މަންމަ އާއި ބައްޕަ ވާދަކުރިޔަސް، އެމްޑީޕީއަށް ވޯޓު ދޭން ގާސިމް ގޮވާލައްވައިފި

Jan 26, 2022, 3:04 PM
މަންމަ އާއި ބައްޕަ ވާދަކުރިޔަސް، އެމްޑީޕީއަށް ވޯޓު ދޭން ގާސިމް ގޮވާލައްވައިފި

މަންމަ އާއި ބައްޕައާ ދެކޮޅަށް ވޯޓުލާން ޖެހުނު ނަމަވެސް ކޮމަންޑޫ ދާއިރާގެ ބައި އިލެކްޝަނުގައި އެމްޑީޕީ އަށް ވޯޓު ދިނުމަށް އެ ޕާޓީގެ ކޯލިޝަން ބައިވެރިޔާ ޖުމްހޫރީ ޕާޓީގެ ލީޑަރު ގާސިމް އިބްރާހިމް މިއަދު ހަރު އަޑުން ގޮވާލައްވައިފި އެވެ.

ކޮވިޑުގެ ސަބަބުން ރައްކާތެރިކަމުގެ ފިޔަވަޅެއްގެ ގޮތުން، މިދިޔަ ދެ އަހަރެއްހާ ދުވަހު މީހުން އެއްވެ އުޅޭ ހަރަކާތްތަކުން އެކަހެރިވެވަޑައިގެން ހުންނެވި ގާސިމް އެހެން ގޮވާލެއްވީ އެމްޑީޕީގެ ކެންޑިޑޭޓް މުހައްމަދު ރާޝިދު (ރާޑޯ) އަށް ކެމްޕެއިންކޮށްދެއްވަން ށ. މަރޮށްޓަށް މިއަދު ވަޑައިގެން ވާހަކަދައްކަވަމުންނެވެ.

ދުވަސްތަކަށް ފަހު ގާސިމް ފެނުނުއިރު ހުންނެވީ ތަފާތުކޮށެވެ. ދާދި ފަހުން ބަހައްޓަވަން ފެށި ތުނބުޅި ހުރީ ގާތްގަނޑަކަށް ހެން ހުދުވެފަ އެވެ. އަދި ބޮލުގައި ވެސް ގިނަ އަދަދަކަށް ހުރީ ނުރަޖަހައިފަ އެވެ. ހުންނެވީ ރޮނގުދެމި ގިރުވާންލީ ޓީޝާޓެއް ތުރުކުރައްވައިގެން ނުރަސްމީކޮށެވެ.

Advertisement

އެމްޑީޕީގެ ރީނދޫ ދިދަ ޖެހި، ރީނދޫ ގޮނޑި ބަހައްޓާފައި ހުރި އެ ޕާޓީގެ ހަރުގެއެއްގައި މިއަދު މެންދުރުފަހު އޮތް ކުޑަކުޑަ އެއްވުމުގައި ގާސިމް ވާހަކަ ފެށްޓެވީ އާދައިގެ ގޮތަކަށެވެ. ވިދާޅުވެދެއްވީ، އޭނާ އެ ޕާޓީއެއް އުފައްދަވަން ސޮއިކުރެއްވި އެކަމަކު އަމިއްލަ ޕާޓީއެއް ހެއްދެވި ފަހުން ދުރުގައި ހުންނެވި އެމްޑީޕީ އަށް ވޯޓު ދޭން ޖެހޭ ސަބަބުތަކެވެ. ވާހަކަ ފެށްޓެވީ ވަރަށް ޑިޕްލޮމެޓިކްކޮށެވެ. ނަމަވެސް ފަހުން ޖޯޝު އައިސް ވަރަށް ހަރުއަޑުން، އެމްޑީޕީ އަށް ކެމްޕެއިންކޮށްދެއްވި އެވެ.

ރާއްޖޭގެ ސިޔާސީ ދާއިރާ އިން މިހާރު ފެންނަ އެންމެ ތަޖުރިބާކާރު އެއް ބޭފުޅާ ވިދާޅުވީ އެމްޑީޕީގެ ކެންޑިޑޭޓް ރާޝިދު އަށް ވޯޓް ދޭންވީ އޭނާ އަކީ އެމްޑީޕީ މީހަކަށް ވެގެން ނޫން ކަމަށެވެ. އަދި އަނެއް ދެ ކެންޑިޑޭޓުންނަށް ވޯޓު ނުދޭންވީ ވެސް ވަކި ޕާޓީއަކަށް ނިސްބަތްވާތީ ނޫން ކަމަށެވެ. އަދި އެމްޑީޕީ އަށް ކޮންމެހެން ވޯޓު ދޭންވީ މިހާރު އެ ޕާޓީ އާއި ސަރުކާރު ކޯލިޝަނަށް މަޖިލީހުގައި މެމްބަރުން މަދުވެގެން ނޫން ކަމަށް ވެސް ގާސިމް ވިދާޅުވި އެވެ.

އެމަނިކުފާނު ވިދާޅުވީ އެމްޑީޕީ ކެންޑިޑޭޓަށް ވޯޓުދޭންވީ، ވެރިކަމުގައި ބާކީ އޮތް ދެ އަހަރު ދާއިރާގެ ރައްޔިތުންނަށް އަޅާލުމެއް އިހުސާންތެރިކަމެއް، ޕްރޮޖެކްޓެއް ލިބޭނީ ސަރުކާރުގެ ރުހުމާއި ރައީސްގެ ލޯތްބާއި އިހުލާސްތެރިކަން ލިބިގެންކަމަށްވާތީ އެ ސަބަބަށްޓަކައި ކަމަށެވެ.

ގާސިމް ވިދާޅުވީ 2008 ވަނަ އަހަރުގެ ރިޔާސީ އިންތިހާބުގެ ކެމްޕެއިނުގައި، އަމިއްލަ ހަރަދުގައި ދެ ކޮމަންޑޫ ގުޅުވާލަދޭން މަސައްކަތްކުރި ކަމަށާއި އެކަންނުވީ އޭރު އޮތް ރައީސް މައުމޫން އަބްދުލްގައްޔޫމްގެ ސަރުކާރުން އެކަން ކުރަން ހުއްދަ ނުދިނުމުން ކަމަށެވެ. އެކަމަށް އިޝާރާތްކުރައްވައި ގާސިމް ވިދާޅުވީ ދާއިރާއެއް ތަރައްގީކުރުމުގެ ބާރެއް މެމްބަރަށް ނޯންނާނެ ކަމަށާއި މެމްބަރަށް ބޮޑުވެގެން ކުރެވޭނީ އެކަމެއް ސަރުކާރަށް ހުށަހެޅުން ކަމަށެވެ.

"އެހެންވީމާ ތިޔަ ބޭފުޅުންނަށް އޮޅިވަޑައިގަންނަވައިގެން އަދި އެހެން ޕާޓީތަކުން އައިސް ދައްކާ ވާހަކަތަކެއްގެ ސަބަބުން މީހަކު ދިއްކޮށްލާ ހަދިޔާއެއްގެ ސަބަބުން، ދިއްކުރީއެކޭ ނޫން މި ދެންނެވީ، ގެ ސަބަބުން ހިތް ބަދަލުނުކުރައްވާށޭ. ރައްޔިތުންނަށް، މި ދާއިރާގެ ލޮބުވެތި ރައްޔިތުންގެ ކުރިއެރުމަށް ތަނަވަސްކަން ހޯދުމަށް ބޭނުންވާ ކަމަށްވަންޏާ ކޮންމެ އިރެއްގައި ވެސް އެ އިރެއްގައި ސަރުކާރުގައި ހުންނަ ވެރިއެއްގެ ވިސްނުމާ އެއްގޮތަށް ތިބޭފުޅުން ކަންތައްކުރައްވާށޭ،" ގާސިމް ވިދާޅުވި އެވެ.

ގާސިމް ވިދާޅުވީ އެމްޑީޕީ ސަރުކާރުން މިހާރު ވެސް ތަރައްގީ ގެންނަމުން އަންނަ ކަމަށެވެ. އެކަމަށް އިޝާރާތްކުރައްވައި ދެއްކެވީ އެ ވަގުތު ވެސް މަސައްކަތް ހިނގަމުން އަންނަ މަރޮށި ބަނދަރު ބޮޑުކުރުމުގެ މަސައްކަތެވެ.

"ރައީސުލްޖުމްހޫރިއްޔާ އަދި ވެރިކަން ކުރަން އޮތް މައި ޕާޓީ ހިތު ޖައްސާލާފައި ތިބޭފުޅުން އެހެން ޕާޓީއެއްގެ މީހަކު ހޮވީމާ ކޮބާތޯ އެ މޮޅެއް، ރަނގަޅެއް،" ގާސިމް ސުވާލުކުރެއްވެވި އެވެ.

"އެހެން ބޭފުޅަކު ހޮވައިފިއްޔާ ދެރަވާނެ ރައީސުލްޖުމްހޫރިއްޔާ، އޮފްކޯޒް ދެރަވާނެ."

ގާސިމް ވިދާޅުވީ ރިޔާސީ އިންތިހާބާ، މަޖިލިސް އިންތިހާބު ތަފާތު ކަމަށާއި މިހާރު ހުރިހާ ބާރެއް އޮތީ ރައީސްގެ އަތުގައި ކަމަށާއި އެހެންވެ ދާއިރާއަށް ތަރައްގީ އާއި މަންފާ ބޭނުމިއްޔާ އެމްޑީޕީ ކެންޑިޑޭޓަށް ވޯޓު ދޭން އެދޭ ކަމަށެވެ.

"އަޅުގަނޑަށް ކަށަވަރު އެއްވެސް ހެޔޮވިސްނޭ މީހަކު އެމްޑީޕީ ކެންޑިޑޭޓް ނޫން އެހެން މީހަކަށް މި ދާއިރާ އަށް ލޯތްބެއް އޮވެގެން، މި ދާއިރާއަށް ކުރިއެރުމެއް ބޭނުންވާ އެއްވެސް މީހަކު، މި ދެންނެވި ހަމަތަކުގެ މަތިން ބަލާއިރު ވޯޓު ލާން ޖެހޭ އެއްވެސް ސަބަބެއް ނޯންނާނެ. އެއީ ބައްޕަ ކަމަށް ވިޔަސް، އެއްބަނޑުއެއްބަފާ މީހަކަށް ވިޔަސް، މަންމަ ކަމަށް ވިޔަސް ދަރި ކަމަށް ވިޔަސް،" ވަރަށް ޖޯޝާ އެކު ގާސިމް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox