ރިހިވެލި މައްސަލައިގެ ހުކުމް ލަސްވާތީ ފަނޑިޔާރުގެ މައްސަލަ ޖޭއެސްސީއަށް

ރިހިވެލި މައްސަލައިގެ ހުކުމް ލަސްވާތީ ފަނޑިޔާރުގެ މައްސަލަ ޖޭއެސްސީއަށް

ބޮޑު މައްސަލަގަނޑެއްގެ ތެރޭގައި އޮތް ރިހިވެލި ބީޗް ރިސޯޓްއާ ގުޅޭ ގޮތުން ހައި ކޯޓުގައި ހިނގަމުންދާ މައްސަލައިގެ ހުކުމް ލަސްވާތީ އެ މައްސަލަ ކޯޓުގައި ބައްލަވާ ބެންޗުގެ ރިޔާސަތުގައި އިންނަވާ ފަނޑިޔާރު ހުސައިން ޝަހީދުގެ މައްސަލައެއް ޖުޑިޝަލް ސާވިސް ކޮމިޝަން (ޖޭއެސްސީ)އަށް ހުށަހަޅައިފި އެވެ.

އެ ރިސޯޓްގެ ވެރިފަރާތް މަހާލް ޓުއާސް އިން ރިސޯޓް ހިންގަން ސަބް ލީޒް ކުރީ ފްރާންސްގެ ސޭވް ދަ ޑްރީމްސްއަށެވެ. ސިވިލް ކޯޓުގައި ދެ ފަރާތުގެ މެދުގައި ހިނގި މައްސަލަ އެ ކޯޓުން ނިންމީ ސޭދް ދަ ޑްރީމްއާ ދެކޮޅަށެވެ.

ހައި ކޯޓުގައި އިސްތިއުނާފް ކޮށްފައިވާ މައްސަލައިގެ ހުކުމް އިއްވުން ލަސްވާތީވެ ސޭވް ދަ ޑްރީމް ތަމްސީލް ކުރާ ދަ ލިޖިޓެންޓްސް ލޯ ފާމުން ވަނީ ޖޭއެސްސީގެ ރައީސް އަދި ރައްޔިތުންގެ މަޖިލީހުގެ ތުޅާދޫ ދާއިރާގެ މެންބަރު ހިސާން ހުސައިނަށް އެޑްރެސްކޮށް މައްސަލަ ހުށަހަޅައިފަ އެވެ.

"މި މައްސަލައިގެ އަޑުއެހުންތައް ނިމި ހުކުމް ކުރުން ލަސްވާތީ ހުކުމްކުރުން ލަސްވާ ސަބަބަކީ ފަނޑިޔާރެއްގެ ސުލޫކީ މިންގަނޑާ ހެދި ދިމާވާ ސަބަބެއް ކަމުގައިވާނަމަ އެ ކަމަށް ފިޔަވަޅު އަޅާ ދެއްވުމަށް އެދި އެވެ." ޖޭއެސްސީއަށް ފޮނުވި ސިޓީގައިވެ އެވެ.

މައްސަލައިގެ ކުރީކޮޅުގައި ވެސް ސޭވްދަ ޑްރީމްގެ ފަރާތުން ފަނޑިޔާރުންގެ ބެންޗުގެ ޝަކުވާއެއް ޖޭއެސްސީއަށް ހުށަހެޅި އެވެ. އެ ފަހަރު އެ ކޮމިޝަނުން ނިންމީ އެ މައްސަލާގައި އެ ކޮމިޝަނުން ބަލާ ޒާތުގެ މައްސަލައެއް ނެތް ކަމުގަ އެވެ.

އެ ރިސޯޓުގެ ވެރިފަރާތް ކަމުގައިވާ މާހަލް ޓުއާސްގެ ޑިރެކްޓަރު، މއ. ތަނޑިނޫމާގެ ހުސެއިން ޝިހާމް ގެންދަނީ މި ނޫނަސް ގިނަ މައްސަލަތަކެއް ސިވިލް ކޯޓަށް ހުށަހަޅަމުންނެވެ. ސޭވް ދަ ޑްރީމްއާ ދެކޮޅަށް ބައެއް މައްސަލަ ހުށަހަޅަނީ "ޖެއްސުންކުރަން" ކަމަށް ވެސް ދާދި ފަހަކުން އެ ކޯޓަށް ހުށަހެޅި މައްސަލައެއްގައި ނެރުނު ހުކުމެއްގައި ބުނެފައިވެ އެވެ.

ކ. މަހާނައެޅިހުރާގައި ހިންގަމުން ދިޔަ ރިހިވެލި ރިސޯޓުގެ މައްސަލައިގައި ސިވިލް ކޯޓުން ނެރުނު ހުކުމާ ގުޅިގެން އެ ރިސޯޓު އޮޕަރޭޝަނަށް ގެންނަން ޓޫރިޒަމް މިނިސްޓްރީން ދޫކޮށްފައި އޮތް ހުއްދަ ވެސް އޮތީ ބާތިލްކޮށްފަ އެވެ.

ސަބްލީސް އެއްބަސްވުމެއްގެ ދަށުން ރިސޯޓް ހިންގަމުން ދަނިކޮށް، އެއްބަސްވުން އުވާލަން ނިންމާފައި މާހަލްއިން ވަނީ ސޭވް ދަ ޑްރީމްސްއަށް ނޯޓިސް ވެސް ފޮނުވައިފަ އެވެ. ސޭވް ދަ ޑްރީމްސްއިން ބުނާ ގޮތުގައި އެއްބަސްވުން އުވާލީ އޭގައިވާ އުސޫލުތަކާ ހިލާފަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox