ގޮންޖެހުންތައް ގިނަ ވިޔަސް ތައްޔާރީތައް ފުރިހަމަވާނެ: ޝިޔާން

Jun 15, 2022, 5:58 AM
ޗެސް އެސޯސިއޭޝަންގެ ރައީސް ޝިޔާން ނޫސްވެރިންގެ ބައްދަލުވުމުގެ ތެރެއިން ވާހަކަ ދައްކަވަނީ.--- ފޮޓޯ: އަބްދުﷲ އިޔާން/ އަދަދު

ޗެސް އެސޯސިއޭޝަންގެ ރައީސް ޝިޔާން ނޫސްވެރިންގެ ބައްދަލުވުމުގެ ތެރެއިން ވާހަކަ ދައްކަވަނީ.--- ފޮޓޯ: އަބްދުﷲ އިޔާން/ އަދަދު

ފުރަތަމަ ފަހަރަށް ރާއްޖޭގައި ބައިނަލްއަގްވާމީ ޗެސް މުބާރާތެއް ބާއްވަން މަސައްކަތްކުރަމުން އަންނައިރު ދިމާވާ އެންމެ ބޮޑު ގޮންޖެހުމަކީ އެ ކުޅިވަރަކަށް ޚާއްސަކުރެވިފައިވާ ރަނގަޅު ވަސީލަތްތައް ނެތުން ކަމަށް މޯލްޑިވްސް ޗެސް އެސޯސިއޭޝަންގެ ރައީސް ހުސައިން ޝިޔާން ވިދާޅުވެއްޖެ އެވެ.

މާދަމާ އިން ފެށިގެން 23 އަށް އއ. އުކުޅަހުގެ ކޮންވެންޝަނަލް ސެންޓަރުގައި ބޭއްވުމަށް ހަމަޖެހިފައިވާ ވެސްޓާން އޭޝިއަން ޖޫނިއާ ޗެސް ޗެމްޕިއަންޝިޕްގައި އޭޝިއާ ސަރަހައްދުގެ ނުވަ ގައުމަކުން 180 ކުދިން ބައިވެރިވާނެ އެވެ.

ސެންޓްރަލް އޭޝިއާ އާއި ދެކުނު އޭޝިއާގެ ކަޒަކިސްތާން، ކިރިގިސްތާން، އުޒްބަކިސްތާން، ބަންގްލަދޭޝް، އިންޑިއާ، ނޭޕާލް، ޕާކިސްތާން އަދި ސްރީ ލަންކާ އިން މި މުބާރާތުގައި ވާދަ ކުރާނެ އެވެ.

Advertisement

މި މުބާރާތާއި ގުޅޭގޮތުން ޗެސް އެސޯސިއޭޝަންގެ ރައީސް ޝިޔާން ވިދާޅުވީ ރާއްޖޭގައި މިވަރުގެ މުބާރާތެއް ބާއްވަން ބަލާއިރު، ވަރަށް ގިނަ ގޮންޖެހުންތަކެއް އެބަހުރި ކަމަށެވެ. އެންމެ ބޮޑަށް ފާހަގަކުރެވެނީ އެކަށިގެންވާ ވަސީލަތްތައް ނެތުން ކަމަށް އޭނާ ވިދާޅުވި އެވެ.

ރާއްޖޭގެ ގިނަ ކުޅިވަރުތަކަށް އޮތް އެންމެ ބޮޑު ގޮންޖެހުމަކީ އެ ކުޅިވަރަކަށް ހާއްސަ ސްޓޭޑިއަމްތައް ނުވަތަ އިންޑޯ ހޯލްތައް ނެތުމެވެ. އެހެންކަމުން ވަކިން ޚާއްސަކޮށް އިންޑޯ ކުޅިވަރުތަކުން ބާއްވާ ބޮޑެތި މުބާރާތްތައް ބާއްވަނީ އެކި އެކި ބޮޑެތި ހޯލްތައް ކުއްޔަށް ނަގައިގެންނެވެ. އެންމެ ފަހުން ޓީޓީ ބައިނަލްއަގުވާމީ ޖޫނިއާ މުބާރާތް ބޭއްވީ ޔޫތު ސެންޓަރު އިންޑޯ ހޯލުގަ އެވެ.

ޝިޔާން ވިދާޅުވީ މުބާރާތް ބާއްވާ އުކުޅަސް ކޮންވެންޝަނަލް ސެންޓަރުގައި މުބާރާތް ބޭއްވުމަށް ބޭނުންވާ ގިނަ ކަންކަން އެބަހުރި ކަަމަށެވެ. ނަމަވެސް ޗެސް އަށް ބޭނުންވާ ގޮތަށް އެތަން ތައްޔާރު ކުރަން އިތުރު މަސައްކަތް ކުރަން ޖެހުނު ކަމަށެވެ.

"ކޮންމެ ކުޅިވަރަކީ ވެސް ވަކި ގޮތަކަށް އެ ކުޅިވަރަކަށް ޚާއްސަކޮށް ތައްޔާރުކޮށްފައި ހުންނަ ވަސީލަތްތައް ބޭނުންވާ ކުޅިވަރެއް. މިސާލަކަށް ޓެކްނިކަލް އިކުއިޕްމަންޓް އެ ތަންތަނަށް ގެންގޮސް ބޭނުންވާ ގޮތަށް ހަރުކޮށް ކަންކަން ވެސް ކުރަންޖެހޭނެ. އެ ކަންތައްތައް ކުރުމަކީ ވެސް ވަރަށް ޗެލެންޖިން ކަމެއް،" ޝިޔާން ވިދާޅުވި އެވެ.

އޭނާ ވިދާޅުވީ ލޯކަލް މުބާރާތްތަކާ ޚިލާފަށް ބައިނަލްއަގްވާމީ މުބާރާތެއް ބާއްވަން ގިނަ ކަންކަން ފުރިހަމަވާން ޖެހޭކަމަށާއި، އެކޮމޮޑޭޝަނުން ފެށިގެން ގޮސް އަންނަ މެހުމާނުންގެ ދަތުރުފަތުރުގެ ކަންކަން ވެސް ހަމަޖައްސަންޖެހޭ ކަމަށެވެ.

"ކޮންވެންޝަން ސެންޓަރުގައި ޑިޕާޓްމަންޓްތައް ހަމަ. އެކޮމޮޑޭޝަން، ގެންގުޅުން، މެޑިކަލް. މިކަހަލަ ބައިވަރު ޗެލެންޖަސް އެބަހުރި. ދެން ބޭނުންވާ މި ކަންކަމަށް މަޝްވަރާ ކުރެވި މިނިސްޓްރީގެ އެހީތެރިކަމާއިއެކު ގިނަ ކަންކަމަށްވަނީ ހައްލު ލިބިފައި" ޝިޔާން ވިދާޅުވި އެވެ.

ޝިޔާން ވިދާޅުވީ މި މުބާރާތުގައި ވާދަކުރާ 180 ކުޅުންތެރިންނާއިއެކު އެ ކުޅުންތެރިންގެ ބެލެނިވެރިންވެސް އަންނާނެކަމަށާއި، ގާތްގަނޑަކަށް ޖުމްލަ މެހުމާނުންގެ އަދަދު 300 އަށް އަރާނެކަަމަށެވެ. އެހެންކަމުން މިހާ ގިނަ މީހުންގެ ދަތުރުފަތުރާއި، އެކި އެކި ކަންކަން ހަމަޖެއްސުމަށް އެ ރަށުން ގިނަ މަސައްކަތްތަކެއް ކުރަން ޖެހުނުކަމަށް ޝިޔާން ވިދާޅުވި އެވެ.

ޗެސް ކަހަލަ ކުޅިވަރެއްގައި ޓެކްނިކަލް ގިނަ ކަންކަން ހިމެނޭއިރު ޑިޖިޓަލް ޕާޓްނަރެއްގެ ގޮތުގައި ދިރާގު އެ އެސޯސިއޭޝަނާއިއެކު ބައިވެރިވާތީ އެކަންވެސް ޝިޔާން ވަނީ ފާހަގަކޮށްފަ އެވެ.

ވެސްޓާން އޭޝިއަން ޖޫނިއާ ޗެސް ޗެމްޕިއަންޝިޕްގައި ރާއްޖެއިން 35 ކުޅުންތެރިން ވާދަކުރާނެ އެވެ. ފަސް އުމުރުފުރާއަކުން ދިވެހި ކުޅުންތެރިން ވާދަކުރާއިރު، މިއީ މިހާތަނަށް ބައިނަލްއަގްވާމީ ޗެސް މުބާރާތެއްގައި ވާދަކުރާ ދިވެހިރާއްޖޭގެ ރާއްޖޭގެ އެންމެ ބޮޑު ޓީމެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox