ސަރުކާރުން ވިޔަފާރިކުރާތީ އާޒިމްގެ ބޮޑެތި ފާޑުކިޔުންތަކެއް!

ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު އަލީ އާޒިމް މަޖިލީހުގެ ޖަލްސާއެއްގައި ބައިވެރިވެވަޑައިގަންނަވަނީ. ސަރުކާރުން ވިޔަފާރީގެ ތެރެއަށް ވަންނާތީ އޭނާ މިއަދު ފާޑު ވިދާޅުވި. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ މެދު ހެންވޭރު ދާއިރާގެ މެމްބަރު އަލީ އާޒިމް މަޖިލީހުގެ ޖަލްސާއެއްގައި ބައިވެރިވެވަޑައިގަންނަވަނީ. ސަރުކާރުން ވިޔަފާރީގެ ތެރެއަށް ވަންނާތީ އޭނާ މިއަދު ފާޑު ވިދާޅުވި. ފޮޓޯ: މަޖިލީހުގެ އިދާރާ

ސަރުކާރުން މާބޮޑަށް ވިޔަފާރީގެ ތެރެއަށް ވަންނަ ކަމަށް ތުހުމަތު ކުރައްވައި، ރައްޔިތުންގެ މަޖިލީހުގެ މެދުހެންވޭރު ދާއިރާގެ މެމްބަރު އަލީ އާޒިމް މިއަދު ސަރުކާރަށް ވަރަށް ބޮޑަށް ފާޑުވިދާޅުވެއްޖެ އެވެ.

ސަރުކާރުން މަޖިލީހަށް ހުށަހަޅާފައިވާ ކުންފުނީގެ ބިލަށް މަޖިލީހުގެ މިއަދުގެ ޖަލްސާގައި ކުރި ބަހުސްގައި އާޒިމް ވިދާޅުވީ ސަރުކާރުން ވިޔަފާރީގެ ތެރެއަށް ނުފޫޒު ފޯރުވާތީ ވިޔަފާރިވެރިން ޝަކުވާ ކުރާ ކަމަށެވެ. ސަރުކާރުން އެގޮތަށް ކަންތައް ކުރާ އިރު އެއީ އެމްޑީޕީގެ ސިޔާސަތެއް ނޫން ކަމަށް ވެސް އޭނާ ވިދާޅުވި އެވެ.

"އެމްޑީޕީގެ ވިސްނުމެއް ނޫން، ފިކުރެއް ނޫން ވިޔަފާރީގެ ތެރެއަށް ވަނުމަކީ. އެހެން ނަމަވެސް ވަރަށް ބޮޑަށް، ވަރަށް ބޮޑަށް ދައުލަތުން ސަރުކާރުން، އަޅުގަނޑުމެންގެ ހިއްސާ އޮތް ސަރުކާރެއް [މިއީ]. ސަރުކާރުން ކުންފުނިތަކުގެ ތެރެއަށް ވަރަށް ބޮޑު ނުފޫޒެއް، ހާއްސަކޮށް ވިޔަފާރިތަކުގެ ތެރެއަށް ފޯރުވަމުންދާތީ ވިޔަފާރިވެރިން ކަންބޮޑުވޭ،" އާޒިމް ވިދާޅުވި އެވެ.

އެވާހަކަ އެގޮތަށް ދެއްކެވީމާ އެއީ ސަރުކާރާ އިދިކޮޅު ހިޔާލު ކަަަމަށް ބައެެއް މީހުން ބުނާނެ ކަމަށާއި އެކަމަކު އެއީ ވަކި މީހަކާ ދެކޮޅަށް ދައްކަވާ ވާހަކައެއް ނޫން ކަމަށް ވެސް އޭނާ ވިދާޅުވި އެވެ. ސަރުކާރުން ކުރާ ވަކި ކަމެއްގެ ވާހަކަ ދެއްކީމާ އެއީ އެކަމާ ގުޅޭ މިނިސްޓްރީގެ މިނިސްޓަރާ ދެކޮޅަށް ދައްކަވާ ވާހަކައެއް ނޫން ކަމަށް އާޒިމް ތަކުރާރުކޮށް ވިދާޅުވި އެވެ.

އެހެން ނަމަވެސް، ސަރުކާރުން ވިޔަފާރީގެ ތެރެއަށް ވަންނަ ވާހަކައިގެ ތަފްސީލަށް ވަޑައިގެން، ނަން ވިދާޅުނުވެ، އޭނާ ބަހުގެ ހަމަލާތައް ދެއްވީ ސީދާ އިކޮނޮމިކް މިނިސްޓަރު ފައްޔާޒް އިސްމާއީލަށެވެ. އެމްޑީޕީގެ އެތެރޭގެ އިންތިހާގައި އެޕާޓީގެ ޗެއާޕާސަން ކަމުގެ މަގާމަށް ކުރިމަތިލައްވާފައިވާ ފައްޔާޒު ބޭނުންކުރައްވާ ކެމްޕޭން މޮޓޯ "ހިންގާލަން" މި ލަފުޒު ވާކައިގެ ތެރެއަށް ގެންނަވައި، އާޒިމް އެއަށް ޖޯކު ޖެއްސެވި އެވެ.

"ދައުލަތް ހިންގާލަން، ސަރުކާރު ހިންގާލުމުގެ ވިސްނުމުގައި 12 ކުންފުނި އެބަ އޮތް މި ތިން އަހަރުގެ ތެރޭ އުފައްދާފައި. ދެން އަޅުގަނޑު ބަލައިލި އިރުގައި، ހިންގާލުމުގެ ޑެފިނިޝަނަކަށް މި އޮންނަނީ ޖީބު ބޮޑުކުރުން، ދައްކާ ވާހަކައާ ކުރާ ކަންތަކާ ދިމާ ނުވުން،" އާޒިމް ވިދާޅުވި އެވެ.

އާޒިމް އެގޮތަށް ވާހަކަ ކުރިއަށް ގެންދަވަން ފެއްޓެވުމުން ނިޒާމާ ބެހޭ ނުކުތާއެއް ކަމަށް ވިދާޅުވެ، ތިނަދޫ ދެކުނު ދާއިރާގެ މެމްބަރު އަބްދުﷲ ސަނީފު އެކަން ފާހަގަވެސް ކުރެއްވި އެވެ. އާޒިމްގެ ވާހަކަ ނިންމަވައިލެއްވި ފަހުން ވެސް ފައްޔާޒަށް ތާއީދުކުރައްވާ މެމްބަރުން އޭނާއާ "ދިމާކުރުމުގެ" ވާހަކަތައް ދައްކަވާ އަޑު އިވުނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox