އަރަބި ކެއުންތަކަކީ އާއްމުގޮތެއްގައި އަގުބޮޑު ކެއުންތަކެކެވެ. ރަނގަޅު ރެސްޓޯރެންޓަކުން އަރަބި ކެއުމެއް ކާ ނަމަ އަދި މާ އަގުބޮޑުވާނެ އެވެ. އެކަމަކު މާލޭގައި މިހާރު އެންމެ މީރު އަރަބި ކެއުންތައް ލިބޭ އެއް ރެސްޓޯރެންޓްކަމަށްވާ ތޫމް އިން މި ރޯދަމަހު ވަނީ މިކަމަށް ރަނގަޅު ހައްލެއް ގެނެސްްދީފަ އެެވެ. އެއީ މާގިނަ ވައްތަރުތައް ނުހިމަނައި އެކަމަކު ވެސް ރަނގަޅު ފެންވަރުގެ ޑިޝްތަކާ އެކު އަގު ހެޔޮކޮށް ލިބޭ ޕެކޭޖްތަކެއް ތައާރަފްކުރުމެވެ.
ރޯދަ މަސް ނިމޭން ކައިރިވެފައިވާއިރު، މިއީ އަޖުމަ ބަލާލަން ރަނގަޅު ކެއުމެކެވެ. ތޫމްގައި ރޯދަ ވީއްލަން ހުރީ ދެބާވަތެއްގެ ކެއުންތަކުގެ ޕެކޭޖްތަކެވެ. އެއީ އިންޑިއާ އާއި ޕާކިސްތާން ހިއްސާކުރާ ޕަންޖާބް ސަރަހައްދުގެ ކެއުންތަކާއި އަރަބިކެއުންތަކެވެ.
އޯޑަރުކޮށްލައިގެން ތޫމްގެ ކެއުންތައް ސީދާ ގެއަށް ގެނެވެ އެވެ. ޑެލިވަރީތަކަށް ހާއްސަކޮށް ތޫމްއިން ތައްޔާރުކޮށްފައިވާ މެނޫގައި ވެސް ހުރީ ތިން ހަތަރު މީހުންނަށް ފުދޭ ވަރުގެ ޕެކޭޖްތަކެކެވެ. ތޫމްގެ ޕެކޭޖްތައް ނިސްބަތުން އަގުހެޔޮވަނީ ވެސް މިހެންވެ އެވެ.
ޑެލިވަރީ ޕެކޭޖްތައް
- 149ރ. - ސަވާޔާ ޗިކަން (ފުލް)، ދާލް ފްރައި، 2 ރާގިނީ ނާން،
- 149ރ. - ޗިކަން ކަޑާއީ (ލާޖް)، 2 ރާގިނީ ބްރެޑް، ރެޑް އައިސްޓީ
- 189ރ. - ސަވާޔާ ޗިކަން (ފުލް) ގާލިކް ބްރެޑް (4 އެތިކޮޅު)، 2 ޓަމީޒް ބްރެޑް، ރެޑް އައިސްޓީ
- 299ރ. - ބިރިޔާނީ، ފްރައިޑް ޗިކަން (ފުލް)، 4 ބިސް، ޕަޕަޑަމް، ރެޑް އައިސްޓީ
ތޫމްއިން މި ޕެކޭޖްތައް ޑެލިވަރީ ކުރަން ބޭނުންވާ ނަމަ ހަވީރު 4:30 ގެ ކުރިން އޯޑަރުކޮށްލަން ޖެހޭނެ އެވެ. އެތަނުން ބުނި ގޮތުގައި ރޯދަމަހުގެ މިހައިތަނަށް ގިނަ އަދަދެއްގެ ޕެކޭޖްތައް ޑެލިވަރީ ކުރި އިރު ޑެލިވަރީއެއް ލަސްވުމުގެ މައްސަލައެއް ދިމަލެއް ނުވެ އެވެ.
