ސައުދީ އަރަބިއްޔާގެ ކެބިނެޓްގެ ވައިސް ސެކެޓްރީއެއްގެ މަގާމަށް ފުރަތަމަ ފަހަރަށް އަންހެނަކު އައްޔަނުކޮށްފި އެވެ.
ކައުންސިލް އޮފް މިނިސްޓާޒްގެ ވައިސް ސެކެޓްރީ ޖެނެރަލްގެ މަގާމަށް އަައްޔަނު ކުރެއްވީ އަލް ޝިހާނާ ބިންތި ސާލިހް އަލް އައްޒާޒެވެ. މީގެ ކުރިން މުޅިން ވެސް އެ މަގާމުގައި ތިއްބެވި ފިރިހެނުންނެވެ.
ޝިހާނާއަކީ ސައުދީގެ ޕަބްލިކް އިންވެސްޓްމަންޓް ފަންޑް (ޕީއަައިއެފް) ގެ އިސް ގާނޫނީ ވަކީލަކަށް ކުރިން އުޅުއްވި ބޭފުޅެކެވެ. އޭނާއަކީ ސައުދީ އަރަބިއްޔާގެ އެންމެ ފުރަތަމަ އަންހެން ގާނޫނީ ވަަކީލުންގެ ތެރޭގައި ހިމެނޭ މީހެކެވެ.
ޓޫރިޒަމާ ބެހޭ ވަައިސް މިނިސްޓަރުގެ މަގާމަށް އައްޔަނު ކުރެއްވީ އަމީރާ ހައިފާ ބިންތި މުހައްމަދެވެ. އެކަމަނާ ކުރިން ހުންނެވީ ޓޫރިޒަމާ ބެހޭ އެސިސްޓަންޓް މިނިސްޓަރުގެ މަގާމުގަ އެވެ.
ކައުންސިލް އޮފް މިނިސްޓާޒް އަކީ ސައުދީގައި ގާނޫނު ޑްރާފްޓް ކުރުމުގެ ބާރު ލިބިގެންވާ ސަރުކާރުގެ ކެބިނެޓެވެ. ކައުންސިލްގައި އިސްކޮށް ހުންނަވަނީ ބޮޑު ވަޒީރުގެ މަގާމު ފުރުއްވާ ރަސްގެފާނު ސަލްމާން ބިން އަބްދުލް އަޒީޒެވެ.
ސައުދީގައި ފުރަތމަ ފަހަރަަށް އަންހެން މިނިސްޓަރަކު އައްޔަނު ކުރީ 2009 ވަނަަ އަހަރު އެވެ. އެ ފަހަރު ޑެޕިއުޓީ އެޑިއުކޭޝަން މިނިސްޓަރަކަށް އައްޔަނު ކުރެއްވީ ނޯރާ ބިންތި އަބްދުﷲ އަލް ފާާއިޒް އެވެ.
