އަފްގާނިސްތާން "ނޯމަލައިޒް" ކުރަން ނުވަތަ އާންމު ހާލަތަށް ގެންނަން ރަޝިއާއިން ބުރަކޮށް މަސައްކަތް ކުރަމުންދާ ކަމަަށް ރަޝިއާގެ ރައީސް ލެޑިމިއަ ޕުޓިން ވިދާޅުވެއްޖެ އެވެ.
ޕުޓިން އެގޮތަށް ވިދާޅުވީ އަފްގާނިސްތާން ކައިރީގައި އޮންނަ ތަޖިކިސްތާނަށް ކުރެއްވި ދަތުރެއްގެ ތެރެއިންނެވެ.
ތަޖިކިސްތާންގެ ރައީސް އެމޯމަލީ ރަހްމޯންއާ ބަައްދަަލުކުރެއްވުމަށް ފަހު ޕުޓިން ވިދާޅުވީ އަފްގާނިސްތާން އާންމު ހާލަތަށް ގެނެސް، ސިޔާސީ ފަރާތްތަކާ އެކު ގުޅުން ގާއިމް ކުރަން މަސައްކަތް ކުރާ ކަމަށެވެ.
ނަމަވެސް އަަފްގާނިސްތާނުގައި ވެރިކަން ކުރުމުގައި އެންމެންގެ ބައިވެރިވުން ވެސް އޮންނަން ޖެހޭނެ ކަމަށް ޕުޓިން ވިދާޅުވި އެވެ.
މިއީ މިދިޔަަ ފެބްރުއަރީ މަހު ރަޝިއާގެ ސިފަައިން ޔޫކްރެއިނަށް އަރައި ހަނގުރާމަ ފެށި ފަހުން ޕުޓިން ގައުމުން ބޭރަށް ކުރެއްވި ފުރަތަމަ ދަތުރެވެ.
ރަޝިއާގެ ބޮޑު އަސްކަރީ މަރުކަޒެއް ތަަޖިކިސްތާންގައި ހުރެ އެވެ. ތަޖިކިސްތާނާއި އަަފްގާނިސްތާނުން 1،200 ކިލޯމީޓަރުގެ ދިގު ބޯޑަރެއް ހިއްސާ ކުރެ އެވެ.
