އަފްގާނިސްތާނުގައި އޮތް ތާލިބާން ސަރުކާރާ އެކު ރަސްމީކޮށް ގުޅުން ގާއިމް ކުރަން އދ. ގެ ސަލާމަތީ މަޖިލީހުން ބުރާސްފަތު ދުވަހު ފާސްކޮށްފި އެވެ.
ސަލާމަތީ މަޖިލީހުން އަފްގާނިސްތާނާ ގުޅޭ ގަރާރެއް ފާސްކުރި އިރު، އެ ގަރާރުގައި "ތާލިބާނުން" ލަފުޒު ބޭނުންކޮށްފައެއް ނުވެ އެވެ. އެ ގަރާރުގެ ދަށުން ވަނީ ކުރިއަށް އޮތް އެއް އަހަރު އދ. ގެ ސިޔާސީ މިޝަންއިން އަފްގާނިސްތާނުގައި ކުރާނެ ކަންކަމުގެ މެންޑޭޓެއް ހިމަނާފަ އެވެ.
ގަރާރުގައިވާ ގޮތުން އދ. އިން އަފްގާނިސްތާނުގައި މަސައްކަތް ކުރިއަށް ގެންދިޔުމަކީ އެ ގައުމުގެ ސުލްހައަށް ކޮންމެހެންވެސް މުހިއްމު ކަމެކެވެ.
ގަރާރަށް ތާއީދުކޮށް ސަލާމަތީ މަޖިލީހުގެ 14 މެމްބަރު ގައުމުން ވޯޓު ދިން އިރު، ވަކި ކޮޅަކަށް ވޯޓު ނުދޭ ހަމައެކަނި ގައުމަކީ ރަޝިއާ އެވެ.
ބައިނަލްއަގްވާމީ މުޖުތަމައިން އަދިވެސް ތާލިބާން ސަރުކާރު ބަލައިގެންފައި ނުވާ އިރު، އަފްގާނިސްތާނުން އދ. އަށް ހާއްސަ މަންދޫބެއް ކަނޑައަޅާފައެއް ނުވެ އެވެ.
