ފަނޑިޔާރުންގެ އުދާސްތައް ހުކުމަށް ގެނައުމަކީ ރަނގަޅު ގޮތެއް ނޫން: ޖޭއެސްސީ

ޖޭއެސްސީގެ ރައީސާ ހިސާން: ފަނޑިޔާރުންގެ އަމިއްލަ އިސްނެގުމުން ފާހަގަވާ ކަންކަން ހުކުމަށް ގެނައުމާ އެ ކޮމިޝަނުން ދެކޮޅު -- ފޮޓޯ: ރައްޔިތުން މަޖިލީސް

ޖޭއެސްސީގެ ރައީސާ ހިސާން: ފަނޑިޔާރުންގެ އަމިއްލަ އިސްނެގުމުން ފާހަގަވާ ކަންކަން ހުކުމަށް ގެނައުމާ އެ ކޮމިޝަނުން ދެކޮޅު -- ފޮޓޯ: ރައްޔިތުން މަޖިލީސް

މައްސަލަތައް ނިންމުމަށްފަހު ނެރޭ ހުކުމްތަކަށް ފަނޑިޔާރުންގެ އުދާސްތައް ތިރިކުރުމަކީ ރަނގަޅު ގޮތެއް ނޫން ކަމަށާއި، އެކަމަށް އެއްވެސް ވަރަކަށް ތަރުހީބު ނުދޭނެ ކަމަށް ޝަރުއީ ބާރަށް ފާރަވެރިވާ ޖުޑީޝަލް ސާވިސް ކޮމިޝަން (ޖޭއެސްސީ) އިން ބުނެފި އެވެ.

ޖޭއެސްސީއަށް ރައްޔިތުން މަޖިލީހުން ކަނޑައަޅާފައިވާ މެމްބަރު، އަދި އެ ކޮމިޝަންގެ ރައީސް، ހިސާން ހުސައިން އިއްޔެ މަޖިލީހުގެ ޖުޑީޝިއަރީ ކޮމިޓީގައި ބޭއްވި ބައްދަލުވުމެއްގައި ވަނީ ކޯޓުތަކާއި ފަނޑިޔާރުންނާ ގުޅޭ ގިނަ ވާހަކަތަކެއް ދައްކަވާފަ އެވެ.

އެގޮތުން, މައްސަލައާ ގުޅުން ނެތް ބައެއް ވާހަކަތައް ފަނޑިޔާރުންގެ އަމިއްލަ އިސް ނެގުމުގެ ދަށުން ބެލުމަށްފަހު، އެކަންކަން ހުކުމުގައި ލިޔުއްވާތީ އެކަމަށް އޭނާ ފާޑު ވިދާޅުވި އެވެ.

"އެންމެ ރަނގަޅު ގޮތެއް ނޫން އެއީ މައްސަލައާ ގުޅުން ނެތް ބައިވަރު އެހެން ވާކަތަކެއް، ފަނޑިޔާރުގެ އުދާސް ފިލުވާލުމުގެ ގޮތުން ހުކުމަށް ގެނައުމަކީ," ރައްޔިތުން މަޖިލީހުގައި ތުޅާދޫ ދާއިރާ ތަމްސީލު ކުރައްވާ މެމްބަރު ވިދާޅުވި އެވެ.

އޭނާ ގަބޫލުކުރާ ގޮތުގައި "ޖުޑީޝިއަލް އެކްޓިވިޒަމް" (މައްސަލައިގެ ބޭރުން ފަނޑިޔާރުން ދެކޭ ގޮތް / ހިޔާލު) ފާޅުކުރުމަކީ ރަނގަޅު ގޮތެއް ނޫނެވެ. އަދި އެކަމާއި ޖޭއެސްސީގައި ބާކީ ތިއްބެވި ނުވަ މެމްބަރުންވެސް ދެކޮޅު ހައްދަވާނެ ކަމަށް ހިސާން ވިދާޅުވި އެވެ.

"ޖުޑީޝިއަލް އެކްޓިވިޒަމްއަށް ދިއުން، އެއީ ރަނގަޅު ގޮތް ކަމަށް ހަމަ ގައިމު އަޅުގަނޑު ގަބޫލެއް ނުކުރަން، އަދި އަޅުގަނޑުމެންގެ ތެރޭގައި އަޅުގަނޑު ހިތުން އެހެން ގަބޫލުކުރާ ބޭފުޅެއް ނެތް،" ގާނޫނީ ދާއިރާއިން ތައުލީމް ހާސިލްކުރެއްވުމަށްފަހު، ވަކީލެއްގެ ގޮތުގައި ހަރަކާތްތެރިވާ ހިސާން ވިދާޅުވި އެވެ.

ނަމަވެސް އެގޮތަށް ހުކުމްތައް ނުކުރައްވަން ފަނޑިޔާރުންނަށް އެންގުމަކީ ޖޭއެސްސީއަށް ލިބިފައިވާ ގާނޫނީ ބާރުވެރިކަމުގެ ދަށުނުން ކުރެވޭނެ ކަމެއް ނޫން ކަން ހިސާން ދެކިވަޑައިގަނެ އެވެ.

"އަޅުގަނޑުމެންނަކަށް ފަނޑިޔާރުންނަކަށް ހުކުމަކަށް މިވެނި އެއްޗެއް ނުލިޔާށޭ، މިވެނިހެން ލިޔުނީމަ ގޯހޭ، އެހެން ބުނުމަށް ގާނޫނީ ގޮތުން ފުރުސަތު އޮތް ކަމަކަށް އަޅުގަނޑަކަށް ގަބޫލެއް ނުކުރެވޭ،" ހިސާން ވިދާޅުވިއެވެ.

އެކަމަކު ފަނޑިޔާރުން ނެރޭ ހުކުމްތަކުގެ ފެންވަރު ރަނގަޅު ކުރުމުގެ ގޮތުން ސިލްސިލާ ގޮތެއްގައި ތަމްރީމް ޕްރޮގްރާމްތަކެއް ބާއްވާކަން ހިސާން ފާހަގަކުރެއްވި އެވެ. އެ ސެޝަންތަކުގައި ހުކުމުގައި ކޮންމެހެން ހިމަނަން ޖެހޭ ބައިތައް ކިޔައިދެ އެވެ.

މިވީ ތިން އަހަރު ތެރޭ ސުޕްރީމް ކޯޓަށް ބޮޑެތި ބަދަލުތަކެއް އައިސްފިކަން ގިނަ ވަކީލުން ފާހަގަކުރެ އެވެ. ކުރިން އެއް ޖުމްލައިން ބޮޑެތި ހުކުމްތައް އެއްވެސް ތަރުތީބެއް ނެތި ނެރިފައި ހުއްޓަސް މިހާރު ސުޕްރީމް ކޯޓުގެ ހުކުމްތައް ކިޔާލަން ފަސޭހަވެފައި ތަފްސީލެވެ.

މައްސަލައިގެ ފަސް ފަހަތާއި އިސްތިއުނާފީ ނުގުތާތަކާއި ކޯޓުގައި ދެއްކި ވާހަކަތަކައިގެ އިތުރުން ޝަރީއަތަށް ފާހަގަކުރެވުނު ނުގުތާތަކާއި ހުކުމާ ހަމައަށް ވާސިލްވި ގޮތް ވަކި ތަރުތީބަކުން އާންމު މީހާއަށް ވެސް ވިސްނޭނެ ގޮތަށް ތިލަ އިބާރާތަކުން މިހާރު ސުޕްރީމް ކޯޓުގެ ގަޒިއްޔާތައް ލިޔެފައި ހުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox