އެތެރެހަށީގައި ރައްކާކޮށްގެން، އެއް މިލިއަން ރުފިޔާގެ މަސްތުވާތަކެތި އެތެރެ ކުރަން މަސައްކަތް ކުރި މީހަކު މޯލްޑިވްސް ކަސްޓަމްސް ސާވިސްއިން އަތުލައިގެންފި އެވެ.
ކަސްޓަމްސްއިން މިއަދު ބުނީ ހިފަހައްޓާފައިވަނީ މިދިޔަ މަހުގެ 30 ވަނަ ދުވަހު ސްރީލަންކަން އެއާލައިންސްގެ ފްލައިޓަކުން އައި މީހެއް ކަމަށެވެ. އޭނާ ހިފެހެއްޓީ ޝައްކު ކުރެވޭ ފަދަ ކަންތައްތަކެއް ހުރުމުން ކަމަށާއި އޭނާ ބަލާ ފާސްކޮށް ސްކޭން ކުރިއިރު، އޭނާގެ އެތެރެ ހަށިން މަސްތުވާތަކެތި އަޅާފައިހުރި 80 ބުލެޓު ފެނިފައިވާ ކަމަށެވެ.
އެ މީހާ ދިރުވާލައިގެން އެތެރެ ކުރަން މަސައްކަތް ކުރީ މަސްތުވާތަކެތީގެ ބާވަތެއް ކަމަށްވާ ކޮކެއިން ކަމަށް ކަސްޓަމްސްއިން ބުންޏެވެ.
އޭނާގެ އަތުން އަތުލައިގަތް 852 ގްރާމުގެ ކޮކެއިންގެ މަގުމަތީ އަގު، އެއް މިލިއަން ފަސްދޮޅަސް ދެހާސް ހަތަރުސަތޭކަ ސާޅިސް ހަތަރު ރުފިޔާއަށް އަރާ ކަމަށް ކަސްޓަމްސްއިން ވަނީ ބުނެފަ އެވެ.
ކަސްޓަމްސްއިން އިތުރަށް ބުނީ މި މައްސަލައިގައި އަތުލައިގަތް އަތުލައިގަނެވުނު މަސްތުވާތަކެތި މިހާރު ފުލުހުންނާ ހަވާލުކޮށްފައިވާ ކަމަށެވެ.
