މަގުގެ ދެ ފަރާތުގައި އެއްކޮޅުން އަނެއް ކޮޅަށް ހެދިފައިވާ ބިޔަ ގަސްތަކާއި އެ ގަސްތަކުގެ ފެހި ކަމާއި ހެދިފައިވާލެއް ހިތްގައިމު ކަމުން އެއީ ހުޅުމާލޭގެ އެންމެ ހިތްގައިމު، އެންމެންގެ ވެސް މަގުބޫލު މަގެކެވެ. ފޮޓޯގްރާފަރުންނާއި ވީޑިއޯތަކަށް ހާއްސަ ލޮކޭޝަނެކެވެ. ޖާގަ ތަނަވަސް ރީތި ފިތުރޯނު މަގުގައި ކައިވެނީގެ ހާއްސަ ފޮޓޯތަކާއި، އާއިލާތައް ފޮޓޯނަގަން އައިސް އުޅޭ ތަން އާންމުކޮށް ފެނެއެވެ.
ހުޅުމާލެއާއި މާލެ ބްރިޖަކުން ގުޅާލުމުން މިހާރު ފިތުރޯނު މަގު އަދި މާ ހިތްގައިމުވެފައި ރީއްޗެވެ. މީހުންނާއި ޓްރެފިކް މަދެވެ. މިހާރު ހުޅުމާލޭގައި އެންމެ އަރާމު ހިސާބަކީ މި މަގެވެ. ފިތުރޯނު މަގުގައި ތަރައްގީކުރަމުން އަންނަ ލަގްޒަރީ އިމާރާތްތަކުން ބޯހިޔާވެހިކަން ހޯދައިގެން، ކާރޫބާރު މާލެއިން ހުޅުމާލެ އަށް ދިރިއުޅުން ބަދަލުކޮށްލުމަކީ ދެކޭނެ އުއްމީދެކެވެ.
ޓްރެފިކް މަދު، އަޑު މަޑު ހެނދުނަކަށް ހޭލެވުމަކީ ދުޅަހެޔޮކަމަށް އެދެވޭ ބަދަލެއް އަންނާނެކަމެކެވެ. ސާފުވައި ލިބުމާއި ބޭރުން ފެންނަ ރީތި މަންޒަރުން ހިތްހަމަޖެހުން ލިބޭނެ ކަމެކެވެ. ފިތުރޯނު މަގުގައި ތަރައްގީކުރަމުން އަންނަ ގިނަ އިމާރާތްތަކުގެ ތެރެއިން މިފަދަ ހާއްސަ އެއް ތަނަކީ ސޮލިޓެއާ އެވެ. އުފާވެރި ދުޅަހެޔޮ ދިރިއުޅުމަކަށް ބޭނުންވާ ހުރިހާ ކަމަކަށް ބައްޓަންކޮށް ފަރުމާކޮށްފައިވާ ސޮލިޓެއާ އަކީ ގިނަ ގޮތް ގޮތުން ދިރިއުޅުން ފަސޭހަ ކޮށްދޭނެ ތަނެކެވެ.
ކައިރީގައި ޕެޓްރޯލް އަޅާތަނާއި އޭޓީއެމް އަދި ތާޒާ ކާނާ ލިބޭނެ މާރުކޭޓެއް ހުރެއެވެ. މީގެ އިތުރުން ސޮލިޓެއާގެ އިމާރާތުގެ ތެރޭގައި، ދުވަހުން ދުވަހަށް ބޭނުންވާ ގިނަ ކަންކަން މަގުފަހިވެފައި ހުންނާނެ އެވެ. ރެސްޓޯރަންޓާއި ކެފޭތަކާއި ފިހާރަތަކެވެ. ސޮލިޓެއާގައި ދިރިއުޅޭ މީހުންގެ ކާރާއި ސައިކަލް ޕާކުކުރަން އިމާރާތުގެ ތެރެއިން ޖާގަ ކަނޑައަޅާފައި އޮތުމަކީ ވެސް ދިރިއުޅުން ފަސޭހަވެގެންދާނެކަމެކެވެ.
ދިރިއުޅޭ އެޕާޓްމަންޓް ތެރެއިން ކުނި ބޭރުކުރުމަށް ގާބޭޖް ޗޫޓްއެއް ހުންނާނެ އެވެ. މިއީ ކުނި ކޮތަޅު ކޮރިޑޯއަށް ނުވަތަ އިމާރާތުގެ އެހެން ތަނަކަށް ގެންދިއުމަށް ވުރެ ފަސޭހަ ސާފު ތާހިރު ގޮތެކެވެ.
އުފާވެރި ދިރިއުޅުމަކަށް ދުޅަހެޔޮ ސިއްހަތެއްގައި ހުރުންވެސް މުހިއްމެވެ. ނަމަވެސް ކަސްރަތު ކުރާނެ ވަގުތާއި ޖާގަ ހޯދުމަކީ ދިރިއުޅުމުގެ ކަންކަން ހުންނަ ގޮތުން އުނދަގޫ ކަމަކަށްވެ އެވެ. ސޮލިޓެއާގައި މިކަމަށްވެސް ހައްލެއް އެބައޮތެވެ. މި އިމާރާތުގެ ރޫފްޓޮޕަކީ ކަސްރަތު ކޮށްލުމާއި ސިކުނޑި ތާޒާ ކޮށްލަން ފުރިހަމަ ތަނެކެވެ. ކަސްރަތަށް ބޭނުންވާ ހުރިހާ ޒާމާނީ ވަސީލަތެއް ހިމެނޭ ޖިމެއް ހުރެ އެވެ. ކަސްރަތު ކުރަން ހުންނަ އިރު ބޭރުން ފެންނަ މަންޒަރު އިތުރު ހިތްހަމަޖެހުމެއް ލިބެ އެވެ. އިންފިނިޓީ ޕޫލަކާއި ހިތްފަސޭހަ މައިޒާނެއް ހުރެ އެވެ. މުނިފޫހިފިލުވާލަން ޕޫލު ކުޅޭނެ ތަނެއްވެސް ހުރެ އެވެ. ސޮލިޓެއާގެ ރޫފްޓޮޕުން، ކޮންމެ ދިމާލަކަށް ބަލާލިއަސް މަންޒަރު ޗާލުވެފައި ހިތްގައިމެވެ. އެއްފަރާތުން ސެންޓްރަލް ޕާކު، އަނެއް ފަރާތުން ބިޔަ ނޫކަނޑުގެ ހިތްގައިމު މަންޒަރެވެ.
މި ހުރިހާ ކަމަކާއެކު ސޮލިޓެއާ އަކީ ފޫހިނުވާނެ ލަގްޒަރީ ތަނެކެވެ. މި ފްލެޓް ތަރައްގީކުރާ ނިއު ދިއްލީގެ އެސޮޓެކް ރިއަލްޓީ ކުންފުނީގެ އެފިލިއެޓް ސެންޑަލް މޮރިޝަސްއަކީ ލަގްޒަރީ މަޝްރޫއުތައް ތަރައްގީކުރުމުގައި ކާމިޔާބު، ތަޖުރިބާ ގިނަ ކުންފުންޏެކެވެ. ސެންޑަލް މޮރިޝަސްއަކީ ރާއްޖޭގައި ލަގްޒަރީ ހައުސިން އަދި ހޮސްޕިޓަލިޓީ މަޝްރޫއުތައް ތަރައްގީކުރުމަށް ހާއްސަ އެސޮޓެކް ރިއަލްޓީގެ ގޮތްޕެކެވެ.
