ސައުދީ އަރަަބިއްޔާގެ ފުލުހުންނަށް ފިލައިގެން އުޅުނު މުޖުރިމަކު، ހަށިގަނޑުގައި ހަަރުކޮށްފައި ހުރި ބޮމެއް ގޮއްވާލައި އަމިއްލައަށް މަރުވެއްޖެ އެވެ.
ސައުދީ ޕްރެސް އެޖެންސީއިން ބުނީ ޖިއްދާގައި ހިނގި އެ ހާދިސާގަައި ހަތަރު މީހުންނަށް އަނިޔާވި ކަމަށެވެ. އޭނާ ބޮން ގޮއްވާލީ ފުލުހުން ކައިރިވެ، ހައްޔަރު ކުރަން އުޅުމުންނެވެ.
ރިޕޯޓުތައް ބުނާ ގޮތުން އަނިޔާވީ ޕާކިސްތާނުގެ މީހަކާއި ފުލުހުންގެ ތިން މީހުންނަށެވެ. އެ އެންމެންނަަށް ވެސް ދަނީ ހޮސްޕިޓަލުގައި ފަރުވާދެމުންނެވެ.
އަބްދުﷲ އަލް ޝެހްރީ ނަމަކަށް ކިޔާ މީހާ ފުލުހުންނަށް ފިލައިގެން އުޅޭތާ ހަތް އަހަރުވެއްޖެ އެވެ. އޭނާއަކީ އޯގަސްޓް 2015 ގައި އަބްހާ ސިޓީގެ މިސްކިތަކަށް ދިން ހަމަލާއާ ގުޅުން އޮތް މީހެކެވެ.
ހަށިގަނޑުގައި ބޮން ހަރުކޮށްފައި ހުރި މީހަކު އެ ބޮން ގޮއްވާލައި އަމިއްލައަށް މަރުވެގެން ދިން ހަމަލާގައި 12 މީހުން މަރުވި އެވެ.
