ދެކުނު ކޮރެއާގެ ވެރިރަށް ސޯލްގެ ބައެއް ހިސާބުތަކަށް ބޯކޮށް ވާރޭވެހި ފެންބޮޑުވުމާ ގުޅިގެން އަށް މީހުން މަރުވެ 14 މީހުންނަަށް އަނިޔާވެއްޖެ އެވެ.
ހޯމަ ދުވަހުގެ ރޭ ވެހުނު ވާރޭގައި މަގުތަކާއި މެޓްރޯ ސްޓޭޝަަންތަކުގައި ފެންބޮޑުވެ، ސޯލް އާއި ވަށައިގެންވާ ހިސާބުތަކުން ކަރަންޓު ކެނޑުނެވެ.
ބައެއް ހިސާބުތަކަށް 80 އަހަރަށް ފަހު ރެކޯޑް މިންވަރަށް ވާރޭ ވެހުނު ކަމަަށް މޫސުމާާ ބެހޭ އިދާރާއިން ބުންޏެވެ. ކުރިއަށް އޮތް ދުވަސްތަކުގަައި ވެސް ވިއްސާރަ ވާނެ ކަމަށް ބެލެވެ އެވެ.
ކޮރެއާގެ ނޫސްތަކުން ބުނީ މަރުވި މީހުންގެ ތެރެއިން ތިން މީހުންނަކީ ސެމީ ބޭސްމަންޓް އެޕާޓްމަންޓެއްގައި ދިރިއުޅޭ ތިން މީހުން ކަމަށެވެ.
މީހުން ސަލާމަތް ކުރާ އޮފިޝަަލުން ބުނީ މަގުމަތީގައި އުނަގަނޑާ ހަމަައަށް ފެން ހެދިފައި އޮތުމުން، އެ ތިން މީހުން ސަލާމަތް ކުރަން އެޕާޓްމަންޓާ ހަމައަށް ނުދެވުނު ކަމަށެވެ.
މަރުވި މީހުންގެ ތެރޭގައި ކަރަންޓު ޖެހިގެން މަރުވި މީހަކާއި ބަސް ސްޓޮޕެއް ކައިރި ޖަމާވެފަައި އޮތް ކުނިތަކެއްގެ ދަށުވެ މަރުވި މީހަކާއި ބިންގަނޑު ކަނޑައިގެން ދިޔުމުން މަރުވި މީހެއް ހިމެނެ އެވެ.
އިތުރު 14 މީހުންނަށް އަނިޔާވެފައިވާ އިރު، ހަ މީހުން ގެއްލިގެން ރިޕޯޓުކޮށްފައިވެ އެވެ. ސޯލްގައި 163 މީހުންގެ ގެޔަށް ފެންވަދެ، ވަގުތީ ހިޔާަތަކަށް ބަދަލު ކުރަން ޖެހުނެވެ.
ރައީސް ޔޫން ސުކްޔޯލް އަމުރު ކުރެއްވީ ފެންބޮޑުވެ ހާދިސާތައް ހިނގުމުގެ ނުރައްކާ ބޮޑު ހިސާބުތަކުގައި ދިރިއުޅޭ އާއްމުން އެހެން ތަންތަނަށް ބަދަލު ކުރުމަށެވެ.
