"އިންޑިއާ އައުޓް" ކެމްޕޭން ހުއްޓުވަން ޖާބިރު ހުށަހެޅި ކުއްލި މައްސަލަ ބަލައިގެންފި

ކާށިދޫ ދާއިރާގެ މެމްބަރު އަބްދުﷲ ޖާބިރު ރައްޔިތުންގެ މަޖިލީހުގެ ޖަލްސާއެއްގައި ވާހަކަ ދައްކަވަނީ. "އިންޑިއާ އައުޓް" ކެމްޕޭން ހުއްޓުވަން ގޮވާލައި އޭނާ ހުށަހެޅުއްވި ގަރާރު މަޖިލީހަށް މިއަދު ވަނީ ބަލައިގެންފައި.

ކާށިދޫ ދާއިރާގެ މެމްބަރު އަބްދުﷲ ޖާބިރު ރައްޔިތުންގެ މަޖިލީހުގެ ޖަލްސާއެއްގައި ވާހަކަ ދައްކަވަނީ. "އިންޑިއާ އައުޓް" ކެމްޕޭން ހުއްޓުވަން ގޮވާލައި އޭނާ ހުށަހެޅުއްވި ގަރާރު މަޖިލީހަށް މިއަދު ވަނީ ބަލައިގެންފައި.

ރާއްޖޭގައި އިންޑިއާ ސިފައިން ތިބުމާ ދެކޮޅަށް "އިންޑިއާ އައުޓް"ގެ ނަމުގައި އިދިކޮޅު ޕީޕީއެމް/ޕީއެންސީން ކުރިއަށް ގެންދާ ހަރަކާތް ހުއްޓުވަން ގޮވާލައި ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު މިއަދު ހުށަހެޅުއްވި ކުއްލި މައްސަލަ މަޖިލީހަށް ބަލައިގަންނަން ފާސްކޮށް ބަހުސްކުރަން ފަށައިފި އެވެ.

މަޖިލީހުގެ މިއަދުގެ ޖަލްސާއަށް ހުށަހެޅުއްވި ކުއްލި މައްސަލައިގައި ޖާބިރު ވިދާޅުވީ އިންޑިއާ އައުޓްގެ ނަމުގައި ހިންގާ ހަރަކާތަކީ އަވަށްޓެރި ގައުމަކާ މެދު ނަފުރަތު އުފައްދަން ހިންގާ ހަރަކާތެއް ކަމަށެވެ.

ކުރީގެ ރައީސް އަބްދުﷲ ޔާމީނު އިސްވެ ހުންނަވައިގެން މާލެއާއި އެހެން ރަށްރަށުގައި ހިންގާ އެހަރަކާތް ހުއްޓުވަން ގޮވައިލައްވަނީ އެހަރަކާތުގެ ސަބަބުން ދެގައުމުގެ ގުޅުން ގޯސްވެ، އެ ސިޔާސީ ފިތުނަ ދެގައުމުގެ އާއްމުންނާ ހަމައަށް ފެތުރިދާނެތީ އެވެ. އެގޮތަށް ކަންތައް ވެ އެއް ބަޔަކު އަނެއްބަޔަކަށް ހަމަލާދޭ ހިސާބަށް ދިޔަނުދީ އެހަރަކާތް ހުއްޓުވަން ޖެހޭ ކަމަށް ވެސް ކުއްލި މައްސަލައިގައި އޭނާ ވިދާޅުވި އެވެ.

Advertisement

"...[މިއީ] ސަލާމަތާ ބެހޭ ބާރުތަކުން އަވަސް މަޝްވަރާކުރުމާ އެކީ، އިދިކޮޅު ލީޑަރު [އަބްދުﷲ] ޔާމީނު އިސްވެ ހުންނަވައިގެން އަތޮޅުތަކުން މީހުން ގެނެސްގެން ފުރަމާލޭގައި ބާއްވަން ރާވަމުންދާ އިންޑިއާ އައުޓް ހަރަކާތް ހުއްޓުވުމަކީ މިވަގުތަށް ވަރަށް މުހިއްމުކަމެއް ކަމަށް ފެންނާތީ ހުށަހަޅާ ކުއްލި މައްސަަލައެއް،" ކުއްލި މައްސަލަ ހުށަހަޅުއްވަމުން ޖާބިރު ވިދާޅުވި އެވެ.

އިންޑިއާ އައުޓް ކެމްޕޭނުގައި ފާޅުކުރާ އެންމެ ބޮޑު ކަންބޮޑުވުމަކީ ސިފައިންގެ ބަނދަރަކާއި ޑޮކްޔާޑަކާއެކު އުތުރު ތިލަފަޅު ތަރައްގީކުރަން ސަރުކާރުން އިންޑިއާއާ އެކު ސޮއިކޮށްފައިވާ އެއްބަސްވުމެވެ. އިދިކޮޅުން ތުހުމަތުކުރާ ގޮތުގައި އެ އެއްބަސްވުމުގެ ދަށުން ރާއްޖޭގައި އިންޑިއާ ސިފައިން ތިބެން ސަރުކާރުން ވަނީ ހުއްދަ ދީފަ އެވެ.

ކުއްލި މައްސަލައިގައި ޖާބިރު ވިދާޅުވީ އުތުރުތިލަފަޅު ތަރައްގީކުރަނީ އެމްއެެންޑީއެފްގެ ބޭނުމަށް ކަމަށާއި އެއީ ރާއްޖޭން އިންޑިއާއާ އެކު ސޮއިކޮށްފައިވާ ބައިލެޓްރަލް އެއްބަސްވުމެއްގެ ދަށުން ހިންގާ މަޝްރޫއެއް ކަން އިދިކޮޅު ފަރާތްތަކަށް ރަނގަޅަށް އެނގޭނެ ކަމަށެވެ.

ޖާބިރު މީގެ ކުރިން މަޖިލީހަށް ހުށަހެޅި ގިނަ މައްސަލަތަކެއް ބަލައިނުގަނެ ބޭރުކޮށްލާފައި ވިޔަސް މިއަދު ހުށަހެޅުއްވި ކުއްލި މައްސަލަ ބަލައިގަތުމަށް ފާސްކުރީ އެކަމަށް ނެގި ވޯޓުގައި ބައިވެރިވެވަޑައިގެންނެވި 32 މެމްބަރުންގެ ތެރެއިން 30 މެމްބަރަކު ވޯޓު ދެއްވައިގެންނެވެ. އަނެއް ދެ މެމްބަރުން ވޯޓް ދެއްވީ ކުއްލި މައްސަލަ ބަލައިގަތުމަށް ނުފެންނަ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox