ނުރައްކާތެރި މެޑިކަލް ވޭސްޓު މަދު ކުރަން ޖަޕާނުގެ އެހީގައި މަޝްރޫއެއް ފަށަނީ

ކޮވިޑް-19އަށް ޓެސްޓުކުރާ ޕީސީއާރް ސާމްޕަލްއެއް؛ ނުރައްކާތެރި މެޑިކަލް ވޭސްޓް މަދު ކުރުމަށް މަޝްރޫއެއް ފަށަން ވަނީ ނިންމާފައި

ކޮވިޑް-19އަށް ޓެސްޓުކުރާ ޕީސީއާރް ސާމްޕަލްއެއް؛ ނުރައްކާތެރި މެޑިކަލް ވޭސްޓް މަދު ކުރުމަށް މަޝްރޫއެއް ފަށަން ވަނީ ނިންމާފައި

ކޮވިޑުގެ ބަލިމަޑުކަމުގެ ސަބަބުން ގައިންގަޔަށް އަރާ ސިއްހީ ފަރުވާގެ ކުނި އިންތިހާއަށް އިތުރުވެފައިވާތީ ޖަޕާނު ސަރުކާރާއި ޔޫއެންޑީޕީއާ ގުޅިގެން މަޝްރޫއެއް އިފްތިތާހުކޮށްފި އެވެ.

މި މަޝްރޫއު އިން ބަންގްލަދޭޝް، ބޫޓާން އަދި ރާއްޖޭގައި ގައިންގަޔަށް އަރާ ސިއްހީ ފަރުވާގެ ކުނި މެނޭޖްކުރުމަށް ނެޝަނަލް ހެލްތު އެޖެންސީތަކާއި، އެހެނިހެން ކަމާ ގުޅޭ އިދާރާތަކަށް އެހީތެރިވާނެ އެވެ. ދެ އަހަރުގެ މުއްދަތަށް ކުރިއަށް ގެންދަން ހަމަޖެހިފައިވާ މި މަޝްރޫއަކީ 11 މިލިއަން ޑޮލަރުގެ މަޝްރޫއެކެވެ.

މި މަޝްޜޫއު އިފްތިތާހު ކުރަމުން ޖަޕާނުން އދ.އަށް ކަނޑައަޅާފައިވާ ދާއިމީ މިޝަނުން ބުނީ، ސިއްހީ ފަރުވާގެ ކުނި މެނޭޖްކުރުމަށް ދެމެހެއްޓެނިވި ހައްލުތަކެއް ގާއިމު ކުރުމަށް ބަންގްލަދޭޝް، ބޫޓާން އަދި ރާއްޖެއަށް އެއްބާރުލުން ދިނުމަކީ ޖަޕާނު ސަރުކާރުން ފަހުރުވެރިވާ ކަމެއް ކަމަށެވެ.

މިކަމުގެ ސަބަބުން ސިއްހީ ހިދުމަތްތެރިންނާއި، ބަލިމީހުންގެ އިތުރުން ފުޅާ ދާއިރާއެއްގައި މުޖުތަމައުއަށް ދިގު މުއްދަތުގެ ފައިދާތަކެއް ހޯދައިދިނުމުގެ އިތުރުން އިންސާނީ ރައްކާތެރިކަން ހިމާޔަތް ކުރުމަށް އެހީތެރިވެދޭނެ ކަމަށް ވެސް އެ މިޝަނުން ބުނެ އެވެ.

ޔޫއެންޑީޕީން ބުނީ ނުރަނގަޅު ގޮތުގައި ނައްތާލާ ސިއްހީ ފަރުވާގެ ކުންޏަކީ ޕޮލިއުޓަންޓްސްގެ ވަސީލަތެއްގެ ގޮތުގައި ފާހަގަކުރެވިފައިވާ ކަމަށެވެ. އެގޮތުން އާންމު ކުންޏާއި ލޭންޑްފިލް ސައިޓުތަކަށް ސިއްހީ ފަރުވާގެ ތެރެއިން އުފެދޭ ނުރައްކާތެރި ބާވަތުގެ ކުނި އެޅުމުގެ ސަބަބުން ވެއްޔާއި ފެން ތަޣައްޔަރުވުމުގެ ފުރުސަތު އޮތް ކަމެއް ކަމަށް ވެސް ޔޫއެންޑީޕީން ބުނެ އެވެ.

އެ ޖަމްއިއްޔާއިން ބުނީ މެޑިކަލް ވޭސްޓް އެކަށީގެންވާ މިންވަރަށް ހަނަފަސްވުމަކީ "ޕާސިސްޓަންޓް އޯގެނިކް ޕޮލިއުޓަންޓްސް" ޖައްވުގެ ތެރެއަށް ދޫވެދާނެ ކަމެއް ކަމަށެވެ.

ޔޫއެންޑީޕީން ބުނީ ކުދި އަދި މެދު ފަންތީގެ އާމްދަނީ ލިބޭ ގިނަ ގައުމުތަކުން ދެމެހެއްޓެނިވި ގޮތެއްގައި ކުނި ނައްތާލުމުގެ ނިޒާމުތަކަށް ޕަބްލިކް އަދި ޕްރައިވެޓް އިންވެސްޓްމަންޓްތައް މަދު ކަމަށެވެ. އަދި ކުނި މެނޭޖްކުރުމުގެ ކެޕޭސިޓީއަށް ވުރެ ސިއްހީ ފަރުވާގެ ކުނި ގިނަވުމުގެ ހާލަތު މިހާރު ވަރަށް ގޯސްވެފައިވާ ކަމަށެވެ.

"ކޮވިޑުގެ ބަލިމަޑުކަމުގެ ސަބަބުން ގައުމުތައް އަދިވެސް ދަނީ، ރިކަވަރީ އާއި ދެމެހެއްޓެނިވި ތަރައްގީގެ މަގުގައި ކުރިއަށް ދިއުމަށް ކޮމްޕައުންޑް ޗެލެންޖުތައް ކުރިމަތިކުރަމުން. އެކަށީގެންވާ މިންވަރަށް ސިއްހީ ފަރުވާ ކުނި މެނޭޖްކުރުމުގެ ނިޒާމުތައް ނެތުމުގެ ސަބަބުން ކުރިމަތިވާ ނުރައްކަލަކީ މިފަދަ އެއް ގޮންޖެހުން، މިއީ މިހާރުން މިހާރަށް ވެސް ސަމާލުކަން ދޭން ޖެހިފައިވާ ކަމެއް، އެހެންކަމުން އަޅުގަނޑުމެންގެ ސިއްހަތުގެ އިތުރުން ތިމާވެށީގެ ރައްކާތެރިކަމަށް ވެސް މިހާރަށް ވުރެ ރަނގަޅަށް ރައްކާތެރިވެވޭނެ" ޔޫއެންޑީޕީގެ އެސިސްޓަންޓް ސެކެޓްރީ ޖެނެރަލް ކަންނީ ވިގްނަރާޖާ ވިދާޅުވި އެވެ.

ކުނި މަދު ކުރުމުގެ މި މަޝްރޫއު އިން ބަންގްލަދޭޝް، ބޫޓާން އަދި ރާއްޖެއަށް އެހީތެރިކަން ފޯރުކޮށްދިނުމަށް ނިންމާފައިވަނީ އިންސާނުންގެ ސިއްހަތު ރައްކާތެރި ކުރުމަށާއި، ބަލިމަޑުކަމުގެ ސަބަބުން ތިމާވެއްޓަށާއި އިޖުތިމާއީ ގޮތުން ކުރާ އަސަރުތައް ކުޑަކުރުމަށެވެ. އެގޮތުން މި މަޝްރޫއު ހިންގުމުގައި އެކަށީގެންވާ ސިއްހީ ފަރުވާގެ ކުނި މެނޭޖްކުރުމުގެ ޕްރެކްޓިސްތަކާއި ޓެކްނޮލޮޖީތައް ބޭނުންކުރުމަށް ވަނީ ހަމަޖެހިފަ އެވެ.

މި މަޝްރޫއު އިން އެހީތެރިކަން ފޯރުކޮށްދޭން ހަމަޖެހިފައި ވަނީ ބަންގްލަދޭޝްގެ 26 ސަބް ޑިސްޓްރިކްޓަކާއި، ބޫޓާންގެ ހަތަރު ސިޓީއެއްގެ 15 ޑިސްޓްރިކްޓެއްގެ އިތުރުން، އަދި ރާއްޖޭގެ ހަ އަތޮޅެއްގައި ހުރި ސިއްހީ ހިދުމަތްދޭ ތަންތަނަށެވެ.

މި މަޝްރޫއުގެ ދަށުން ގައިންގަޔަށް އަރާ ސިއްހީ ފަރުވާގެ ކުނި އެކަށީގެންވާ ގޮތެއްގައި މެނޭޖުކޮށް ނައްތާލުމަށް ސިއްހީ ހިދުމަތްތެރިންނަށް ހާއްސަ ތަމްރީނު ދިނުމަށް ވަނީ ހަމަޖެހިފަ އެވެ.

އޭގެ ސަބަބުން ބަލި މީހުނާއި ހޮސްޕިޓަލުގެ މުވައްޒަފުންނާއި ކައިރި މުޖުތަމައުތަކަށް ބަލި ފެތުރުމުގެ ފުރުސަތު ނެތްކަން ކަށަވަރު ކުރުމަށް ހާއްސަ ފަރުވާގެ ޕްރޮސެސްތަކެއް ބޭނުންވާނެ ކަމަށް ޔޫއެންޑީޕީން ބުނެ އެވެ.

އަދި ސިއްހީ ހިދުމަތްދޭ ތަންތަނުގެ ފެންވަރު ރަނގަޅުކުރުމަށް ބޭނުންވާ ސްޕެޝަލައިޒްޑް ހެލްތު ކެއާ ވޭސްޓް ޑިސްޕޯސަލް އިކުއިޕްމަންޓާއި ޑިޖިޓަލް މެނޭޖްމަންޓް ސިސްޓަމްތައް ގާއިމްކުރުމަށް ވެސް ވަނީ ހަމަޖެހިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox