ޔޫރޯޒޯންގައި އިންފްލޭޝަން މަަތިވުން ކޮންޓްރޯލް ކުރަން މަސައްކަތް ކުރަމުންދާ މި ދަަނޑިވަޅުގައި ޔޫރަޕިއަން ސެންޓްރަލް ބޭންކް (އީސީބީ) އިން 11 އަހަރުގެ ތެރޭގައި ފުރަތަމަ ފަހަރަށް އިންޓްރެސްޓް ރޭޓް މަތިކޮށްފި އެވެ.
އީސީބީއިން ވަނީ އިންޓްރެސްޓް ރޭޓް 0.5 ޕަސެންޓުން މަތިކޮށް، 0.0 ޕަސެންޓަަށް އުފުލާފަ އެވެ. މި އަހަަރު އަދިވެސް އިތުރަށް އިންޓްރެސްޓް ރޭޓު މަަތި ކުރަން އީސީބީއިން ރާވަ އެވެ.
ޔޫރޯޒޯނުގެ އިގްތިސާދީ ކުރިއެރުން މަޑުޖެހިފައި އޮންނަތާ ގިނަ އަހަރުތަކަށް ފަހު، އިތުރު ކުރިއެރުމަށް ފުރުސަތު ފަހިކުރުމުގެ ގޮތުން އިންޓްރެސްޓް ރޭޓް 0.0 ޕަސެންޓަށް ވުރެ ދަށުގައި ބަހައްޓަން ފެށީ 2014 ވަނަ އަހަރު އެވެ.
ނަމަަވެސް މި އަހަރު ޖޫން މަހާ ހަމަައަށް ފާއިތުވި 12 މަހުގެ ތެރޭގައި ތަކެތީގެ އަގުތަައް ރެކޯޑް ނިސްބަތަަކުން 8.6 ޕަސެންޓުން އުފުލުނެވެ. ނަމވެސް ބޭންކުން ޓާގެޓް ކުރިން އިންފްލޭޝަން ދެ ޕަސެންޓުގއި ހިފެހެއްޓުމަަށެވެ.
ޔޫރޯޒޯންގެ އިތުރުން ބޭންކް އޮފް އިންގްލެންޑާއި އެމެރިކާގެ ފެޑެރަަލް ރިޒާވުން ވެސް ވަނީ އިންޓްރެސްޓް ރޭޓް މަތިކޮށް، އިންފްލޭޝަން ކޮންޓްރޯލް ކުރެވޭތޯ މަސައްކަތް ފަށާފަ އެވެ.
ކޮވިޑް ބަލިމަޑުކަަމާއި ޔޫކްރެއިން ހަނގުރާމައާ ހެދި ދުނިޔޭގެ ބާޒާރުގައި ތކެތީގެ އގު އުފުލި ހުރިހާ ގައުމެއްގެ ވެސް ވަކިވަކި ގޭބިސީތަކަށް ވަނީ އަސަރު ކުރަން ފަށާފަ އެވެ.
އިންފްލޭޝަން މަތިވުމުން އިންޓްރެސްޓް ރޭޓް އުފުލުމުގެ މަަގްސަަދަކީ ލޯނު ނެގުން މަދުކޮށް، އާއްމުން ހޭދަކުރުން މަދުކޮށް، ޑިމާންޑް ދަށަަށް ގެންގޮސް، އަގު ތިރި ކުރުމެވެ.
