ގައުމީ ވޮލީ ލީގު ފުރަތަމަ މެޗުގައި ވެމްކޯ އިން އޮއްފު ބަލިކޮށްފި

Jun 25, 2022, 1:59 PM
ވެމްކޯ ޓީމުގެ އިސްމާއިލް ސާޖިދު (ކުޑަކާއްޓެ) މިއަދުގެ މެޗުގެ ތެރެއިން.--- ފޮޓޯ: އަބްދުﷲ އިޔާން/ އަދަދު

ވެމްކޯ ޓީމުގެ އިސްމާއިލް ސާޖިދު (ކުޑަކާއްޓެ) މިއަދުގެ މެޗުގެ ތެރެއިން.--- ފޮޓޯ: އަބްދުﷲ އިޔާން/ އަދަދު

ގައުމީ ވޮލީބޯޅަ ލީގުގައި ފުރަތަމަ މެޗުގައި މިއަދު ހަވީރު ކްލަބް ވެމްކޯ އިން ފަހަތުން އަރައި 3-1 ސެޓުން އޮއްފު އެފްސީ ބަލިކޮށްފި އެވެ.

މި ފަހަރުގެ ވޮލީބޯޅަ ސީޒަނުގައި ވެމްކޯ އިން މި ވަނީ ތިން ވަނަ ފަހަރަށް އޮއްފު ބަލިކޮށްފަ އެވެ. އެންމެ ފުރަތަމަ އެސޯސިއޭޝަން ކަޕްގެ ޕްރިލިމިނަރީ ބުރުގައި އޮއްފު އަތުން ވެމްކޯ މޮޅުވީ 3-1 ސެޓުންނެވެ. އޮއްފު އަތުން އެސޯސިއޭޝަން ކަޕްގެ ލީގު ބުރުގައި ވެމްކޯ މޮޅުވީ ވެސް 3-1 ސެޓުންނެވެ. ހަމަަ އެ ނަތީޖާއިން ގައުމީ ލީގުގައި މިއަދު ވެމްކޯ މޮޅުވިއިރު، ފުރަތަމަ ދެ މެޗާއި މި މެޗުގެ ތަފާތަކީ ފުރަތަމަ ސެޓު، އޮއްފުން ގެންގޮސްފައި ވަނިކޮށް ފަހަތުން އަރައި ވެމްކޯ މޮޅުވުމެވެ.

ޒުވާނުންގެ މަރުކަޒު އެތެރެ ކޯޓުގައި މިއަދު ހަވީރު ކުޅުނު މެޗަށް ނުކުތްއިރު، ގައުމީ ލީގަށް ދެ ޓީމުން ވެސް ވަނީ ޓްރާންސްފާތަކެއް ކޮށްފަ އެވެ. މި މެޗުގެ ސެޓުތައް ދިޔައީ 22-25، 25-21، 25-21 އަދި 25-20 އިންނެވެ.

Advertisement

އޮއްފު ޓީމުގެ ޑެންޒޯ މިއަދުގެ މެޗުގެ ތެރެއިން އުފާފާޅުކުރަނީ.-- ފޮޓޯ: އަބްދުﷲ އިޔާން/ އަދަދު

މެޗުގެ ފުރަތަމަ ސެޓުގައި އޮއްފު ރަނގަޅު ރޫހެއްގައި ކުޅެލި އެވެ. އެ ޓީމަށް އަލަށް ގެނައި ސެޓަރު، އަލީ މައުރޫފް (މާޓޭ) އާއި ލިބަރޯ، އާދަމް ނިޒާމް (ކިތުނަ)، މި ސެޓުގައި ރަނގަޅަށް ކުޅުނުއިރު، އިންޑިއާ ދެ ކުޅުންތެރިން، ގުރު ޕްރަސަންތު އާއި ޖޯން ޖޯސެފް ވެސް ވަނީ ރަނގަޅު ކުޅުމެއް ދައްކައިފަ އެވެ.

އޮއްފުން ފުރަތަމަ ސެޓު 22-25 އިން ގެންދިޔައިރު، އެ ޓީމުގައި ހިމެނޭ އަހުމަދު މުހައްމަދު (ކޯކޭ) އާއި މުހައްމަދު އަލީ (ޑެންޒޯ) ވެސް މި ސެޓުގައި ރަނގަޅަށް ކުޅުނެވެ.

ދެ ވަނަ ސެޓާއި ތިން ވަނަ ސެޓަށް ވެމްކޯ އިން ކުޅުން ރަނގަޅުކުރި އެވެ. ވެމްކޯގެ އިންޑިއާ ދެ ކުޅުންތެރިން، ސެޓަރު ރަންޖިތު ސިންހާއި ސެންޓަ ބްލޮކަރު، އަޝްވަލް ރާއީގެ ކުޅުން ފެންނަން ފެށި އެވެ. އެ ޓީމުގައި ހިމެނޭ ގައުމީ ޓީމުގެ ކެޕްޓަން، އިސްމާއިލް ސާޖިދު (ކުޑަކާއްޓޭ)ގެ ރަނގަޅު ޝޮޓްތައް މި ދެ ސެޓުގައި ފެނިގެންދިޔައިރު، އާދަމް ފައިރޫޒް ވެސް ވަނީ ޑިފެންސް ބޯޅަތަކާއި އެޓޭކްގައި ވެސް ރަނގަޅު ކުޅުމެއް ދައްކައިފަ އެވެ. ވެމްކޯ އިން 25-21، 25-21 އިން ދެ ސެޓު ގެންގޮސް ހަމަޖެހިލި އެވެ.

ވެމްކޯ އިން ހަތަރު ވަނަ ސެޓު ފެށިއިރު، ރަނގަޅު ލީޑެއް ނެގި ނަަމަވެސް ސާވިސް ބޭކާރުވުމާއި ޑިފެންސްކުރުމާއި އެޓޭކްގައި ވެސް ގޯސްތަކެއް ހެދި، އޮއްފު އަށް ނަތީޖާ އަނބުރާލަން ފުރުސަތު ލިބުނެވެ. އެ ގޮތުން އޮއްފު އިން 08-13 އިން ވެސް މި ސެޓުގައި ކުރީގައި އޮތް ނަމަވެސް ޓައިމްއައުޓް ނަގައިގެން ވެމްކޯ ޓީމުން ޕްރެޝަރަށް ހޭނި، ކުރިއެރުން ހޯދަން ފެށި އެވެ. ފަރުވާތެރިކަމާ އެކު ކުޅެން ފަށައި، ސެޓުގެ ނަތީޖާ އަނބުރާލައި، ކުރިން ދެ ސެޓުގައި ނެގި ކޮންޓްރޯލް ވެމްކޯ އިން އަލުން ދެމެހެއްޓި އެވެ. ވެމްކޯގެ އަޝްފާގު އާދަމް (އައްކަޅޭ) އާއި ކުޑަކާއްޓެ ތަޖުރިބާގެ ބޭނުންކޮށް، ފަހު ސެޓުގައި މޮޅު ކުޅުމެއް ދެއްކިއިރު، އެ ޓީމުން 25-20 އިން ހަތަރު ވަނަ ސެޓު ގެންގޮސް މެޗުން މޮޅުވީ އެވެ.

ލީގު ބުރުގެ ދެ ވަނަ މެޗުގައި މިރޭ 20:30 ގައި ސްޕޯޓްސް ކްލަބް ސިޓީ ބައްދަލުކުރާނީ ގުޑީސް ސްޕޯޓްސް ކްލަބާ އެވެ. ސިޓީ އަކީ ބުރާސްފަތި ދުވަހުގެރޭ ނިމުނު އެސޯސިއޭޝަން ކަޕްގެ ޗެމްޕިއަނުންނެވެ. ގައުމީ ލީގު އެންމެ ފަހުން 2020 ވަނަ އަހަރުގެ ކުރީކޮޅުގައި ބޭއްވިއިރު، ޗެމްޕިއަނަކީ ދިވެހި ސިފައިންގެ ކްލަބް އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox