ދަރަނީގެ މިންވަރު މަތި އަދި ސިޔާސަތުތައް ބަދަލު ކުރުމުގެ ޖާގަ ކުޑަ ގައުމުތަކަށް އިތުރު އިގްތިސާދީ ގޮންޖެހުންތައް ކުރިމަތިވާނެ ކަމަށް އިންޓަނޭޝަނަަލް މަނިޓަރީ ފަންޑް (އައިއެމްއެފް) ގެ މެނޭޖިން ޑިރެކްޓަރު ކްރިސްޓަލީނާ ޖޯޖިއޭވާ ވިދާޅުވެއްޖެ އެވެ.
"އިންޒާރުގެ މިސާލެއް ހޯދާ ނަމަ، ސްރީލަންކާއަކީ އެންމެ ފުރިހަމަ މިސާލު،" އެންމެ ކުރިއަރާފައިވާ 20 އިގްތިސާދު ހިމެނޭ ގްރޫޕް އޮފް ޓުވެންޓީ ނުވަތަ ޖީ20 ގެ ފިނޭންސް މިނިސްޓަރުންނާއި މަަރުކަޒީ ބޭންކުތަކުގެ ގަވަަރުނަރުންގެ ބައްދަލުވުމުގައި ޖޯޖިއޭވާ ވިދާޅުވި އެވެ.
އޭނާ ވިދާޅުވީ ތަރަައްގީވަމުންދާ ގައުމުތަަކުގައި ފާއިތުވި ހަތަރު މަހު ވެސް ހުއްޓުމެއް ނެތި ކެޕިޓަލް އައުޓްފްލޯ ތަޖުރިބާ ކުރަން ޖެހުނު ކަމަށެވެ. ކުރިއަރާފައިވާ ގައުމުތަކާ އެއް ހަމައަށް ދިޔުމަށް ފާއިތުވި 30 އަހަރު ނެގި ދަރަަނީގެ ބުރައާ ކުރިމަތިވެ، އިގްތިސާދު ވެއްޓުމުގެ ނުރައްކާ ބޮޑު ކަމަށް އޭނާ ފާހަގަކުރެއްވި އެވެ.
ޖޯޖިއޭވާ ވިދާޅުވީ މި ހާލަތާ ކުރިމަތިލުމަށް އެންމެ ފުރަތަމަ ވެސް ގައުމުތަކުން އިންފްލޭޝަން ތިރި ކުރަން ހުރިހާ ފިޔަވަޅެއް އަޅަން ޖެހޭނެ ކަމަށެވެ. ދެ ވަނަ ކަމަކަށް ދަރަނި ކުޑަ ކުރެވޭނެ އަދި އާއްމުންނަށް އެހީވެވޭނެ މާލީ ސިޔާާސަަތެއް މުހިއްމު ކަމަށް އޭނާ ފާހަގަކުރެއްވި އެވެ.
ތިން ވަނަ ކަމަކަށް އޭނާ ފާހަަގަކުރެއްވީ ކާބޯތަކެތީގެ ރަައްކާާތެރިކަމާއި ދަރަނި މަތިވުމުން އޮތް ނުރައްކާ ކުޑަ ކުރަން ގައުމުތަައް ގުޅިގެން މަސައްކަތް ކުރުމެވެ.
ޖީ20 ގެ ފިނޭންސް މިނިސްޓަރުންނާއި މަަރުކަޒީ ބޭންކުތަކުގެ ގަވަަރުނަރުންގެ ބައްދަަލުވުން ދެ ދުވަހަށް ކުރިއަށް ދިޔައީ އިންޑޮނީޝިއާގެ ބާލީގަ އެވެ.
