ޖޭއެސްސީގައި މައްސަލަ އޮތް ފަނޑިޔާރުންނަށް ރިޓަޔަވާން ހުރަސްތަކެއް!

ޖޭއެސްސީގައި މައްސަލަ އޮތް ފަނޑިޔާރުންނަށް ރިޓަޔަވާން ހުރަސްތަކެއް!

ސިއްހީ ސަބަބަކާއި ހުރެ ނުވަތަ އުމުރުން 55 އަހަރު ވުމުން އަމިއްލައަށް ރިޔަޓަޔާ ވާން ބޭނުންވާ ފަނޑިޔާރުންގެ ތެރެއިން ޖުޑިޝަލް ސާވިސް ކޮމިޝަން (ޖޭއެސްސީ) ގައި މައްސަލަ އޮތް ފަނޑިޔާރުންނަށް ޝަރަފުވެރި ކަމާއެކު ރިޓަޔާވެ، އިނާޔަތްތައް ހޯދުމުގެ ފުރުސަތު ނުލިބޭ ގޮތަށް ގަވާއިދު އިސްލާހު ކޮށްފި އެވެ.

ކުރިން އަމަލު ކުރަމުން އައި ގަވާއިދު އުވާލާފައި ޖޭއެސްސީން ހެދި އާ ގަވާއިދުގައި އޮތް މައިގަނޑު ހަމައެކަނި ބަދަލަކީ ވެސް ރިޓަޔާވާން އެދޭ ފަނޑިޔާރެއްގެ މައްސަލައެއް ޖޭއެސްސީގައި އޮތް ނަމަ، ރިޓަޔާވެ އިނާޔަތް ހޯދުމުގެ ފުރުސަތު ނުލިބޭ ގޮތަށް ބާބެއް އިތުރުކުރުމެވެ.

ޖޭއެސްސީއަށް ހުށަހެޅިފައިވާ ނޫނީ ބަލަމުންދާ މައްސަލައެއް ނިސްބަތްވާ ފަނޑިޔާރުން އިސްތިސްނާ ވާނެ ކަމަށް މިހާރު ގަވާއިދުގައި ލިޔެފައި އެބަ އޮތެވެ. ސުލޫކީ މައްސަލައެއް ނިސްބަތްވާ ފަނޑިޔާރަކު ރިޓަޔާ ކުރެވޭނީ އެ މައްސަލައެއް ތަހުގީގުކޮށް ނިމި، އެއާ މެދު ކޮމިޝަނުން ގޮތެއް ނިންމުމުން ކަމަށް ވެސް އޭގައިވެ އެވެ.

Advertisement

ރިޓަޔާ ކޮށްދޭ ފަހުން ފަނޑިޔާރެއްގެ ސުލޫކީ މައްސަލައެއް ހުށަހަޅަައިފި ނަމަ އަމަލު ކުރާނެ ގޮތެއް ވެސް ގަވާއިދުގައިވެ އެވެ. އެ ފަދަ ޝަކުވާގެ ކުޑަބޮޑު މިނަށް ބަލައި، ރިޓަޔާ ކުރުމާ މެދު ނިންމުން އޮންނަނީ ޖޭއެސްސީގެ ވަޒީފާ ކޮމިޓީއަށެވެ. އެ ކޮމިޓީން ނިންމާ ގޮތެއް ޖޭއެސްސީއަށް ހުށަހަޅަން ޖެހެ އެވެ.

މިހާރު އޮތް ޖޭއެސްސީ އެކުލެވުނު ފަހުން ފަނޑިޔާރުންނާއި ގުޅުން ހުރި ގިނަ މައްސަލަތަކެއް ބަލަމުން އެބަ ގެންދެ އެވެ. ފަނޑިޔާރެއްގެ މައްސަލައެއް ބެލުމަށް ފަހު ފަނޑިޔާރު ކަމުން ވަކި ކުރަން ރައްޔިތުންގެ މަޖިލީހަށް ފުރަތަމަ ފަހަރަށް ފޮނުވީ ވެސް މިހާރު އޮތް ޖޭއެސްސީންނެވެ. އެ ފަހުން ގިނަ އަދަދެއްގެ ފަނޑިޔާރުން ވަކި ކުރަން މަޖިލީހަށް ހުށަހަޅައި، އެ ގޮތަށް މަޖިލިހުން ފާސް ވެސް ކޮށްފައިވެ އެވެ.

ރިޓަޔާ ކުރާ ފަނޑިޔާރުން ދެވޭ އިނާޔަތްތައް

  • އެއް ފަހަރާ ދެވޭ އިނާޔަތް
  • މުޅި އުމުރަށް މަހުން މަހަށް ދެވޭ އިނާޔަތް
  • އެހެނިހެން އިނާޔަތް
  • ސިއްހީ ސަބަބަކާއި ހުރެ ވަކިވާ ފަރާތްތަކަށް ދެވޭ އިނާޔަތް

އެއް ފަހަރާ ދެވޭ އިނާޔަތް

ރިޓަޔާ ކުރެވޭ ފަނޑިޔާރަކު ފަނޑިޔާރު ކަމުގައި ހިދުމަތް ކުރެއްވީ 30 އަހަރަށް ވުރެ ކުރު މުއްދަތެއްގައިނަމަ، އެ ފަނޑިޔާރު ހުރި މަގާމުގެ އަސާސީ މުސާރައިގެ 1/3 އަށްވާ މިންވަރާއި ހިދުމަތް ކުރެއްވި މުއްދަތާއި ގުނަ ކުރުމުން އަންނަ މިންވަރު އިނާޔަތުގެ ގޮތުގައި އެއް ފަހަރާ ލިބޭނެ އެވެ.

ފަނޑިޔާރު ހިދުމަތް ކުރެއްވި މުއްދަތު 30 އަހަރަށް ވުރެ ދިގު ނަމަ، ވަކިވާއިރު ފުރުއްވަމުން ގެންދެވި މަގާމުގެ އަސާރީ މުސާރައިގެ 1/2 އަށްވާ މިންވަރާއި ޚިދުމަތް ކުރެއްވި މުއްދަތާއި ގުނަ ކުރުމުން އަންނަ މިންވަރު އިނާޔަތުގެ ގޮތުގައި އެއް ފަހަރާ ލިބޭނެ އެވެ.

މުޅި އުމުރަށް މަހުން މަހަށް ދެވޭ އިނާޔަތް

މިހާރު ވެސް ރިޓަޔާވާ ނުވަތަ ރިޓަޔާކުރާ ފަނޑިޔާރުންނަށް މިހާރު ވެސް މަހުން މަހަށް ޕެންޝަންއެއް ދެވެ އެވެ. އަލަށް އެކުލަވާލާފައިވާ ގަވާއިދުގައިވާ ގޮތުން، މި އިނާޔަތް ދިނުމުގައި ހިދުމަތުގެ މުއްދަތަށް ބަލާނީ އޭނާ ރިޓަޔާ ކުރާ ތާރީހާއި އެންމެ ފަހުން ޕެންޝަން ދިން ތާރީހާއި ދެމެދަށްވާ މުއްދަތު ވެސް ހިމެނޭ ގޮތަށެވެ.

ގަވާއިދުގައި ބަޔާން ކުރާ އުސޫލުގެ ތެރެއިން ކަނޑައަޅޭ ހިދުމަތުގެ މުއްދަތުގެ އަދަދާއި ފަނޑިޔާރު ކަމުން ވަކިވާއިރު ހުރި މަގާމުގެ އަސާސީ މުސާރައިގެ 1/40 އަށްވާ މިންވަރާއި ގުނަ ކުރުމުން އަދަދުގެ ފައިސާ މަހުން މަހަށް ލިބޭނެ އެވެ. އަދި މިހާރު ވެސް ޕެންޝަނަށް ލިބޭ މިންވަރު ވެސް ލިބޭނެ ކަމުގަ އެވެ.

ޕެންޝަން ލިބެމުން އައި ފަނޑިޔާރެއް ނޫންނަމަ، އޭނާ ރިޓަޔާ ކުރި އިރު ހިދުމަތް ކުރައްވާފައިވާ ތާރީޚަށް ބަލައިގެން، އެ މުއްދަތުގެ އަދަދާއި އޭރު ހުރި މަގާމުގެ އަސާސީ މުސާރައިގެ 1/40 އަށްވާ މިންވަރާއި ގުނަ ކުރުމުން އަންނަ އަދަދު އިނާޔަތުގެ މަހުން މަހަށް ލިބޭނެ އެވެ.

އެހެނިހެން އިނާޔަތްތައް

އެހެނިހެން އިނާޔަތްތަކުގެ ތެރެއިން ލިބިދޭ އެއް އިނާޔަތަކީ މެޑިކަލް އިންޝުއަރެންސް އެވެ. އެއީ އެ ފަނޑިޔާރަކު ވަކިވާއިރު ހުރި ކޯޓެއްގެ ފަނޑިޔާރަކަށް ލިބެމުންދާ ވަރުގެ އިނާޔަތެކެވެ. މި ހިދުމަތް ފަނޑިޔާރުގެ އިތުރަށް އޭނާގެ އަނބިމީހާ / ފިރިމީހާ އަދި 18 އަހަރު ނުފުރޭ ދަރިންނަށް ވެސް ލިބޭނެ އެވެ.

ސަލާމަތީ ހިދުމަތްތަކުގެ އެހީގައި ހަދާ ރިސްކް އެސެސްމަންޓަށް ފަހު ފާހަގަ ކުރެވޭ ކަންކަމަށް ރިއާޔަތްކޮށް ސަލާމަތީ ގޮތުން އެކަށީގެންވާ ރަނގަޅު ފެންވަރުގެ ހިމާޔަތާއި ރައްކާތެރިކަން ވެސް ލިބިދޭން ޖެހޭނެ ކަމަށް އެހެނިހެން އިނާޔަތްތަކުގެ ބާބުގައި ހިމަނާފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox