އުދައްޔުގެ މަރު: ގިނަ ހެކިން ބަލައިނުގަންނަން ދައުލަތާއި ދިފާއުން ވެސް އެދިއްޖެ

އުދައްޔުގެ މަރު: ގިނަ ހެކިން ބަލައިނުގަންނަން ދައުލަތާއި ދިފާއުން ވެސް އެދިއްޖެ

ނިމިދިޔަ އަހަރުގެ ފެބްރުއަރީ މަހު ގއ. މާމެންދޫގައި މާރާމާރީ ހިންގައި އެ ރަށު ލިލީ އޮފް ދަ ވެލީ، އަހްމަދު އުދައްޔު މަރާލި މައްސަލާގައި ދައުވާ އުފުލާފައިވާ މީހެއްގެ ދިފާއީ ހެކިން ބަލައިނުގަންނަން ދައުލަތުން ހުށަހެޅިއިރު، ދައުލަތުގެ ހެކިން ބަލައިނުގަންނަން ދިފާއުން ހުށަހަޅައިފި އެވެ.

މި މައްސަލާގައި ގއ. މާމެންދޫ، ރިހިފަރުދާގޭ، އަހުމަދު ޝަމީމް އާއި ހަމަ އެ ރަށު ބިލަތްމާގޭ، ޝަރަފު ރަޝީދާއި ގުލްފާމުގޭ، މުހައްމަދު މާޒިންގެ މައްޗަށް ދައުލަތުން ކުރާ ދައުވާއަކީ ގަސްތުގައި މީހަކު މެރުމުގައި ބައިވެރިވުމުގެ ދައުވާގެ އިތުރަށް މާރާމާރީ ހިންގުމުގައި ބައިވެރިވުމުގެ ދައުވާ އެވެ.

ބަދަލު ހިފުމެއްގެ ގޮތުން ހިނގި އެ މާރާމާރީއާ ގުޅިގެން ދައުވާ އުފުލި މާޒިން އާއި ޝަމީމް ހުރީ އެ ވަގުތު އެ ތަނުގައި ނޫން ކަން ސާބިތު ކުރަން ދިފާއީ ހެކިން ހުށަހަޅާފައިވެ އެވެ. އެ ދެ މީހުނާއި ޝަރަފު ވެސް ދައުވާތަކަށް އިންކާރު ކުރެ އެވެ.

މިއަދު ބޭއްވި އަޑުއެހުމުގައި ޝަރީއަތުގެ ކުރިން ހުށަހަޅާ ހުށަހެޅުންތަކަށް ފުރުސަތު ދިނުމުން ދައުލަތުން ހުށަހެޅީ ޝަމީމް ހުށަހެޅި 10 ހެކިންގެ ތެރެއިން ހަތް ހެއްކެއް ބަލައިނުގަތުމަށެވެ. ސަބަބެއްގެ ގޮތުގައި ދައުލަތުގެ ވަކީލު ވިދާޅުވީ ދައުވާ އިއްވި މަރުހަލާގައި އެ ހެކިތައް ހާމަކޮށްފައި ނުވާތީ ކަމުގަ އެވެ.

ދިފާއުގައި ހުށަހެޅި އެ ހެކިތަކަކީ އުދައްޔުއާ ޒުވާބުކޮށްފައި ޝަމީމް ގެއަށް ދިޔަކަން ސާބިތު ކުރަން ހުށަހެޅި ހެކިތަކެކެވެ. މާރާމާރީ ހިންގައި އުދައްޔު މަރާލުމާއި ހަމައަށް ދިޔައީ އޭގެ ފަހުން ކަމަށް ޝަމީމްގެ ފަރާތުން އޭނާގެ ވަކީލު މުހައްމަދު ޝާހިދު ކުރީ އަޑުއެހުމެއްގައި ވިދާޅުވެފައިވެ އެވެ.

ދައުލަތުގެ ނުކުތާއަކީ ހާދިސާ ހިނގި ތަނުގައި ނެތް ކަމުގެ ދިފާއު ނަގައި، އެ ކަން ސާބިތު ކުރަން ހެކި ހުށަހަޅާނަމަ ކުރިން ހާމަ ކުރަން ޖެހޭ ކަމަށް ޖިނާއީ އިޖުރާއަތުގެ ގާނޫނުގައި ބަޔާން ކުރާ މާއްދާ އެވެ.

ޝަރަފް ރަޝީދުގެ ފަރާތުން އޭނާގެ ގާނޫނީ ވަކީލު މުހައްމަދު ނިޝާން އިބްރާހީމް ވިދާޅުވީ އެއްވެސް ހުށަހެޅުއްވުމެއް ނެތް ކަމަށެވެ. މާޒިންއާއި ޝަމީމްގެ ފަރާތުން ވަކީލު ޝާހިދު ހުށަހެޅުއްވީ ދައުލަތުގެ ބައެއް ހެކިން ބަލައިނުގަތުމަށެވެ.

ދައުލަތުގެ ހެކިންގެ ވަނަވަރު އުނިކުރުމަށް ފަހު ހެކިން ތަހުގީގަށް ދީފައިވާ ބަޔާންތައް ދިފާއަށް ދީފައިވާއިރު، އެ ބަޔާންތަކުން މާރާމާރީ ހިންގުމުގައި އަމަލީ ގޮތުން ބައިވެރިވި މީހަކާއި މަރުވެ ދިޔަ ފަރާތުގެ ގާތް ބަޔަކު ހިމެނޭ ކަން އެނގޭ ކަމަށް ޝާހިދު ވިދާޅުވި އެވެ.

އެއީ ދައުވާ އުފުލިފައިވާ ތިން މީހުންގެ އަދާވާތްތެރިން ކަމުގައި ބެލެވެން އޮތް ކަމަށް ވިދާޅުވެ ޝާހިދު އެދިވަޑައިގަތީ އެ ހެކިތައް ބަލައިނުގަތުމަށެވެ.

ރައްދުގައި ދައުލަތުގެ ވަކީލުން ވިދާޅުވީ ދައުވާ ރައްދުވާ ފަރާތާއި މަރުވެ ދިޔަ ފަރާތުގެ ގާތް މީހުން ހެކިންގެ ގޮތުގައި ތިއްބަސް އަދި ނެތަސް އޭގައި މުހިންމީ އެއް ހެއްކާ އަނެއް ހެއްކާ ގުޅުން ވަރު ބެލުން ކަމަށެވެ. އަދި ހެކި އެ މިންވަރަށް ވަޒަން ކުރަން ޖެހޭނީ މައުޟޫއީ ގޮތުން މައްސަލަ ބަލައި ނިމުމަށް ފަހު ކަމަށެވެ.

ދެ ފަރާތަށް ވެސް ހުށަހެޅުންތަކާ ގުޅޭ ގޮތުން ވާހަކަ ދައްކަން ދެ ފުރުސަތު ދެއްވުމަށް ފަހު މިއަދުގެ އަޑުއެހުން ނިންމަވާލެއްވި އެވެ. ދެން އަޑުއެހުމެއް އޮންނާނީ އަންނަ މަހުގެ ދެވަނަ ދުވަހު އެވެ.

އުދައްޔުގެ މަރާ ގުޅިގެން ކުޑަކުއްޖެއްގެ މައްޗަށް ވެސް ދައުވާ ކޮށްފައިވެ އެވެ. ކުޑަކުއްޖަކަށް ވުމުން އޭނާގެ މައްސަލަ ކުރިއަށް ދަނީ ޖުވެނައިލް ކޯޓުގަ އެވެ. މީހަކު މެރުމުގެ ކުށުގެ ދައުވާއާއި މާރާމާރީ ހިންގުމުގެ ކުށުގެ ދައުވާ އެ ކުއްޖާއަށް ކުރާއިރު، އުދައްޔު މަރުވީ އެ ކުއްޖާ ދިން ހަމަލާއަކުން ހާލަތު ގޯސްވެ ހޮސްޕިޓަލުގައި ފަރުވާ ދެމުން ދަނިކޮށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox