އެމްޑީޕީއާ ގުޅުނީ ހިޔާލުތަފާތުވުންތަކަށް ޖާގަ އޮތީމަ: އެމްޕީ ސައުދު

އެމްޕީ ސައުދު: އޭނާ ވަނީ އެމްޑީޕީއާ ގުޅިފައި

އެމްޕީ ސައުދު: އޭނާ ވަނީ އެމްޑީޕީއާ ގުޅިފައި

އެމްޑީޕީއާ ގުޅުނީ އެ ޕާޓީތެރޭގައި ހިޔާލުތަފާތުވުމަށް ޖާގަ އޮތުމުން ކަމަށް ރައްޔިތުންގެ މަޖިލީހުގެ ވިލިނގިލި ދާއިރާގެ މެންބަރު ސައުދު ހުސައިން ވިދާޅުވެއްޖެ އެވެ.

އަމިއްލަ މެންބަރެއްގެ ގޮތުގައި ހުންނެވި ސައުދު އެމްޑީޕީއަށް ސޮއިކުރެއްވީ މިދިޔަ ޖޫން މަހުގެ 20 ވަނަ ދުވަހުގަ އެވެ. އެކަމާ ގުޅޭގޮތުން ސައުދު "އަދަދު"އަށް ވިދާޅުވީ ރައީސް ސޯލިހްގެ ލީޑާޝިޕުގައި މި ފާއިތުވެދިޔަ ހަތަރު އަހަރު ތެރޭގައި ދުނިޔެއަށް ދިމާވަމުންދާ ބޮޑެތި ކާރިސާތަކާ ގުޅިގެން ދިވެހި ރައްޔިތުންގެ ކަންކަން ވަރަށް ރަނގަޅަށް މެނޭޖުކުރަމުން ގެންދަވާ ކަމަށެވެ.

ރައީސް ސޯލިހާއެކު މަސައްކަތްކުރައްވާތާ ފަސް އަހަރު ވެގެންދާކަން ފާހަގަކުރައްވާ ސައުދު ވިދާޅުވީ މިހާރު ރާއްޖޭގެ ސިޔާސީ މިސްރާބުވަމުންދާ ގޮތުންނާއި މިވަގުތު ދުޅަހެޔޮ ސިޔާސީ މަޝްރަހެއް ބިނާކުރެވި، ސިޔާސީ މަސައްކަތެއް ކުރަން އެންމެ ރަނގަޅު ޕްލެޓްފޯމަކީ އެމްޑީޕީ ކަމަށް ގަބޫލުކުރެވޭ ކަމަށް ސައުދު ވިދާޅުވި އެވެ.

Advertisement

އޭނާ ވިދާޅުވީ ސިޔާސީ ޕާޓީއެއްގައި މަސައްކަތް ކުރާނަމަ އެންމެ ފުރަތަމަ ބަލަން ޖެހެނީ އެ ޕާޓީއެއްގެ ތެރޭގައި ހިޔާލު ތަފާތުވުމުގެ ޖާގަ އޮތީ ކިހާ މިންވަރަކަށްތޯ އަދި އޭގެ ނަތީޖާއަކީ ކޮބާތޯ ކަމަށެވެ. އަދި އެމްޑީޕީ ތެރޭގައި ވަރަށް ފޯރިގަދަ ދެ އިންތިހާބެއް ބޭއްވިއިރު، އެ އިންތިހާބުތަކުގައި ވަރަށް ފޯރިއާ އެކީގައި ހިޔާލު ތަފާތު ކުރުމުގެ ޖާގަ ވަރަށް ޑިމޮކްރެޓިކްކޮށް އުސޫލުން ގެންދިޔަ ކަމަށް ސައުދު ވިދާޅުވި އެވެ.

"ދެ އިންތިހާބަށްފަހު ޕާޓީގެ ގުނަވަންތަކުން ހިޔާލުތަފާތުވުން ނައްތާލާ، އެންމެން އެކީގައި ކުރިއަށް ގެންދިއުމުގެ ވިސްނުން އިސްކޮށްފައި އޮތީ" ސައުދު ވިދާޅުވި އެވެ.

ސައުދު ވިދާޅުވީ ވެރިކަމުގައި ތިބެމެ، އެމްޑީޕީގައި ހިޔާލުތަފާތުވާ ވަގުތުތަކުގައި ގަޔަށް ބޮލަށް އަރާ އަނިޔާކުރުމުގެ ސަގާފަތެއް ނެތް ކަމަށެވެ. އެއާ ހިލާފަށް އޭނާ ޕީޕީއެމްގައި މަސައްކަތް ކުރެއްވިއިރު، ކުޑަކުޑަ ހިޔާލުތަފާތުވުންތަކާއެކު ޕީޕީއެމުން ދިމާވީ ވަރަށް އަނިޔާވެރި، ނުރައްކާރެތި ވިލާގަނޑަކާ ކަމަށް ސައުދު ވިދާޅުވި އެވެ.

އެ ވިލާގަނޑުން ނައްޓާގަންނަން އަޅުގަނޑުމެން ކުރި މަސައްކަތުން ދުވަހަކަށްވުރެ ދުވަހެއް އަނިޔާވެރިކަން ދިޔައީ އިތުރުވެގެން. އެއީ އެ ޕާޓީ ތެރޭގައި ހިޔާލުތަފާތުވުންތަކަށް ނެތް ޖާގައެއްގެ ސަބަބުން ހުދުމުހުތާރު ވެރިކަމަކަށް ޖާގަ ދެވިގެން ދިޔަ މަންޒަރު.

ސައުދު ވިދާޅުވީ އެއާ ހިލާފަށް އެމްޑީޕީ ތެރޭގައި ޑިމޮކްރެޓިކް ގުނަވަންތައް ވަރަށް ރަނގަޅަށް މަސައްކަތް ކުރަމުންދާ ކަމަށެވެ.

މަޖިލިސް މެންބަރު ކަމަށް ވާދަކުރެއްވިއިރު އެމްޑީޕީގެ ފަރާތުން ބޮޑު އެހީތެރިކަމެއް ލިބިގެން ދިޔަކަން ފާހަގަކުރައްވާ ސައުދު ވިދާޅުވީ އެމްޑީޕީއާ ގުޅެންވީ ވަގުތު ޖެހިއްޖެ ކަމަށެވެ. އޭނާ ވިދާޅުވީ އެމްޑީޕީއާ ގުޅެން ނިންމީ ވަކި މީހެއްގެ އެދުމަކަށް ނޫން ކަމަށާއި، އެއީ އޭނާގެ އަމިއްލަ ނިންމުމެއް ކަމަށެވެ. އަދި އެމްޑީޕީގެ ގިނަ އިސްވެރިންނަށް ވެސް އޭނާ އެމްޑީޕީއަށް ސޮއިކުރަން ނިންމިކަން އެނގިފައި ނުވާނެ ކަމަށެވެ.

ނަވާރަވަނަ ރައްޔިތުންގެ މަޖިލީހުގެ ސުޕަ މެޖޯރިޓީ އޮތީ ވެސް އެމްޑީޕީއަށެވެ. 87 މެންބަރުން ތިއްބަވާ މަޖިލީހުގައި އެމްޑީޕީގެ 65 މެންބަރުން ތިއްބަވަ އެވެ. ސައުދު ގުޅިވަޑައިގަތުމުން އެ ޕާޓީގެ 66 މެންބަރުން ދެން މަޖިލީހުގައި ތިއްބަވާނެ އެވެ.

ސައުދު ސިޔާސީ ދާއިރާއަށް ނުކުންނެވީ ޕީޕީއެމުންނެވެ. އަށާރަވަނަ މަޖިލީހުގައި ވެސް ވިލިނގިލި ދާއިރާ ސައުދު ތަމްސީލް ކުރެއްވިއިރު އެ ގޮނޑިއަށް އޭނާ އިންތިހާބުވީ ޕީޕީއެމްގެ ޓިކެޓުގަ އެވެ.

ޕީޕީއެމްގެ ލީޑަރު އަދި ކުރީގެ ރައީސް އަބްދުﷲ ޔާމީންގެ ވެރިކަމުގައި ހިނގަމުން ދިޔަ ކަންކަމާ ހިތްހަމަނުޖެހިގެން އެ ޕާޓީ ދޫކޮށްލި 12 މެމްބަރުންގެ ތެރޭގައި އޭނާ ހިމެނިވަޑައިގެންނެވި އެވެ. އެއާއެކު، ޕީޕީއެމުން ވަކިވެގެން ގޮނޑި ގެއްލުވާލި12 މެންބަރުންގެ ތެރޭގައި ވެސް ސައުދު ހިމެނިވަޑައިގަންނަވަ އެވެ.

އެ މައްސަލާގައި މަޖިލިސް ކުރާ ގެއަށް ނުވަދެވި، އަދި މަޖިލީހުގައި ދާއިރާ ތަމްސީލް ނުކުރެވި އަހަރަކަށް ވުރެ ގިނަ ދުވަސްވި އެވެ. އަލުން މަޖިލީހަށް ވަދެވޭ ގޮތްވީ ގޮނޑި ނުގެއްލޭ ކަމަށް ސުޕްރީމް ކޯޓުން ކަނޑައެޅުމުންނެވެ.

އެމްޑީޕީގެ އިސްވެ އޮވެ, ރައީސް އިބްރާހީމް މުހައްމަދު ސޯލިހްގެ މި ސަރުކާރު ގެނައުމަށް ގިނަ މަސައްކަތްތަކެއް ކުރެއްވި ސައުދު އެ ފަހުން ސަރުކާރު ކޯލިޝަންގައި ހިމެނޭ ޖުމްހޫރީ ޕާޓީއަށް ވެސް ސޮއިކުރެއްވި އެވެ. އެކަމަކު މަޖިލީހުގެ އިންތިހާބުގައި ވާދަކުރެއްވީ އަމިއްލަ ގޮތުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox