މާމެންދޫ ގެއެއް މުޅިން އަނދާ އަޅިއަށް، އާއިލާ ވަރަށް ހާލުގައި

ގއ. މާމެންދޫ ގެއެއްގައި އަލިފާން ރޯވެ ބޭނުން ކުރި ހުރިހާ އެއްޗަކަށް ގެއްލުންވެފައި - ފޮޓޯ: މާމެންދޫ ކައުންސިލް

ގއ. މާމެންދޫ ގެއެއްގައި އަލިފާން ރޯވެ ބޭނުން ކުރި ހުރިހާ އެއްޗަކަށް ގެއްލުންވެފައި - ފޮޓޯ: މާމެންދޫ ކައުންސިލް

ގއ. މާމެންދޫ ގެއެއްގައި ރޭ އަލިފާނުގެ ހާދިސާއެއް ހިނގައި، އެ ގެއާއި ގޭގައި ހުރި ތަކެތި ބޭނުން ނުކުރެވޭ ވަރަށް އަނދާ ހުލި ވެއްޖެ އެވެ.

އެ ރަށު ލޯންގް ލައިފް ގޭގައި ހިފި އަލިފާންގަނޑު ރަށު ރައްޔިތުންގެ މަސައްކަތުން ނިއްވާލެވުނީ ގާތްގަނޑަކަށް އަލިފާން ރޯވިތާ ދެ ގަޑިއިރު ފަހުންނެވެ. އޭރަށް މުޅި ގެ ވަނީ އަނދާ ހުލިވެފަ އެވެ.

މާމެންދޫ ކައުންސިލްގެ ރައީސް އަހްމަދު އަޒީޒް މިއަދު "އަދަދު"އަށް ވިދާޅުވީ، އަލިފާން ނިއްވާ ވަސީލަތްތައް ރަށުގައި މަދުވުމުން، އެ ގޭގައި ހިފި އަލިފާންގަނޑު ރަށު ރައްޔިތުން ނުކުމެ ނިއްވާލީ ވަރަށް އުނދަގުލުން ކަމަށެވެ. އަލިފާންގަނޑު ރޯވި ސަބަބެއް އަދި ނޭނގޭ ކަމަށް ވިދާޅުވި އެވެ.

Advertisement

"މުޅި ގެ އަނދާފަ، ބޭނުން ކުރެވޭނެ އެއްވެސް އެއްޗެއް ނެތް، އެ ތަނުގައި ތިބި މީހުންގެ ނަފުސު އެކަނި ސަލާމަތްވިކަން، ވަރަށް ވަރުން އަލިފާންގަނޑު ނިއްވާލެވުނީ ވެސް." އަޒީޒް ވިދާޅުވި އެވެ.

އަޒީޒް ކިޔައިދެއްވި ގޮތުން އެ ގޭގައި ދިރިއުޅެނީ ހަ މީހުންނެވެ. އަލިފާނުގެ ހާދިސާ ހިނގިއިރު ރަށުގައި ތިބީ އެއިން ހަތަރު މީހެކެވެ. ގޭގެ އެންމެ ދޮށީ ދެމަފިރިން ތިބީ މާލޭގަ އެވެ. އެއީ ފިރިހެން މީހާގެ ހިތުގެ ބައިޕާސް ސާޖަރީއެއްކޮށް ބަލިވެ އުޅޭތީ އެ ކަމަށް ބޭސްފަރުވާއަށް މާލެ އައި ގޮތަށެވެ.

"އަޅުގަނޑު އެ ފަަރާތަށް ގުޅުމުން މިއަދު ހަވީރު އެ ދެ މަފިރިން މާލެ އަންނާނެ ކަމަށް ބުނެފައިވޭ،" އަޒީޒް ވިދާޅުވި އެވެ.

މި ވަގުތު ގޭގައި އުޅެނީ ދޮށީ ދެމަފިރިންގެ ފިރިހެން ދަރިފުޅާއި އަންހެން ދަރިފުޅުގެ އިތުރަށް، އަންހެން ދަރިފުޅުގެ ފިރިމީހާއާއި އޭނާގެ ތިން އަހަރުގެ ފިރިހެން ދަރިފުޅެވެ. މިއިން އެއްވެސް މީހެއްގެ ނަފުސަށް އަނިޔާއެއް ނުލިބެ އެވެ.

އަޒީޒް ވިދާޅުވީ ޑިޒާސްޓާ މެނޭޖްމަންޓް އޮތޯރިޓީއާއި ކައުންސިލް ގުޅިގެން އެ އާއިލާ ވަގުތީ ގޮތުން މި ވަގުތަށް ތިބޭނެ ތަނެއް ކުއްޔަށް ހިފައިދީފައިވާނެ ކަމަށާއި ކެއިންބުއިމުގެ އިންތިޒާމު ވެސް ހަމަޖައްސައިދީފައިވާ ކަމަށެވެ.

"އެ އޮންނަ އުސޫލުގެ ތެރެއިން ޑިޒާސްޓާ [މެނެޖްމަންޓް އޮތޯރިޓީ] އިން އާއިލާއަށް ދޭން ޖެހޭ އިތުރު އެހީތެރިކަން ވެސް ދެމުން ގެންދާނެ، އަދި ކައުންސިލުން ވެސް ވަރަށް ކައިރިން ބަލަމުން މި ދަނީ،" އަޒީޒް ވިދާޅުވި އެވެ.

އެ އާއިލާއަށް މާމެންދޫ ރައްޔިތުންގެ އެހީތެރިކަން ނުހަނު ބޭނުންވާ ކަމަށާއި ވެވުނު ވަރަކުން އެހީތެރިކަން ފޯރުކޮށްދޭން ކައުންސިލުން އެދެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox