ތިނަދޫގައި ކުރިޔަށްގެންދިޔަ އާއްމު އަޑުއެހުންތައް ނިންމާލައިފި

ތިނަދޫގައި ކުރިޔަށްގެންދިޔަ އާއްމު އަޑުއެހުންތަކުގެ ތެރެއިން އޮމްބަޑްސްޕާސަންގެ އޮފީހުގެ އިސްވެރިން. އެ އަޑުއެހުންތަކަކީ 1962 ވަނަ އަހަރު ތިނަދޫ ފަޅުކޮށްލި ހާދިސާއާއި ގުޅިގެން ބޭއްވި އަޑުއެހުންތަކެއް. ފޮޓޯ: އަބްދުﷲ އިޔާން/އަދަދު

ތިނަދޫގައި ކުރިޔަށްގެންދިޔަ އާއްމު އަޑުއެހުންތަކުގެ ތެރެއިން އޮމްބަޑްސްޕާސަންގެ އޮފީހުގެ އިސްވެރިން. އެ އަޑުއެހުންތަކަކީ 1962 ވަނަ އަހަރު ތިނަދޫ ފަޅުކޮށްލި ހާދިސާއާއި ގުޅިގެން ބޭއްވި އަޑުއެހުންތަކެއް. ފޮޓޯ: އަބްދުﷲ އިޔާން/އަދަދު

މީގެ ފަސްދޮޅަހަކަށް އަހަރުކުރިން ގދ. ތިނަދުއިން މީހުން ބާލައި ރަށް ފަޅުކޮށްލި ހާދިސާއާ ގުޅިގެން އިންތިގާލީ އިންސާފުގެ އޮމްބަޑްސްޕާސަންގެ އޮފީހުން އެރަށުގައި ކުރިޔަށް ގެންދިޔަ އާންމު އަޑުއެހުންތައް މިއަދު ނިންމާލައިފި އެވެ.

އެ އޮފީހުގެ ޕަބްލިކް ރިލޭޝަންސް އެގްޒެކެޓީވް އައިޝަތު ފަތުހީ މި ނޫހަށް ވިދާޅުވީ ތިނަދޫގައި ތިން ދުވަހަށް ކުރިޔަށް ގެންދިޔަ އަޑުއެހުންތަކުގައި ގާތްގަނޑަކަށް 15-20 މީހުން ބަޔާން ދީފައިވާ ކަމަށެވެ. އެ މައްސަލައިގައި ދެން އޮންނާނީ އަންނަ އާދިއްތަ ދުވަހު މާލޭގައި ބާއްވާ އަޑުއެހުންތައް ކަމަށް އޭނާ ވިދާޅުވި އެވެ.

"ދުވާލަކަށް 5-6 ބޭފުޅުން ބަޔާން ދެއްވި. ބައެއް ބޭފުޅުން ނަން ނޯޓު ކުރުމަށްފަހު އެކި ސަބަބުތަކާހެދި ނާދެވިފަ ވެސް ހުރުމުން. މިމަހުގެ 27 ވަނަ ދުވަހު މާލޭގައި ވެސް ކުރިޔަށްދާނެ އަޑުއެހުންތަކެއް. އެއީ އެކަމަކު އެންމެ ދުވަހަކަށް ބާއްވާ އަޑުއެހުމެއް،" އައިޝަތު ވިދާޅުވި އެވެ.

Advertisement

އޭނާ ވިދާޅުވީ ތިނަދޫގައި ކުރިޔަށްގެންދިޔަ އަޑުއެހުންތަކަކީ ރަށް ފަޅުކޮށްލި ހާދިސާގައި އަނިޔާ ލުބުނު މީހުންގެ ވާހަކަތައް ކިޔައިދިނުމަށް ބޭއްވި އަޑުއެހުންތަކެއް ކަމަށެވެ. އަދި އެއީ އެ މައްސަލައިގައި އޮމްބަޑްސްޕާސަންގެ އޮފީހުގެ ތަހުގީގުގެ މަރުހަލާއެއް ކަމަށް އޭނާ ވިދާޅުވި އެވެ.

"ދެން ކުރިޔަށްދާނެ ތަހުގީގުގެ ބައި އަދިވެސް. އެ މަރުހަލާ ނިމުނީމަ ދެން ސުލްހަވެރިކަމާއެކު މައްސަލަ ކުރިޔަށް ގެންދިޔުމަށް މީޑިއޭޝަން މަރުހަލާއާ ހަމަޔަށް ދާނީ،" އައިޝަތު ވިދާޅުވި އެވެ.

އޭނާ ވިދާޅުވީ އެ ހިސާބަށް މައްސަލަ ދާނެ ތާރީހެއް އަދި ދަންނަވަން ދަތިކަމަށެވެ. އަދި އޮމްބަޑްސްޕާސަންގެ އޮފީހުން އެ މައްސަލަ ވީހާވެސް އަވަހަށް ނިންމަން މަސައްކަތް ކުރާނެ ކަމަށް އޭނާ ވިދާޅުވި އެވެ.

ތިނަދުއިން މީހުން ބޭލި ހާދިސާއަކީ 1962 ވަނަ އަހަރު ހިނގައިދިޔަ ސުވަދީބް ބަގާވާތާއި ގުޅިފައިވާ ހާދިސާއެކެވެ. އެ ބަގާވާތުގެ ތެރެއިން، ރާއްޖޭގެ ދައުލަތުން ވަކިވެގަތުމަށް މަސައްކަތްކުރި ކަމަށް ބުނާ ދެކުނުގެ ތިން އަތޮޅުގެ މައި ރަށްކަމުގައިވާ ތިނަދޫއަށް އޭރުގެ ބޮޑު ވަޒީރު އިބްރާހިމް ނާސިރު ވަނީ ސިފައިންނާއެކު ވަޑައިގެންފަ އެވެ.

އޭގެ ފަހުން އެރަށުގައި ހަމަނުޖެހުންތަކެއް ހިނގައި ނާސިރު ތިނަދުއިން މީހުން ބޭލުވި އެވެ. އެ މައްސަލައިގައި ތިނަދޫގެ އާންމުންގެ ތެރެއިން ބައެއް މީހުން މަރުވެ، ލާއިންސާނީ އަމަލުތަކެއް ހިނގާފައިވާ ކަމަށް އެރަށުގެ އާންމުން ބުނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox