ސްރީލަންކާގެ ދަރަނި މެނޭޖް ކުރުމާ ގުޅޭ ލަފާ ރައީސް ގޮތަބަޔާ ރާޖަޕަކްސައަށް އެރުވުމަށް ހާއްސަ ޕްރެޒިޑެންޝަލް އެޑްވައިޒަރީ ގްރޫޕެއް ގާއިމްކޮށްފި އެވެ.
ލަންކާ ރައީސްގެ މީޑިއާ ޑިވިޝަނުން ބުނީ ރައީސް އެކުލަވާލެއްވި ގްރޫޕުގައި ހިމެނެނީ މާލީ އަދި އިގްތިސާދީ ދާއިރާގެ ތަޖުރިބާކާރު މީހުން ކަމަށެވެ.
އެގޮތުން, ލަންކާގެ މަރުކަޒީ ބޭންކުގެ ކުރީގެ ގަވަރުނަރު ޑރ. އިންދްރަޖިތް ކޫމަރަސްވާމީ، ވޯލްޑް ބޭންކުގެ ކުރީގެ ޗީފް އިކޮނޮމިސްޓް ޝާންތާ ދޭވަރާޖަން އަދި އައިއެމްއެފްގެ ކެޕޭސިޓީ ޑިވެލޮޕްމަންޓް އިންސްޓިޓިއުޓްގެ ކުރީގެ ޑިރެކްޓަރު ޑރ. ޝަރްމިނީ ކޯރީ އެ ގްރޫޕްގައި ހިމެނެ އެވެ.
ޕްރެޒިޑެންޝަލް އެޑްވައިޒަރީ ގްރޫޕެއް އުފެއްދި ފަހުން، އެ ގްރޫޕްގެ މެމްބަރުން ވަނީ އެއް ފަހަރު ރައީސް ގޮތަބަޔާއާ ބައްދަލުކުރައްވާފަ އެވެ.
އެ ގްރޫޕުގެ ޒިންމާތަކުގެ ތެރޭގައި ހިމެނެނީ ލަންކާގެ އިގްތިސާދީ އަދި މާލީ ކާރިސާއިން އަރައިގަތުމަށް އިންޓަނޭޝަނަލް މަނިޓަރީ ފަންޑް (އައިއެމްއެފް) ގެ އެހީ ހޯދުމުގައި ލަންކާގެ ކަމާ ބެހޭ އޮފިޝަލުންނާ އެކު މަޝްވަރާކޮށް، ދަރަނި މެނޭޖު ކުރެވޭނެ ގޮތްތަކާ ގުޅޭ ލަފާ ދިނުމެވެ.
