އެންމެ މުހިންމު ވާޖިބަކީ ބައިނަލްއަގުވާމީ ފެންވަރުގެ ޕްރިޒަން ސާވިސްއެއް: ޕްރިޒަންސް ކޮމިޝަނަރު

މާފުށީ ޖަލަށް ކުރެއްވި ޒިޔާރަތެއްގައި ޕްރިޒަންސް ކޮމިޝަނަރު އަހުމަދު މުހައްމަދުފުޅު (ވ-2) ކަރެކްޝަންސް އޮފިސަރުންތަކަކާ އެކު: ކަރެކްޝަންސް އޮފިސަރުންގެ ކަންކަން ހަރުދަނާކުރަން ގިނަ މަސައްކަތްތަކެއް ކުރަމުންދާ ކަމަށް ވިދާޅުވި. -- ފޮޓޯ: އަދަދު ފައިލް

މާފުށީ ޖަލަށް ކުރެއްވި ޒިޔާރަތެއްގައި ޕްރިޒަންސް ކޮމިޝަނަރު އަހުމަދު މުހައްމަދުފުޅު (ވ-2) ކަރެކްޝަންސް އޮފިސަރުންތަކަކާ އެކު: ކަރެކްޝަންސް އޮފިސަރުންގެ ކަންކަން ހަރުދަނާކުރަން ގިނަ މަސައްކަތްތަކެއް ކުރަމުންދާ ކަމަށް ވިދާޅުވި. -- ފޮޓޯ: އަދަދު ފައިލް

ރާއްޖޭގެ ޖަލުތަކުގެ ހިންގުން ހަރުދަނާކުރުމުގެ ގޮތުން އެންމެ މުހިންމު ވާޖިބެއް ކަމުގައި ދެކެނީ ބައިނަލްއަގުވާމީ މިންގަނޑުތަކަށް ފެތޭ ޕްރިޒަން ސާވިސްއެއް ގާއިމުކުރުން ކަމަށް ކޮމިޝަނާ އޮފް ޕްރިޒަންސް އަހުމަދު މުހައްމަދުފުޅު ވިދާޅުވެއްޖެ އެވެ.

މާފުށީ ޖަލުގައި ބޭއްވި ކަރެކްޝަންސް އޮފިސަރުންގެ 25 ވަނަ އަސާސީ ތަމްރީނު ޕްރޮގްރާމު ނިންމުމާއި އޮފިސަރުން ހުވާކުރުމަށް ރޭ ބޭއްވި ރަސްމިއްޔާތުގައި ޕްރިޒަންސް ކޮމިޝަނަރު އަހުމަދު މިހެން ވިދާޅުވީ، އެ އޮފިސަރުންނަށް ހިންގި ތަމްރީނު ޕްރޮގްރާމުގެ މުހިންމު ކަމުގެ މައްޗަށް އަލިއަޅުވާލާ ވާހަކަދައްކަވަމުންނެވެ.

އެގޮތުން އަހުމަދު މި ތަމްރީނު ޕްރޮގްރާމު ސިފަކުރެއްވީ ޖަލުތަކާއި ޕެރޯލް ގާނޫނުން މަތިކޮށްފައިވާ މަސްއޫލިއްޔަތު އަދާކުރެވޭ އަދި އެ ގާނޫނު ތަސައްވުރުކުރާ ފަދަ އޮފިސަރުންތަކެއް އުފައްދަން ކޮންމެހެން ބޭނުންވާ ކޯހެއްގެ ގޮތުގަ އެވެ.

"އަޅުގަނޑުގެ ހިތުން މި ރާއްޖޭގެ ޖަލުތަކާއި ޕެރޯލް ގާނޫނުގައި މަތިކޮށްފައިވާ ޕްރިޒަން އޮފިސަރެއްގެ މަސްއޫލިއްޔަތު ފުރިހަމައަށް އަދާކުރުމަށްޓަކައި ބޭނުންވާނެ ހުނަރާއި މައުލޫމާތާ އަދި އެ ނޫން އެހެނިހެން ކަންކަން މިހާރު ވާނީ ތި އޮފިސަރުންނަށް ބުނެދެވި، ކިޔައިދެވި، ދަސްކޮށްދެވިފަ،" އަހުމަދު ވިދާޅުވި އެވެ.

ކަރެކްޝަންސް އޮފިސަރުން ތަމްރީނުކުރަން އިންސްޓިޓިއުޓް ފޯ ކަރެކްޝަނަލް ސްޓަޑީޒް އިން ހިންގާ ސެޓްފިކެޓް ތްރީ އިން ކަސްޓޯޑިއަލް މެނޭޖްމަންޓު އެންޑް ސެކިޔުރިޓީ ކޯހަކީ މިގޮތަށް މުއައްސަސާއަކުން ހިންގަން ފެށި ފުރަތަމަ ކޯހެވެ. މިހާރު މި ކޯސް ހިންގާތާ 15 އަހަރުވެފައިވާއިރު މިއީ ކޮލިފިކޭޝަން އޮތޯރިޓީ ގަބޫލުކުރާ ތަމްރީނު ޕްރޮގްރާމެކެވެ.

އެކަމާ މެދު އުފާފާޅުކުރައްވާ ކަމަށް ވިދާޅުވުމާ އެކު އަހުމަދު ވަނީ މި ޕްރޮގްރާމު ހަރުދަނާކުރަން އިތުރަށް މަސައްކަތްތައް ކުރާނެ ކަމަށް ވިދާޅުވެފަ އެވެ. އަދި މި ޕްރޮގްރާމު ބައިނަލްއަގުވާމީ މިންގަނޑަށް ފެއްތުމުގެ ގޮތުން ވޭތުވި ދެ އަހަރުގެ ތެރޭގައި މުހިންމު ބަދަލުތަކެއް ގެނެސްފައިވާނެ ކަމަށް އޭނާ ވިދާޅުވި އެވެ.

ކަރެކްޝަންސް އޮފިސަރުންގެ ތަމްރީނު ޕްރޮގްރާމަށް ގެނެވުނު ބަދަލުތަކުގެ ތެރެއިން ޕްރިޒަންސް ކޮމިޝަނަރު އެންމެ ބޮޑަށް ފާހަގަކުރެއްވީ ޖަލުތަކުގައި ހުންނަށް ޖެހޭ އެންމެ ދަށް މިންގަނޑު ކަމަށް އދ. އިން ކަނޑައަޅާފައިވާ "މަންޑޭލާ ރޫލްސް" ގެ އުސޫލުތަކަށް އަހުލުވެރިވުން ކޯހުގެ ތެރެއިން މަޖުބޫރު ކުރުމެވެ.

އެގޮތުން މިފަހުން ޕްރޮގްރާމު ފުރިހަމަ ކުރި ދެ ބެޗުން ވެސް އދ. ގެ މަސްތުވާތަކެއްޗާއި ކުށްތަކާ ގުޅޭ ކަންކަމުގެ އިދާރާ، ޔޫއެންއޯޑީސީގެ އީ-ކޯސް ފުރިހަމަކޮށްފައިވާ ކަން އުފަލާ އެކު އަހުމަދު ފާހަގަކުރެއްވި އެވެ. އަދި، ކަރެކްޝަންސްގެ އެހެން މުވައްޒަފުން މަންޑޭލާ ރޫލްސްއަށް އަހުލުވެރިކުރުމުގެ ގޮތުން މިދިޔަ އަހަރު ހާއްސަ ޓީއޯޓީ ތަމްރީނު ޕްރޮގްރާމުތައް ހިންގާފައިވާ ކަމަށް އޭނާ ވިދާޅުވި އެވެ.

މިހާރު ކަރެކްޝަންސްގެ ތިން ބައި ކުޅަ އެއްބައި މުވައްޒަފުން މި ޕްރޮގްރާމު ފުރިހަމަކޮށްފައިވާ އިރު، އަހުމަދު ވިދާޅުވީ އަމާޒަކީ ކައިރި މުސްތަގުބަލެއްގައި ކަރެކްޝަނުގެ ހުރިހާ އޮފިސަރުން މި ޕްރޮގްރާމު ފުރިހަމަކުރުން ކަމަށް އޭނާ ވިދާޅުވި އެވެ.

"އަޅުގަނޑުމެންގެ އަމާޒަކީ ކައިރި މުސްތަގުބަލެއްގައި ޖަލު ހިންގާ ހުރިހާ އޮފިސަރުންނަކީ ވެސް މި ދެންނެވި ތަމްރީން ޕްރޮގްރާމު ފުރިހަމަކޮށް، ދުނިޔޭގެ މިންގަނޑުތަކާއި ހަމަތަކާއި މިންގަނޑުތައް ދަސްވެ، ފަރިތަ މުވައްޒަފުންނަށް ހެދުން. އަދި ޖަލު އޮފިސަރުންނަކީ ޕްރޮފެޝަނަލް ކަމާ އެކީ މަސައްކަތް ކުރަން ދަންނަ، ފަރިތަ ބަޔަކަށް ހެދުން،" އަހުމަދު ވިދާޅުވި އެވެ.

އެ ރަސްމިއްޔާތުގައި ކަރެކްޝަންސްއާ އަލަށް ގުޅުން އޮފިސަރުންނަށް ދެއްވި މެސެޖުގައި އަހުމަދު ވަނީ އެންމެ އޮފިސަރެއް ކުރާ ކަމެއްގެ ސަބަބުން މުޅި މުއައްސަސާ ބަދުނާމުވާފަދަ ކަންކަން ހިނގަމުންދާ ކަމަށް ވިދާޅުވެފަ އެވެ. މިފަދަ ކަންކަމާ ދުރުވާން އެ އޮފިސަރުންނަށް ނަސޭހަތްތެރިވެވަޑައިގަންނަވަމުން އޭނާ ވިދާޅުވީ ގައިދީން ހަރުދަނާ ބަޔަކަށް ހަދަން ޕްރިޒަން އޮފިސަރުން ނަމޫނާއަކަށް ވެގެންދާނެ ކަމަށް އުއްމީދުކުރައްވާ ކަމަށެވެ.

"ގައިދީން ހަރުދަނާ ބަޔެއް ގޮތުގައި ހެދުމަށްޓަކާ ޕްރިޒަން އޮފިސަރުންނަކީ ނަމޫނާ ދައްކާ ރިވެތި ސުލޫކާ އަދި އަހުލާގެއްގެ ވެރި ބަޔެއް ކަމަށް އަޅުގަނޑު އުއްމީދު ކުރަން. އަދި މިދެންނެވި މަގުން ކަންކަން ކުރުމަށްޓަކާ މިރޭގެ ދަސްވެނިން މުހިންމު އިސްކަމެއް ދެއްވާނެ ކަމަށް އަޅުގަނޑު އުއްމީދު ކުރަން" އަހުމަދު ވިދާޅުވި އެވެ.

މި ހުވާކުރުމުގެ ރަސްމިއްޔާތުގައި 35 ޕްރިޒަން އޮފިސަރުން ވަނީ ކަރެކްޝަންސް ހިދުމަތާ އަލަށް ގުޅިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox