ސްރީލަންކާގެ އާ ރައީސް ހޮވުމަށް އެ ގައުމުގެ ޕާލިމެންޓް މެމްބަރުންގެ މެދުގައި މިއަދު ހެނދުނު ވޯޓު ނަގަން ތައްޔާރުވެއްޖެ އެވެ.
ވަގުތީ ރައީސްގެ މަގާމުގައި ހުންނެވި ބޮޑު ވަޒީރު ރަނިލް ވިކްރަމަސިންހަ ނޮމިނޭޓް ކުރީ ވެރިކަން ކުރީ ޕާޓީއިންނެވެ. އެމަނިކުފާނަށް ވޯޓު ކާމިޔާބުވުމުގެ ފުރުސަތު ބޮޑެވެ.
އެކަަމަކު ކުރީގެ ރަައީސް ގޮތަބަޔާ ރާޖަޕަކްސަގެ އިސްތިއުފާއަށް ބާރު އެޅި އާއްމުން ބޭނުން ވަަނީ ރަނިލް ވެސް އިސްތިއުފާ ދެއްވުމަށެވެ.
ރަަނިލްއަށް އެންމެ ބޮޑަށް ވާދަވެރިކަމެއް އޮތީ ވެރިކަން ކުރާ ޕާޓީގެ ކުރީގެ މެމްބަރު ޑަލަސް އަލަހައްޕެރުމަގެ ފަރާތުންނެވެ. މައި އިދިކޮޅު ވަނީ ޑަލަސްއަށް ތާއީދުކޮށްފަ އެވެ.
ރިޕޯޓުތައް ބުނާ ގޮތުން ޑަލަސްއަށް ރައީސްކަން ލިބިއްޖެ ނަމަ ބޮޑު ވަޒީރު ކަމަށް އަައްޔަނު ކުރައްވާނީ އިދިކޮޅު ލީޑަރު ސަޖިތު ޕްރޭމަދާސަަ އެވެ.
ޕާލިމެންޓުން އިންތިހާބު ކުރާ ރައީސް މަގާމުގައި ހުންނަވާނީ ނޮވެމްބަރު 2024 އާ ހަމައަށެވެ. އެއީ އިސްތިއުފާ ދެއްވި ރައީސް ގޮތަބަޔާގެ ދައުރުގެ ބާކީ ބަޔެވެ.
މިއަަދުގެ އިންތިހާބުގައި 225 ޕާާލިމެންޓް މެމްބަރުންނަށް ވޯޓުލުމުގެ ހައްގު ލިބިފައިވެ އެވެ. މެމްބަރުންގެ 50 ޕަސެންޓަށް ވުރެ ގިނަ ވޯޓު ލިބޭ ކެންޑިޑޭޓެއް މޮޅު ވާނެ އެވެ.
ރަނިލް އާއި ޑަލަސްގެ އިތުރުން ދެން އެ މަގާާމަށް ވާދަކުރައްވަނީ ވައަތު ފިޔައިގެ ނޭޝަނަލް ޕީޕަލްސް ޕަަވާ ޕާޓީގެ އަނޫރާ ކުމާރަ ޑިއްސަަނަޔެކެ އެވެ.
