ސްރީލަންކާއަށް ކުރިމަތިވެފައިވާ އިގްތިސާދީ ކާރިސާއިން އަރައިގަންނަން އިންޓަނޭޝަނަަލް މަނިޓަރީ ފަންޑް (އައިއެމްއެފް) ގެ އެހީ ބޭނުން ނަމަ ކްރެޑިޓަރުންނާ އެކު އެއްބަސްވުމަކަށް ދިޔުމަށް ލަފާ ދީފި އެވެ.
ޓްވިޓާ ސްޕޭސްގައި ބުދަ ދުވަހުގެ ރޭ ކުރިއަށް ދިޔަ މަޝްވަރާއެއްގައި އައިއެމްއެފްގެ ޗީފް އިކޮނޮމިސްޓް ޕިއޭ އޮލިވިއޭ ގޫރިންޗާސް ވިދާޅުވީ ލަންކާގެ ހާލަތާ މެދު އައިއެމްއެފްއިން ކަންބޮޑުވާ ކަމަށެވެ.
"ސްރީލަންކާއަށް ދިމާވީ ބެލެންސް އޮފް ޕޭމަންޓްގެ ކާރިސާއެއް. ބޭރު ފައިސާގެ ރިޒާވް ހުސްވެ، ޒަަރޫރީ ތަކެތި ހޯދަން ފައިސާ ދައްކާނެ ގޮތެއް ނެތުނީ،" އޭނާ ވިދާޅުވި އެވެ.
ސްރީލަންކާގެ ކާރިސާގެ ސަބަބުން އެ ގައުމުގެ އެންމެ ނާޒުކު މީހުންނަށް ކުރަމުންދާ އަަސަަރާ މެދު ވެސް އައިއެމްއެފްއިން ކަންބޮޑުވާ ކަމަށް އޭނާ ވިދާޅުވި އެވެ.
"ފަަގީރުންނާއި އެންމެ ނާޒުކު މީހުންނަށް ކުރާ އަސަރާ މެދު އަޅުގަަނޑުމެން ކަންބޮޑުވޭ. ކަންކަން ހިނގަމުންދާ ގޮތުގެ ރިޕޯޓު އަޅުގަނޑުމެންނަަށް ވެސް ފެނޭ. އެ މީހުންނަށް ޖެހިފައިވާ ހާލު އެބަ ފެނޭ."
ގޫރިންޗާސް ވިދާޅުވީ ސްރީލަންކާގެ އާ ސަަރުކާރާ އެކު އައިއެމްއެފްއިން މަޝްވަރާ ކުރަމުންދާ ކަމަށާއި އާ ސަރުކާރާ ގުޅިގެން ކުރިއަަށް ދެވޭނެ ކަމަށެވެ.
އެކަމަަކު އޭނާާ ވިދާޅުވީ ލަންކާާ ސަރުކާރާއި އައިއެމްއެފްއާ ދެމެދު އެއްވެސް އެއްބަސްވުމެއްގައި ސޮއިކުރެވޭނީ ލަންކާގެ ކްރެޑިޓަަރުން އެއްބަަސްވުމަކަށް އައުމުންނެވެ.
އައިއެމްއެފްއިން ލަފާދީފައި ވަނީ ލަންކާގެ ދަރަނި ރީސްޓްރަކްޗާކޮށް، ދަރަނި ދޫކުރި ފަރާތްތަކާ އެކު އެކަމާ ގުޅޭ އެއްބަސްވުންތަކުގައި ސޮއިކުރުމަށެވެ.
