ސްރީލަންކާއަށް ތެޔޮ ހޯދަން ގަތަރުގެ ކްރެޑިޓް ލައިނެއް ލިބޭތޯ މަސަައްކަތް ކުރަމުންދާ ކަމަށް ހަކަތައާ ބެހޭ މިނިސްޓަރު ކަންޗަނާ ވިޖެސޭކަރަ ވިދާޅުވެއްޖެ އެވެ.
އަންގާރަ ދުވަހި ވިޖެސޭކަރަ ވަނީ ގަތަރުގެ ވެރިންނާ އެކު އެކަމާ ބެހޭ މަޝްވަރާ ކުރައްވާފަ އެވެ. އެގޮތުން ގަތަރުގެ ހަކަތައާ ބެހޭ ސްޓޭޓް މިނިސްޓަރު ސާދް ޝެރީދާ އަލް ކާބީއާ ބައްދަލުކުރެއްވި އެވެ.
ގަތަރް އެނާޖީ ކުންފުންޏާއި ގަތަރް ޑިވެލޮޕްމަންޓް ފަންޑްގެ އެހީ ހޯދަން މަޝްވަރާ ކުރެއްވި ކަމަށާއި ޕެޓްރޯލިއަމް އާއި ގޭހަށް ގަތަރުގެ ކްރެޑިޓް ލައިނެއް ހޯދުމުގެ ވާހަކަ ދެކެވުނު ކަމަށް އޭނާ ވިދާޅުވި އެވެ.
އަންގާރަ ދުވަހުން ފެށިގެން ޖުލައި 10 ވަނަ ދުވަހާ ހަމައަށް ސްރީލަންކާގައި އެއްވެސް ޕްރައިވެޓް އުޅަނދަކަށް ތެޔޮ ނުވިއްކަން އެ ގައުމުގެ ވަޒީރުންގެ މަޖިލީހުން ވަނީ ނިންމާފަ އެވެ.
ސިލޯން ޕެޓްރޯލިއަމް ކޯޕޮރޭޝަން (ސީޕީސީ) ޓްރޭޑް ޔޫނިއަނުން ޑެއިލީ މިރާ ނޫހަށް ބުނީ މިހާރު ގައުމުގައި ހުރި 1،100 ޓަނުގެ ޕެޓްރޯލާއި 7،500 ޓަނުގެ ޕެޓްރޯލުން އެންމެ ދުވަހަކަށް ވެސް ނުފުދޭނެ ކަމަށެވެ.
ޕްރައިވެޓް އުޅަނދުތަކަށް ތެޔޮ ވިއްކުން ހުއްޓާލި އިރު، ތެލުގެ އާ ޝިޕްމަންޓެއް ލިބޭނެ ދުވަހެއް ނޭނގެ އެވެ.
