ސްރީލަންކާގެ ގާނޫނު ހަދާ މަޖިލީހުގައި ބުދަ ދުވަހު އޮންނަ ރައީސް އިންތިހާބު ކުރުމުގެ ވޯޓުގައި ކެންޑިޑޭޓެއްގެ ގޮތުގައި ވާދަ ނުކުރާނެ ކަމަށް އިދިކޮޅު ލީޑަރު ސަޖިތު ޕްރޭމަދާސަ ވިދާޅުވެއްޖެ އެވެ.
ސަޖިތު ވިދާޅުވީ އެމަނިކުފާނުގެ ޕާޓީއިން ރައީސް ކަަމަށް ތާއީދު ކުރާނީ ޑަލަސް އަލަހައްޕެރުމައަށް ކަމަށެވެ.
"އަޅުގަނޑު އެންމެ ލޯބިވާ ގައުމާއި ރައްޔިތުންގެ މަސްލަހަތަށްޓަކަައި، އަޅުގަނޑުގެ ނަން އަނބުރާާ ގެންދަން ނިންމައިފިން،" ސަަޖިތު ކުރެއްވި ޓްވީޓެއްގައި ވިދާޅުވި އެވެ.
"އެސްޖޭބީ އާއި އަޅުގަނޑުމެންގެ ބައިވެރިންނާއި އިދިކޮޅު ޕާޓްނަރުން މަސައްކަތް ކުރާނީ ޑަލަސްއަށް ކާމިޔާބު ހޯދައި ދިނުމަށް."
އެހެންކަމުން ރައީސް ހޮވުމުގެ ވޯޓުގައި ދެން އެންމެ ވާދަވެރިކަން ބޮޑު ވާނީ ޑަލަސް އާއި މިހާރު ވަގުތީ ރައީސް ކަމުގައި ހުންނެވި ރަނިލް ވިކްރަމަސިންހައާ ދެމެދު އެވެ.
ސްރީލަންކާގެ މަޖިލީހުގައި 225 މެމްބަަރުން ތިއްބަަވަ އެވެ. އޭގެ ތެރެއިން ބައެއް މެމްބަރުން މި ވަގުތު ގައުމުން ބޭރުގައި ތިބި ނަމަވެސް، ބުދަ ދުވަހުގެ ވޯޓަށް އެނބުރި ލަންކާއަށް ދާނެ ކަމަށް ބެލެވެ އެވެ.
ސްރީލަަންކާ ފްރީޑަމް ޕާޓީއިން ބުނީ ތާއީދު ބޮޑު ކެންޑިޑޭޓަކަށް ފުރުސަތު ދިނުމުގެ ގޮތުން އެ ޕާޓީގެ ފަރާތުން ވަކި ކެންޑިޑޭޓެއް ނުނެރޭނެ ކަމަށެވެ.
އެ ޕާޓީގެ ލީޑަރު އަދި ކުރީގެ ރައީސް މައިތްރިޕާލާ ސިރިސޭނާ ވިދާޅުވީ މެމްބަރުންގެ ވޯޓު ގަންނަން ފަައިސާ ހުށަަހަޅަމުންދާ ކަމަށެވެ.
