މަންޓާ އެއާއިން ކެބިން ކްރޫން ތަމްރީނުކުރުމުގެ ޕްރޮގްރާމެއް ފަށަން ނިންމައިފި އެވެ.
މަސްދުވަހަށްވުރެ ގިނަ މުއްދަތަށް ކުރިއަށް ގެންދާ މި ކޯހުގައި ބައިވެރިވުމަށް ހުޅުވާލާފައި ވަނީ މި މަހުގެ 25 ވަނަ ދުވަހުގެ ނިޔަލަށެވެ.
މަންޓާއިން ބުނީ ކެބިން ކްރޫ އިނިޝިއަލް ޓްރޭނިން ހުޅުވާލަނީ އޯ ލެވެލްއިން ތިން މާއްދާއިން ފާސްވެފައިވާ އުމުރުން 18 އަހަރުން މަތީގެ މީހުންނަށް ކަމަށެވެ.
މި ޕްރޮގްރާމްގެ ފީ އަކީ 14،000ރ. އެވެ. ޓްރެއިނިން ފުރިހަމަކުރާ މީހުންނަށް މަންޓާއިން ވަޒީފާ ވެސް ހަމަޖެހުމުގެ ފުރުސަތު އޮންނާނެ ކަމަށް މަންޓާއިން ބުނެ އެވެ.
މަންޓާ އެއާއަކީ އެތެރޭގެ އުދުހުންތަކުގައި ފަސް ތަރީގެ ހިދުމަތްދޭ ހަމައެކަނި އެއާލައިނުގެ ގޮތުގައި މަޝްހޫރުކަން ހޯދާފައިވާ އެއާލައިނެކެވެ. އެންމެ ހަގު ދިވެހި އެއާލައިން ކަމުގައިވީ ނަމަވެސް, ކުޑަ ދުވަސްކޮޅެއްގެ ތެރޭގައި މަންޓާއިން ވަނީ ހިދުމަތުގެ ފުރިހަމަ ކަމަށް ކަސްޓަމަރުންގެ މެދުގައި އިތުބާރު ހޯދައިފަ އެވެ.
