ޔޫކްރެއިނާއި ރަޝިއާގެ މަޝްވަރާއިން ކުރިއެރުން ލިބި، އެއްބަސްވުމަކަށް ދާން ގާތްވެފައިވާ ކަމަށް ތުރުކީގެ ފޮރިން މިނިސްޓަރު މެވްލުތް ކަވުސޮގްލޫ ވިދާޅުވެއްޖެ އެވެ.
ޔޫކްރެއިނާއި ރަޝިއާއާ ދެމެދުގައި ކުރިއަށް ގެންދާ ސުލްހައިގެ މަޝްވަރާގައި ތުރުކީއިން އަދާކުރަނީ މެދުވެރިއެއްގެ ދައުރެވެ. ތުރުކީއިން އެ ދެ ގައުމާ އެކު ވެސް ގާތް ގުޅުމެއް ބާއްވަ އެވެ.
ކަވުސޮގްލޫ އޭއެފްޕީއަށް ވިދާޅުވީ ހަނގުރާމަ ކުރިއަށް ދަނިކޮށް އެއްބަސްވުމަކާ ހަމައަށް ދިޔުމަކީ ފަސޭހަ ކަމެއް ނޫން ނަމަވެސް "އެއްބަސްވުމަކަށް ދާން ގާތްވެފައިވާ" ކަމަށެވެ.
މިދިޔަ ހަފްތާގައި ކަވުސޮގްލޫ ވަނީ ޑިޕްލޮމެޓިކް މަސައްކަތްތަކަށް ޔޫކްރެއިނާއި ރަޝިއާއަށް ވެސް ވަޑައިގެންފަ އެވެ. އޭގެ އިތުރުން ތުރުކީގެ ރައީސް ތައްޔިބް އުރުދުގާން ވަނީ ރަޝިއާގެ ރައީސް ލެޑިމިއަ ޕުޓިން އާއި ޔޫކްރެއިންގެ ރައީށް ވޮލޮޑިމިރް ޒެލެންސްކީއާ އެކު ފޯނުން މަޝްވަރާ ކުރައްވާފަ އެވެ.
titledesc
