ހަގީގަތާ ނުބައްދަލު ހަކަތައިގެ ސިޔާސަތުތަަކުން އިންފްލޭޝަން މަތިވާނެ ކަމަށާއި ދުނިޔޭގެ އިގްތިސާދު ރަނގަޅު ކުރުމަށް އެއްބައިވެގެން މަސައްކަތް ކުރަން ޖެހޭ ކަމަށް ސައުދީ އަރަބިއްޔާގެ ވަލީ އަަހުދު އަމީރު މުހަައްމަަދު ބިން ސަލްމާން ވިދާޅުވެއްޖެ އެވެ.
ޖިއްދާގައި ހޮނިހިރު ދުވަހު އޮތް ސެކިއުރިޓީ އެންޑް ޑިވެލޮޕްމަންޓް ސަމިޓުގައި ވަލީ އަހުދު ވިދާޅުވީ ހަކަތައާ ގުޅޭ ހަގީގަތާ ނުބައްދަލު ސިޔާސަތުތަކުން އިންފްލޭޝަން މަތިވެ، މުސްތަަގްބަލުގައި ކަރަންޓުގެ އަގު އިތުރަށް އުފުލިގެން ދާނެ ކަމަށެވެ.
"ޖައްވަށް ދޫކުރާ ވިހަ ގޭސް މަަދު ކުރަން ހަގީގަތާ ނުބައްދަަލު ސިޔާާސަތުތަކަށް އަަމަަލުކޮށް، ހަކަތައިގެ މައި ވަސީލަތްތަކާ ދުރުވުމުން، ކުރިއަށް އޮތް އަހަރުތަކުގައި އިންފްލޭޝަން ވަރަށް ބޮޑަށް މަތިވެ، ކަރަންޓުގެ އަގު އުފުލި، ވަޒީފާ ނެތް މީހުން އިތުރުވުމާ އެކު ސީރިއަސް އިޖުތިމާއީ އަދި ސެކިއުރިޓީ މައްސަލަތައް އިތުރަށް ގޯސް ވާނެ،" އެމަނިކުފާނު ވިދާޅުވި އެވެ.
ސައުދީ އަރަބިއްޔާއިން ރޭވި ސަމިޓު ހޮނިހިރު ދުވަހު ފެށި އިރު، ގަލްފްގެ ހަ ގައުމާއި މިސްރު، އުރުދުން އަދި އިރާގުން ވެސް ބައިވެރިވެ އެވެ.
ހުކުރު ދުވަހު ސައުދީ އަރަބިއްޔާއަށް ވަޑައިގެންނެވި އެމެރިކާގެ ރައީސް ޖޯ ބައިޑެން އާއި އެމެރިކާގެ އެހެން އޮފިޝަަލުން ވެސް އެ ސަމިޓުގައި ބައިވެރިވެވަޑައިގެންނެވި އެވެ.
އެމެރިކާގެ ރައީސް ޖޯ ބައިޑެން. -- ފޮޓޯ: އޭއެފްޕީ
ސަމިޓު ފެށުމުގެ ގޮތުން ވާހަކަފުޅު ދައްކަވަމުން ވަަލީ އަހުދު ވަނީ ރަސްގެފާނު ސަލްމާން ބިން އަބްދުލް އަޒީޒްގެ ސަލާމާއި ހެޔޮ އެދުން ގަައުމުތަކުގެ އޮފިޝަަލުންނަށް ފޮނުއްވާފަ އެވެ.
އޭގެ އިތުރުން ސަރަހައްދީ ކަންކަމުގައި އިރާނުން އެއްބާރުލުން ދިނުމަށާއި ގައުމުތަކުގެ ދާހިލީ ކަންކަމަށް ނުފޫޒު ފޯރުވަން މަސައްކަތް ނުކުރުމަށް ވަލީ އަހުދު ގޮވާލެއްވި އެވެ.
ބައިޑެން ވިދާޅުވީ ނިޔުކްލިއާ ހަތިޔާރެއް އުފެއްދުމުގެ ފުރުސަތު އިރާނަށް ނުލިބޭނެ ކަމަށާއި މެދުއިރުމަތީގައި އެމެރިކާ ދެމިއޮންނާނީ ހަރަކާތްތެރި، ބަދަހި ބަައިވެރިއެއްގެ ގޮތުގައި ކަމަށެވެ.
އޭގެ އިތުރުން އިޖުތިމާއީ އަދި އިގްތިސާދީ ހެޔޮ ބަދަލު ގެނައުމަށް އިންސާނީ ހައްގުތަކަކީ ބޮޑު ބާރެއްގެ ގޮތުގައި ބަަލައިގަތުމަށް އަރަބި ލީޑަރުންނަށް ބައިޑެން ގޮވާލެއްވި އެވެ.
ބައިޑެން އިތުރަށް ވިދާޅުވީ މެދުއިރުމަތީގައި ރަޝިއާ، ޗައިނާ އަދި އިރާނުގެ ނުފޫޒު ގަދަަ ކުރެވޭނެ ފަދަ ހުސް ޖާގައަށް އެމެރިކާއިން ފުރުސަތު ނުދޭނެ ކަމަށާއި އެމެރިކާގެ މަސްލަހަތު ގުޅިފަައި އޮތީ މެދުއިރުމަތީގެ ކާމިޔާބާ ކަމަށެވެ.
ސަމިޓުގައި ބައިވެރިވެވަޑައިގެންނެވި ލީޑަރުން. -- ފޮޓޯ: ރޮއިޓާޒް
ސަމިޓުގައި ވާހަކަފުޅު ދެއްކެވި އުރުދުންގެ ރަސްގެފާނު އަބްދުﷲ ދެ ވަނަަ ވިދާޅުވީ އިޒްރޭލާއި ފަލަސްތީނުގެ މައްސަލައަށް ހައްލު ނުލިބެނީސް މެދުއިރުމައްޗަށް ހަމަނުޖެހުން ނާންނާނެ ކަމަށެވެ.
ކުވެއިތުގެ ވަލީ އަހުދު ޝެއިހް މެޝާލް އަލް އަހްމަދް އަލް ސަބާހް އިރާނަށް ގޮވާލެއްވީ ސަރަހައްދުގެ ރައްކާތެރިކަމަށްޓަކައި އިންޓަނޭޝަނަލް އެޓޮމިކް އެނާޖީ އެޖެންސީ (އައިއޭއީއޭ) އަށް އެއްބާރުލުން ދިނުމަަށެވެ.
އިރާގުގެ ބޮޑު ވަޒީރު މުސްތަފާ އަލް ކަދޭމީ ގޮވާލެއްވީ ޓެރަރިޒަމާ ދެކޮޅަށް ހަރުދަނާ ސްޓްރެޓެޖީއެއް ބިނާކޮށް، ޓެރަރިޒަމަށް ފައިނޭންސް ކުރުން ހުއްޓުވޭނެ ގޮތްތައް ހޯދުމަށެވެ.
