ހިޔާލުފާޅު ކުރުމާއި ޖުޑީޝަރީ މިނިވަން ނުކުރާ މައްސަލަ ބަލައިނުގަތް

"އިންޑިއާ އައުޓް"ގެ ނަމުގައި އިދިކޮޅުން ކުރި މުޒާހަރާއެއް ފުލުހުން ހުއްޓުވާފައި. -ފޮޓޯ: މުހައްމަދު ޝާބިން/އަދަދު

"އިންޑިއާ އައުޓް"ގެ ނަމުގައި އިދިކޮޅުން ކުރި މުޒާހަރާއެއް ފުލުހުން ހުއްޓުވާފައި. -ފޮޓޯ: މުހައްމަދު ޝާބިން/އަދަދު

މި ސަރުކާރުން ވެރިކަމަށް އައުމުގެ ކުރިން ރައްޔިތުންނަށް ވެފައިވާ ހިޔާލުފާޅު ކުރުމުގެ ހައްގާއި ޖުޑީޝަރީ މިނިވަން ކުރުން ފަދަ މުހިންމު ވައުދުތައް ފުއްދިފައިވާ ނުވާކަމަށް ބުނެ ބައިނަލްއަގުވާމީ މަދަނީ ޖަމިއްޔާއަކުން ނެރުނު ރިޕޯޓާ ގުޅުވައި އިދިކޮޅުން މިއަދު ރައްޔިތުންގެ މަޖިލީހަށް ހުށަހެޅި މައްސަލަ ބަލައިނުގަތް ބޭރުކޮށްލައިފި އެވެ.

ހިއުމަން ރައިޓްސް ވޮޗު އިން މިދިޔަ ބުރާސްފަތި ދުވަހު ނެރުނު "އައި ކުޑް ހޭވް ބީން ނެކްސް، ސްޓައިމީޑް ރިފޯމްސް އިން ދަ މޯލްޑިވްސް" ރިޕޯޓެއްގައި ބުނީ ދިވެހި ސަރުކާރުން ނޫސްވެރިކަމާއި މީޑިއާގެ މިނިވަންކަން އަދި ހިޔާލުފާޅުކުރުމުގެ މިނިވަންކަމުގެ ދާއިރާއިން ކުރިއެރުންތަކެއް ހޯދާފައިވާ ކަމަށެވެ.

ނަމަވެސް, ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ ސަރުކާރުން ބައެއް އެހެން ކަހަލަ މުހިންމު ބަދަލުތައް ގެނައުމުގައި ފަރުވާކުޑަ ކޮށްފައިވާ ކަމަށެވެ.

ޖުމްލަ 56 ސަފްހާގެ އެ ރިޕޯޓުގައި ވަނީ ސަރުކާރުގެ ފަސް އަހަރު މެދަކާ ހިސާބަށް ގޮސްފައިވާއިރު، ރިޔާސީ އިންތިހާބަށް ވެފައިވާ ބައެއް ވައުދުތައް ފުއްދިފައިނުވާކަން ފާހަގަކޮށްފަ އެވެ.

އޭގެ ތެރޭގައި ހިޔާލުފާޅުކުރުމުގެ މިނިވަންކަމަށް އޮތް ނުރައްކާ ނައްތާލުމަށާއި، ޖިނާއީ އަދުލުގެ ނިޒާމަށް ގެންނަން ނިންމި ބަދަލުތަކާ ގުޅޭ ވައުދުތައް ހިމެނޭކަމަށް ހިއުމަން ރައިޓްސް ވޮޗުން ފާހަގަކުރެ އެވެ.

އެ ޖަމިއްޔާގެ ރިޕޯޓާ ގުޅުވައި ފަރެސްމާތޮޑާ ދާއިރާގެ މެމްބަރު ހުސެއިން މުހައްމަދު ލަތީފް މަޖިލީހަށް ހުށަހެޅުއްވި މައްސަލައިގައި ބުނެފައިވަނީ ހިޔާލުފާޅު ކުރުމުގެ މިނިވަންކަމަށް އޮތް ހުރަސްތައް ނައްތާލައި ޖުޑީޝަރީ މިނިވަންކުރަން ޖުޑީޝަލް ސާވިސް ކޮމިޝަން (ޖޭއެސްސީ) އެކުލެވިގެންވާ ގޮތް ބަދަލުކުރާނެ ކަމަށް ވެރިކަމަށް އައުމުގެ ކުރިން މި ސަރުކާރުން ރައްޔިތުންނަށް ވައުދުވެފައިވާ ކަމަށެވެ.

ނަމަވެސް، މި ސަރުކާރުގެ ދައުރަށް ހަތަރު އަހަރު ފުރެންދާއިރު އެފަދަ މުހިންމު ވައުދުތައް އަދިވެސް ފުއްދިފައިނުވާތީ އެ ވައުދުތައް ފުއްދުމަށް ހުސެއިން ހުށަހެޅުއްވި މައްސަލައިގައި ސަރުކާރަށް ވަނީ ގޮވާލައިފަ އެވެ.

އެ މައްސަލަ މަޖިލީހަށް ބަލައިގަނެ، ބަހުސްކުރަން ފެނޭތޯ ބަލަން ނެގި ވޯޓު ބުރަވީ އެ މައްސަލައާ ދެކޮޅަށެވެ.

އެ މައްސަލަ ބަލައިގަތުމާ ދެކޮޅަށް 32 މެމްބަރުން ވޯޓު ދެއްވިއިރު، އެ މައްސަލައާ އެއްކޮޅަށް ވޯޓު ދެއްވީ އެންމެ އަށް މެމްބަރުންނެވެ.

ހިއުމަން ރައިޓްސް ވޮޗުން އެ ރިޕޯޓު ތައްޔާރުކުރީ ޖުމްލަ 26 ފަރާތަކާއި އިންޓަވިއު ކުރުމަށް ފަހު އެވެ. އޭގެ ތެރޭގައި ރާއްޖޭގައި ދިރިއުޅޭ ކަމާގުޅޭ މީހުންނާއި ރާއްޖެއިން ބޭރުގައި ދިރިއުޅޭ އެފަދަ މީހުން ހިމެނޭ ކަމަށް އެ ޖަމިއްޔާއިން ބުނެ އެވެ.

އެގޮތުން، ސިޔާސީ ގޮތުން ހިމާޔަތް ލިބިފައިވާ ހަރުކަށި ފިކުރުގެ ޖަމާއަތްތަކުގެ ކިބައިން ކުރިމަތިވާ ނުރައްކާތަކަށް ފިޔަވަޅު އަޅަން ސަރުކާރަށް ނުކުޅެދިފައިވާ ކަމަށް އެ ޖަމިއްޔާއިން އެ ރިޕޯޓުގައި ފާހަގަކުރެ އެވެ.

އޭގެ އިތުރުން ވެސް ރާއްޖޭގައި ދީނުން ބޭރުވެފައިވާ ކަމަށް ބުނެ ބިރުދެއްކުމާއި އިންޒާރު ކުރިމަތިވާ ދީނީ އިލްމުވެރިންނާއި، އަންހެނުންގެ ހައްގުތަކަށް ވަކާލާތްކުރާ މީހުންނާއި، ޖިންސީ ގޮތުން އެކި ކަންކަމަށް ވަކާލާތުކުރާ ފަރާތްތަކާއި، ނޫސްވެރިންނަށް އެފަދަ ހަރުކަށި ޖަމާއަތްތަކުގެ ފަރާތުން ކުރިމަތިވާ ނުރައްކާތައް ވެސް ސަރުކާރަށް ހުއްޓުވިފައިނުވާ ކަމަށް އެ ޖަމިއްޔާގެ ރިޕޯޓުގައި ފާހަގަކުރެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox