ފެމިލީ ކޯޓުގެ އިސް ގާޒީގެ މަގާމަށް ކުރިމަތިލުމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ހުޅުވާލައިފި އެވެ.
އެ މަގާމަށް ކުރިމަތިލާން ހުޅުވާލާފައި ވަނީ ފެމިލީ ކޯޓުގައި މިހާރު މަސައްކަތްކުރަމުންދާ ފަނޑިޔާރުންނަށް ކަމަށް ޖޭއެސްސީން އެ މަގާމަށް ހުޅުވާލަން ކުރި އިއުލާނުގައި ބުނެ އެވެ.
އިސް ގާޒީކަމަށް ޝައުގުވެރިވާ ފަނޑިޔާރުން މިމަހުގެ 20 ގެ ކުރިން އެކަމަށްޓަކައި އެދި ޖޭއެސްސީ އަށް ހުށަހެޅުމަށް އެ އިއުލާނުގައި ބުނެ އެވެ.
އިސް ގާޒީގެ މަގާމަށް ހޮވޭ ފަނޑިޔާރަށް ޖުމްލަ 42،375ރ. މުސާރައިގެ ގޮތުގައި ލިބޭނެ އެވެ. އެއީ، އަސާސީ މުސާރައިގެ ގޮތުގައި 31،000ރ. އާއި ލިވިން އެލަވަންސްގެ ގޮތުގައި 15،000ރ. އަދި ރިސްކް އެލަވަންސްގެ ގޮތުގައި ލިބޭ 1،375ރ. އެވެ.
އޭގެ އިތުރުން ވެސް ކަނޑައަޅާފައި އޮންނަ އުސޫލުގެ ތެރެއިން އިސް ގާޒީއަށް ހުންނަ ފަނޑިޔާރަށް ފޯނު އެލަވަންސެއް ވެސް ލިބޭނެ އެވެ. އަދި، ހަމައެއާއެކު މެޑިކަލް އިންޝުއަރެންސް ވެސް ލިބޭނެ އެވެ.
އިސް ގާޒީގެ މަގާމަށް ޖޭއެސްސީން އިއުލާންކޮށްފައި ވަނީ އެ ކޯޓުގެ އިސް ގާޒީގެ ގޮތުގައި މީގެ ކުރިން ހުންނެވި ފަނޑިޔާރު އަބްދުﷲ އަދީބު ނިމިދިޔަ ޑިސެމްބަރުގެ ތެރޭ ރިޓަޔާ ކުރެއްވުމުންނެވެ.
