކުފާނަށް އަމާޒު ކުރައްވައި ރައީސް ސޯލިހު ދެއްވި ސިޔާސީ ހަމަލާއެއްގެ ގޮތުގައި އެކަން ސިފަ ކުރެއްވުމަށްފަހު އެވެ.

Advertisement

"އެ މައްސަަލަ މަޖިލީހަށް ހުށަހަޅާނެ، ހުށަހަޅާ ގޮތަށް އަދި މި ތިބީ، މި ކަން ހުއްޓާލާ ގޮތަކަށް ނޫން،" އެ މަސައްކަތުގައި އުޅުއްވާ މަޖިލީހުގެ މެމްބަރަކު ނަން ނުޖެހުމަށް ޝަރުތުކޮށް ބުންޏެވެ.

މި މަސައްކަތުގައި އިސްކޮށް އުޅުއްވާ ގިނަ މެންބަރުން މި ނޫހަށް ވިދާޅުވި ގޮތުގައި މަޖިލީހަށް އެ މައްސަލަ ހުށަހަޅަން ގާނޫނުގައި އޮތް މިންވަރަށް މިހާރު ވަނީ ސޮއި ހަމަވެފަ އެވެ. އެއީ 22 މެންބަރުންގެ ސޮޔެވެ. ބައެއް މެންބަރުން ވިދާޅުވީ ގާތްގަނޑަކަށް 35 މެންބަރުން މިހާތަނަށް ވަނީ އެ ލިޔުމުގައި ސޮއިކުރައްވައިފަ އެވެ.

"ގިނަ މެންބަރުން އަދިވެސް ތިބީ މާލޭން ބޭރުގައި، އެހެންވެ ބައެއް މެންބަރުންގެ ސޮއި ލިބުމުގައި އަދިވެސް މި ލަސް ކަމެއް އުޅެނީ،" މި ނޫހާ ވާހަކަ ދެއްކެވި އެއް މެންބަރަކު ވިދާޅުވި އެވެ.

މި މަސައްކަތުގައި އިސްކޮށް އުޅުއްވާ މެންބަރުންނަކީ ވެސް ރައީސް ސޯލިހަށް ތާއީދު ކުރައްވާ މެންބަރުންނެވެ. ނަމަވެސް މިއީ ރައީސް ސޯލިހް އަންގަވައިގެން ކުރައްވާ ކަމެއް ނޫން ކަމަށާއި ސުލްހަ ވާން ނަޝީދު ބޭނުންވާ ނަމަ އެ ކަމަށް މަޝްވަރާ ކުރެވޭނެ ކަމަށް ވެސް ބައެއް މެންބަރުން ވިދާޅުވި އެވެ.

"ރައީސް ނަޝީދު ސުލްހަވެގެން ހުންނަން ބޭނުންވާ ނަމަ އެކަން ނެގޯޝިއޭޓް ކުރޭވެނެ. އަދި ހަމައެކަނި ވަޓްސް އެޕް މެސެޖެއް އަޔަސް އަދި ހުއްޓާލާ ގޮތަކަށް ނޫން މި ތިބީ،" އިކޮނޮމިކް މިނިސްޓަރު ފައްޔާޒު އިސްމާއިލަށް ކުރައްވަމުން ގެންދެވި ތުހުމަތުތަކަށްފަހު އޭނާއާ ދެކޮޅަށް ހުންނެވުމަކީ ހެދުނު ގޯހެއް ކަމަށް ނަޝީދު ވިދާޅުމުން އެކަމަށް ނިސްބަތް ކުރައްވާ މެމްބަރަކު ވިދާޅުވި އެވެ.

ގާނޫނުއަސާސީގައިވާ ގޮތުން ނަމަ ރައްޔިތުންގެ މަޖިލީހުގެ ރައީސްގެ އިތުބާރު ނެތް ކަމަށް ފާސްވާނީ ހާޒިރުވެ ވޯޓުގައި ބައިވެރިވާ މެންބަރުންގެ އަގުލަބިއްޔަތުންނެވެ. މަޖިލީހަށް އެ މައްސަލަ ހުށަހަޅައި ބަހުސް ފަށަން ބޭނުން ވަނީ 22 މެންބަރުންގެ ސޮޔެވެ.

ނަޝީދު ކުރެއްވި ތުހުމަތުތަކާ ގުޅިގެން ރައީސް އޮފީހުން ވެސް ވަނީ އެ ކަމަށް ޖަވާބު ދީފަ އެވެ. ރައީސްގެ ތަރުޖަމާނު މަބްރޫކު އަޒީޒު ވިދާޅުވީ ރައީސް އެފަދަ އެއްވެސް އަމަލެއް ނުކުރައްވާ ކަމަށާއި އެ ޔަގީންކަން ދިވެހި ރައްޔިތުންނަށް ރައީސް އަރުވަން ބޭނުންވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox