ހަތްދިހަ އަހަރަށް ފަަހު އިންޑިއާފެ ފަސްގަނޑުގައި ޗީތާ ގެންގުޅެން ތައްޔާރުވެއްޖެ އެވެ.
ނަމީބިއާގެ އަށް ޗީޓާ އިންޑިއާއަށް ގެންދާނީ އޯގަސްޓު މަހު އެވެ. އެންމެ ގިނަ ޗީތާ އުޅޭ ގައުމަކީ ނަމީބިއާ އެވެ.
އިންޑިއާގައި އުޅުނު ޗީތާތައް ނެތިގެން ދިޔަ ކަމަށް ރަސްމީކޮށް އިއުލާން ކުރީ 1952 ވަނަ އަހަރު އެވެ.
ޗީތާއަކީ އެންމެ ބާރަށް ދުވާ އެއްގަމުގައި އުޅޭ ޖަނަވާރެވެ. އެއަށް ގަޑިއަކު 70 މޭލު ބާރު މިނުގައި ދަަތުރު ކުރެވެ އެވެ.
އިންޓަނޭޝަނަލް ޔޫނިއަން ފޯ ކޮންޒަަވޭޝަން އޮފް ނޭޗާ ރެޑް ލިސްޓު އޮފް ތްރެޓްންޑް ސްޕީސީޒްއިން ކަނޑައަޅާފައިވާ ގޮތުގައި ޗީތާއަކީ ނެތި ދިޔުމުގެ ބިރު ބޮޑު ޖަނަވާރެކެވެ. މިހާރު ދުނިޔޭގައި ވަނީ އެންމެ 7،000 ޗީތާ ކަމަށް ބެލެވެ އެވެ.
އިންޑިއާއަށް ގެންދާ ޗީތާތައް ދޫކޮށްލާނީ މަދްޔަ ޕްރަދޭޝް ސްޓޭޓުގެ ކޫނީ ޕަލްޕޫރް ނެޝަނަލް ޕާކަށެވެ. އެ ތަނުގެ ފަސްގަނޑަކީ "ޗީއާއާ ރައްޓެހި" ފަސްގަނޑެއް ކަމަށް އޮފިޝަލުން ބުނެ އެވެ.
އިންޑިއާގައި ޒަމާނުއްސުރެ އުޅުނު ޗީތާތައް ނެތި ދިޔައީ ޝިކާރަ ކުރުމާއި، ޖަންގަލީގެ މާހައުލަށް ގެއްލުންވުމާއި، ކާތަކެތި ލިބުން ދަތިވުން ފަދަ ކަންކަމާ ހެދި އެވެ.
އިންޑިއާގައި އުޅުނު ވައްތަރު އޭޝިއެޓިކް ޗީތާ މީގެ ކުރިން އަަރަބި ގައުމުތަކާއި އަފްގާނިސްތާނުން ވެސް ފެނުނެވެ. އެކަމަކު އެ ވައްތަރުގެ ޗީތާ މިހާރު އުޅެނީ ހަމައެކަނި އިރާނުގަ އެވެ.
މި އަހަަރު އިރާނުގެ އޮފިޝަލުން ބުނީ އެ ގައުމުގައި މިހާރު އުޅެނީ އެންމެ 12 އޭޝިއެޓިކް ޗީތާ ކަމަށެވެ.
