ހޯމަ ދުވަހުން ފެށިގެން ސްރީލަންކާގައި ބޭރު ތެރޭގައި އުޅޭ އިރު މާސްކު އެޅުން މަޖުބޫރު ނުވާނެ ކަމަށް އަންގައިފި އެވެ.
ކޮވިޑާ ގުޅިގެން ހުރިހާ ގައުމެއްގައި ވެސް މާސްކް އެޅުން މަޖުބޫރު ކުރުމަށް ފަހު، މިހާރު ގިނަ ގައުމުތަކުން ދަނީ އެ ފިޔަވަޅަށް ލުއި ދެމުންނެވެ.
ލަންކާގައި ބޭރުގައި އުޅޭ އިރު މާސްކް އަޅަން ނުޖެހޭނެ ކަމަށް އެންގެވީ މުޅިން އަލަށް ހެލްތު މިނިސްޓަރު ކަމަށް ވަޑައިގެންނެވި ޗަންނަ ޖަޔަސުމަނަ އެވެ.
އެހެން ނަމަވެސް، އާއްމު ދަތުރުފަތުރާއި ގިނަ މީހުން އެއްވެގެން ތަނެއްގެ ތެރޭގައި ހަރަކާތެއް ބާއްވާ ނަމަ މާސްކް އަޅަން ޖެހޭނެ އެވެ.
ލަންކާގައި މިދިޔަ އަހަރުގެ އޮކްޓޯބަރު މަހުން ފެށިގެން ކޮވިޑް ކޭސްތައް ހުރީ އެއް ވަރެއްގައި ހިފެހެއްޓިފަ އެވެ. ނަމަވެސް އެ ގައުމުގެ ސިއްހީ ނިޒާމު މި ވަގުތު އޮތް ހާލަތުން ޓެސްޓު ކުރުމަށް ވަރަށް ބޮޑަށް އަސަރުކޮށްފައިވާ ކަމަށް ބެލެވެ އެވެ.
އެ ގައުމުގައު މިހާތަނަށް ޖުމްލަ 663،000 ކޭސް ރިޕޯޓުކޮށްފައިވާ އިރު، މަރުވެފައި ވަނީ 16،495 މީހުންނެވެ.
