ދާކާ، ބަންގްލަދޭޝް (ޖުލައި 19) - ކޮވިޑް ޓެސްޓުގެ ފޭކު ނެގެޓިވް ނަތީޖާތަކެއް އެތައް ހާސް ބަޔަކަށް ދޫކުރިކަން ސާބިތުވެ ބަންގްލަދޭޝްގެ ކޯޓަކުން އަންގާރަ ދުވަހު އަށް މީހަކު 11 އަހަރަށް ޖަލަށް ހުކުމްކޮށްފި އެވެ.
ޕްރައިވެޓް ކްލިނިކް ޖޭކޭޖީ ހެލްތުކެއާއިން ސާމްޕަލް ނެގުމަށް ފަހު 16،000 މީހުންނަށް ފޭކު ނެގެޓިވް ނަތީޖާ ދޫކުރި ކަމަށް ވެރިރަށް ދާކާގެ ކޯޓުން ބުންޏެވެ.
އެގާރަ އަހަރަށް ޖަލަށް ލާފައި ވަނީ ކްލިނިކުގެ ވެރިޔާ އަރީފުލް ހައްގު ޗައުދަރީ އާއި އޭނާގެ އަންހެނުން ޑރ. ސަބްރީނާ އަދި ހަ މުވައްޒަފުންނެވެ.
ބަންގްލަދޭޝްގައި މިހާތަނަށް ކޮވިޑްގެ ދެ މިލިއަން ކޭސް ފެނިފައިވާ އިރު، މާޗް 2020 އިން ފެށިގެން އެ ބަލީގަައި މަރުވީ 29،241 މީހުންނެވެ.
ޖޭކޭޖީ ހެލްތުކެއާއަށް ސަރުކާރުން އެންގީ އާއްމުންގެ ކޮވިޑް ޓެސްޓު ހިލޭ ހަދައިދިނުމަށެވެ. ނަމަވެސް ފީއެއް ނަގައިގެން ނެގެޓިވް ނަތީޖާ ދޫކުރަން ފެށި ކަމުގެ ތުހުމަތު ފެންމަަތިވި އެވެ.
ނެގެޓިވް ނަތީޖާ ހިފައިގެން ގައުމުތަކަށް އެތެރެވި ބަންގްލަދޭޝްގެ ބައެއް މަސައްކަތްތެރިން ބައްޔަށް ޕޮޒިޓިވްކަން ފަހުން ހާމަވުމުން، ބައެއް ގަައުމުތަކުން ބަންގްލަދޭޝް މީހުންނާ ދެކޮޅަށް އިތުރު ފިޔަވަޅު އެޅި އެވެ.
