ކެބިނެޓުގައި ތިއްބެވި އެމްޑީޕީގެ ގިނަ މިނިސްޓަރުންގެ ތާއީދު ރައީސްގެ ރިޔާސީ ކެންޑިޑެސީއަށް

ކެބިނެޓުގައި ތިއްބެވި އެމްޑީޕީގެ ގިނަ މިނިސްޓަރުންގެ ތާއީދު ރައީސްގެ ރިޔާސީ ކެންޑިޑެސީއަށް

ދެހާސްތޭވީސްވަނަ އަހަރު ބާއްވާ ރިޔާސީ އިންތިހާބުގައި އެމްޑީޕީގެ ރިޔާސީ ކެންޑިޑެސީ ރައީސް އިބްރާހީމް މުހައްމަދު ސޯލިހަށް ދިނުމަށް ތާއީދު ކުރައްވާކަން އެމަނިކުފާނުގެ ކެބިނެޓުގައި ހިމެނިވަޑައިގަންނަވާ އެ ޕާޓީގެ ގިނަ މިނިސްޓަރުން ތާއިދުކުރައްވާކަން ހާމަކުރައްވައިފި އެވެ.

އަންނަ އޮގަސްޓް މަހު ބާއްވާ ކޮންގްރެސްގައި އެމްޑީޕީގެ ރިޔާސީ ކެންޑިޑޭޓާ މެދު ގޮތެއް ނިންމުން އޮންނާނެ ކަން، އެންމެ ފަހުން ނޫސްވެރިންނާ ބައްދަލު ކުރައްވައި ރައީސް ސޯލިހް ވަނީ ވިދާޅުވެފަ އެވެ. އަދި ރިޔާސީ ކެންޑިޑެސީގެ ޝައުގު އެމަނިކުފާނު އޮތް ކަން ފުރަތަމަ ފަހަރަށް ފާޅުގައި ވިދާޅުވި އެވެ.

މިއަދު އެމަނިކުފާނުގެ ކެބިނެޓުގައި ހިމެނިވަޑައިގަންނަވާ އެމްޑީޕީއަށް ނިސްބަތްވާ ގިނަ މިނިސްޓަރުން ވަނީ ރައީސަށް ޓިކެޓު ދޭން ފުރިހަމައަށް ތާއީދުކުރައްވާ ކަމަށް ހާމަކުރައްވާފަ އެވެ.

އެގޮތުން، އެމްޑީޕީގެ ދެ ވެރިކަމުގައި ވެސް ހައުސިން މިނިސްޓަރުކަން ކުރެއްވި މުހައްމަދު އަސްލަމް ވަނީ އަހުދު މަތީ ދެމިހުންނެވި ވެރިޔަކު ރައީސް ސޯލިހު ފިޔަވައި ނެތް ކަމަށް ވިދާޅުވެފަ އެވެ. އަދި، އެމްޑީޕީގެ ރިޔާސީ ކެންޑިޑޭޓު ކަނޑައަޅަނީ އަސާސީ ގަވާއިދުގައި އޮންނަ އުސޫލުގެ ތެރެއިން ކަމަށާއި ރައީސް ވާދަކުރައްވައި ކާމިޔާބު ކުރައްވާނެ ކަމާ މެދު ޝައްކު ނުކުރައްވާ ކަމަށް ވެސް އަސްލަމް ވިދާޅުވި އެވެ.

އޭގެ އިތުރުން، ރައީސް ޔާމީނާއި ރައީސް ނަޝީދު ވެސް ވެރިކަމަށް ވަޑައިގެންނެވީ ކޯލިޝަނަކުން ކަން ފާހަގަކުރައްވައި އަސްލަމް ވިދާޅުވީ މިހާތަނަށް ކާމިޔާބު ކަމާއެކު ކޯލިޝަން ހިންގެވީ ރައީސް ސޯލިހު ކަމަށެވެ. އަދި، އެމްޑީޕީން ނެރޭ ކެންޑިޑޭޓުންގެ ތެރެއިން އިންތިހާބު ކާމިޔާބު ކުރުމުގެ ފުރުސަތު އޮތީ ވެސް ރައީސަށް ކަމަށް އަސްލަމް ވިދާޅުވި އެވެ.

އެމްޑީޕީގެ ކުރީގެ ޗެއާޕާސަން އަދި މިހާރުގެ ޑިފެންސް މިނިސްޓަރު މާރިޔާ އަހްމަދު ދީދީ މިއަދު ކުރެއްވި ޓްވީޓެއްގައި ވިދާޅުވީ ރައީސް ވެރިކަމަށް ވަޑައިގަތް ދުވަހުން ފެށިގެން އެމަނިކުފާނުގެ ކެބިނެޓް މިނިސްޓަރެއްގެ ގޮތުގައި މަސައްކަތް ކުރައްވަން ލިބުނު ފުރުސަތުގައި އެނގިވަޑައިގަންނެވި ކަމަކީ ރައީސްއަކީ "ޓީމް ލީޑަރެއް" ކަން ކަމަށެވެ.

"މަޑުމައިތިރި، ހުޅުވިފައިވާ ސިކުނޑިއަކުން އަބަދުވެސް ހިޔާލުތައް އަޑުއަހާ، އެކަމަކު އެ ހާލަތަކަށް ފެތޭ ނިންމުމެއް ނިންމަން ވެސް ކުރޭ، އަޅުގަނޑު ތާއީދު ކުރަން އެމަނިކުފާނަށް، އަދި 2023 އަށް އެމަނިކުފާނުގެ ރިޔާސީ ކެންޑިޑެސީއަށް ވެސް ތާއީދު ކުރަން ނިންމައިފިން،" މާރިޔާ ލިޔުއްވާފައިވެ އެވެ.

ހަމައެހެންމެ، މި ސަރުކާރުން އެންމެ ބޮޑު އިންގިލާބީ ބަދަލެއް ގެނައި ތައުލީމީ ދާއިރާ ހިންގެވުމަށް ހަވާލުކޮށްފައި ހުންނެވި އެޑިއުކޭޝަން މިނިސްޓަރު ޑރ. އައިޝަތު އަލީ ވެސް ވަނީ ރައީސަށް ތާއީދު އޮތްކަން ހާމަކުރައްވާފަ އެވެ.

އޭނާ ރައީސް ސިފަކުރެއްވީ "ވިޝަނަރީ" ލީޑަރެއްގެ ގޮތުގަ އެވެ. ތައުލީމީ ދާއިރާއަށް ރައީސް ސޯލިހު ހާއްސަ އަހަންމިއްޔަތު ކަމެއްދެއްވާކަން ފާހަގަކުރައްވަމުން ޑރ. އައިޝަތު އަލީ ވިދާޅުވީ މުސާރަ ބޮޑު ކުރާނެ ކަމުގެ ވައުދު ވެވަޑައިގަތުމަށް ފަހު އެ ވައުދު ރައީސް ފުއްދެވި ކަމަށެވެ.

ހެލްތު މިނިސްޓަރު ނަސީމް ގެ ވެސް ތާއިދު މިފަހަރު އޮތީ ރައީސް ސޯލިހަށެވެ. ރައީސް ނަޝީދުގެ ވެރިކަމުގައި ނަސީމް އަކީ ފޮރިން މިނިސްޓަރެވެ.

"އެކި ސަރުކާރުތަކުގައި އެތައް އަހަރަކު މަސައްކަތް ކުރެވުނު އިރު ރައީސް ސޯލިހު ފަދަ ވަރުގަދަ ވެރިޔަކު ނުފެނޭ. ދިވެހި ގައުމަށް އޮތް އެންމެ ހެޔޮ ގޮތަކީ ދެވަނަ ދައުރަކަށް ރައީސް ސޯލިހު ހޮވުން،" މިނިސްޓަރު ނަސީމްގެ ތާއިދު އޮތްކަން ހާމަކުރައްވަމުން ވިދާޅުވި އެވެ.

މި ބޭފުޅުންގެ އިތުރުން ރާއްޖޭގެ ދެކުނުގެ ދެ ސިޓީ ކަމަށްވާ އައްޑޫ އާއި ފުވައްމުލަކު ސިޓީގެ މޭޔަރުން ވެސް ވަނީ ރައީސް ސޯލިހަށް ތާއީދު އޮތްކަން ހާމަކުރައްވާފަ އެވެ. އެ ދެ ބޭފުޅުން ވެސް ވަނީ އެ ސިޓީތަކަށް ގިނަ ކަންތައްތަކެއް ރައީސް ސޯލިހުގެ ސަރުކާރުން ކޮށްދެއްވާކަން ފާހަގަކުރައްވާފަ އެވެ.

އެމްޑީޕީގައި ދެ ފެކްޝަނެއް ވަނީ އުފެދިފަ އެވެ. ރައީސް ސޯލިހްގެ އިތުރަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ހުންނެވީ ރިޔާސީ ރޭހަށް ނުކުންނަވާ ގޮތަށެވެ.

އެމްޑީޕީގެ އެ ދެ ލީޑަރުންގެ މެދުގައި ހިޔާލު ތަފާތުވުންތައް އިތުރުވެފައިވާއިރު، ނަޝީދު ބޭނުންފުޅުވަނީ ބަރުލަމާނީ ނިޒާމަކަށް ރާއްޖޭގެ ވެރިކަމުގެ ނިޒާމު ބަދަލު ކުރުމަށް ފަހު އެމަނިކުފާނު ބޮޑުވަޒީރަކަށް ވުމަށެވެ. އެކަން ނުވާނަމަ 30 ޕަސެންޓު ވޯޓުން ރާއްޖޭގެ ރައީސްކަމަށް އާދެވޭ ގޮތަށް ގާނޫނު އަސާސީ އިސްލާހު ކުރުމަށާއި، އެމްޑީޕީގެ ރިޔާސީ ޕްރައިމަރީއަށް ނުކުންނަވަން ނަޝީދު ބޭނުންފުޅުވެ އެވެ.

30 ޕަސެންޓުގެ އިސްލާހަށް ރައީސްގެ ތާއީދު ނެތް އިރު، ރައީސް ވެސް ގަބޫލު ކުރައްވަނީ އެމްޑީޕީ އެކަނި ނުކުމެ ރިޔާސީ އިންތިހާބު ކާމިޔާބު ނުކުރެވޭނެ ކަމަށެވެ. ނަމަވެސް މިހާރު އުފައްދާފައި އޮތް ކޯލިޝަނާއެކު އެމަނިކުފާނު ނުކުމެ ރިޔާސީ އިންތިހާބު ކާމިޔާބު ކުރެވޭނެ ކަމުގެ ޔަގީންކަން އެބަ އޮތް ކަމަށް ރައީސް ވިދާޅުވި އެވެ. އަދި އެމްޑީޕީގެ ކެންޑިޑޭޓް ނިންމާނީ ކޮންގްރެސްގައި ކަމަށް ވެސް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox