ރާޝިދު ސަރުކާރާ އެކީ، ފަތުހީ އާއި ހައްނާން ޖަވާބުދާރީ ކުރުވަން

ކޮމަންޑޫ ދާއިރާގެ ބައި-އިލެކްޝަނުގައި ވާދަކުރާ ކެނޑިޑޭޓުން: ޕީޕީއެމް ޓިކެޓުގައި ވާދަކުރާ މޫސާ ފަތުހީ (ކ)، އެމްޑީޕީ ޓިކެޓުގައި ވާދަކުރާ މުހައްމަދު ރާޝިދު (މ)، އެމްއެންޕީ ޓިކެޓުގައި ވާދަކުރައްވާ އަބްދުލް ހައްނާން (ވ). -- ފޮޓޯ: އަދަދު

ކޮމަންޑޫ ދާއިރާގެ ބައި-އިލެކްޝަނުގައި ވާދަކުރާ ކެނޑިޑޭޓުން: ޕީޕީއެމް ޓިކެޓުގައި ވާދަކުރާ މޫސާ ފަތުހީ (ކ)، އެމްޑީޕީ ޓިކެޓުގައި ވާދަކުރާ މުހައްމަދު ރާޝިދު (މ)، އެމްއެންޕީ ޓިކެޓުގައި ވާދަކުރައްވާ އަބްދުލް ހައްނާން (ވ). -- ފޮޓޯ: އަދަދު

ރައްޔިތުން މަޖިލީހުގެ ކޮމަންޑޫ ދާއިރާގެ މެމްބަރު އަވަހާރަވުމާ ގުޅިގެން އަންނަ މަހު ބާއްވާ އެ ދާއިރާގެ ބައި-އިލެކްޝަނުގައި ވާދަކުރާ ކެނޑިޑޭޓުންގެ ބަހުސް ބާއްވައިފި އެވެ.

ވާދަވެރިކަން ބޮޑުވެފައިވާ މި ގޮނޑިއަށް ކެނޑިޑޭޓުން ނެރުނީ ސަރުކާރު ކޯލިޝަނުން އެމްޑީޕީ އާއި އިދިކޮޅު ޕީޕީއެމް އާއި މިފަހުން އުފެއްދި އެމްއެންޕީ އިންނެވެ. ތިން ޕާޓީގެ ކެނޑިޑޭޓުން ވެސް ރޭގެ ބަހުސްގައި ބައިވެރި އެވެ.

ތިން ބަޔަކަށް ބަހާލައިގެން ކުރިޔަށް ގެންދިޔަ ބަހުސްގެ ފުރަތަމަ ބައިގައި އޮތީ ކެނޑިޑޭޓުން ތައާރަފުވުމާއި ދާއިރާގެ ހާލަތާއި ހޮވިއްޖެ ނަމަ ކުރާނެ ކަންކަން ރައްޔިތުންނަށް ކިޔައިދިނުމެވެ. ދެވަނަ ބައިގައި ސުވާލު ކުރީ ދާއިރާއަށް ދިމާވެފައިވާ މައްސަލަތަކާއި ކޮރަޕްޝަނާއި ނަޒާހާތްތެރިކަމާ ގުޅޭ ސުވާލުތަކެކެވެ. ތިންވަނަ ބައިގައި ފުރުސަތު ދިނީ ފާޑުކިޔާށާއި ފަހުބަހަށެވެ.

Advertisement

ކޮމަންޑޫ ދާއިރާ ބައި-އިލެކްޝަނުގައި ވާދަކުރާ ކެނޑިޑޭޓުން

  • އެމްޑީޕީ- މުހައްމަދު ރާޝިދު
  • ޕީޕީއެމް- މޫސާ ފަތުހީ
  • އެމްއެންޕީ- އަބްދުލް ހައްނާން

ރާޝިދު - ސަރުކާރާ ގުޅިގެން ތަރައްގީ ކަށަވަރުކުރަން

އެމްޑީޕީ ޓިކެޓުގައި ވާދަކުރާ މުހައްމަދު ރާޝިދަކީ ފޯކައިދޫ ކައުންސިލްގެ ރައީސް ކަން ތިން ދައުރު އަދާކުރައްވާފައިވާ، މި ދައުރުގެ ފޯކައިދޫ ކައުންސިލްގެ ސެކެޓްރީ ޖެނެރަލެވެ.

ރާޝިދު ވިދާޅުވި ގޮތުގައި އޭނާ ހޮވަންވީ ސަރުކާރުން ދާއިރާއަށް ވެފައިވާ ވައުދުތައް ފުއްދަން ފަހިކޮށްދޭށެވެ. އެކަން ކުރަން ސަރުކާރުގެ އެތެރެއިންނާއި ބޭރުން ކުރަން ޖެހޭ ކޮންމެ ކަމެއް ކުރައްވަން ތައްޔާރަށް ހުންނެވި ކަމަށް ވެސް އޭނާ ވިދާޅުވި އެވެ.

އޭގެ އިތުރުން ރާޝިދު ވިދާޅުވީ ތަސައްވުރަކީ ސަރުކާރާއި އެމްޑީޕީގެ އެޖެންޑާ 19 ކަމަށެވެ. އަދި މި ސަރުކާރަކީ ވައުދުތައް ފުއްދަމުންދާ ސަރުކާރެއް ކަމަށް ތަކުރާރުކޮށް ފާހަގަކުރައްވަމުން ރާޝިދު ވިދާޅުވީ ކުރީ ސަރުކާރުތަކުން އިހުމާލުވީ ދާއިރާއަށް ކަމެއް ކޮށްދޭން މަސައްކަތް ކުރީ މި ސަރުކާރުން އެކަނި ކަމަށެވެ.

ދާއިރާގެ ކުރިއެރުމަށް ކޮށްދޭނެ ކަންކަމާއި ގުޅިގެން ރާޝިދު ވިދާޅުވީ، އިސްކަންދޭނީ ވަޒިފާ ނުލިބޭ މައްސަލަ ހައްލުކުރަން ކަމަށާއި، އެކަން ހައްލުވާނީ ކައިރި ރަށްރަށުގައި ރިސޯޓު އެޅިގެން ކަމަށެވެ. މި ރިސޯޓުތަކާއި ގުޅިގެން ވަޒީފާތައް އުފެދުމާއެކީ، މަސްވެރިކަމާއި ދަނޑުވެރިކަމަށް އިންގިިލާބީ ބަދަލެއް ގެނެވޭނެ ކަމަށް އޭނާ ވިދާޅުުވި އެވެ.

ފަހުބަސް ވިދާޅުވަމުން ރާޝިދު ވައުދުވެވަޑައިގެންނެވީ ސަރުކާރުން ރައްޔިތުންނަށް ފޯރުކޮށްދޭ ހިދުމަތްތައް ހޯދައިދޭން މަޖިލިސް ތެރެއިން މަސައްކަތް ކުރައްވަމުން ސާބިތުވެ ހުންނަވާނެ ކަމަށެވެ.

ފަތުހީ - މިނިވަންކަމާ އެކީ ރައްޔިތުންނަށް ވަކާލާތުކުރަން

ޕީޕީއެމްގެ ޓިކެޓުގައި ވާދަކުރައްވަނީ ރައީސް އަބްދުﷲ ޔާމީން ސަރުކާރުގެ ހޯމް މިނިސްޓްރީގެ ނައިބު އަދި ކުރިން ށ. އަތޮޅު ކައުންސިލްގެ ރައީސްކަން ކުރައްވާފައިވާ ގާނޫނީ ވަކީލު މޫސާ ފަތުހީ އެވެ.

އޭނާ ހޮވަންވީ ސަބަބު ބަޔާންކުރަމުން ފަތުހީ ވިދާޅުވި ގޮތުގައި ބޭނުންވަނީ ރައްޔިތުންގެ ހައްގުގައި ވަކާލާތުކުރަން "މިނިވަން" ކެނޑިޑޭޓެކެވެ. އެއީ ސަރުކާރުގެ ކެނޑިޑޭޓަކަށް ނުވާނެ ކަމެއް ކަމަށާއި އެކަން ކުރެވޭނީ ރައްޔިތުންގެ ހައްގުގައި އަޑުއުފުލާނެ ރައްޔިތުންގެ ވަކީލަކަށް ކަމަށް އޭނާ ވިދާޅުވި އެވެ.

ފަތުހީ ވިދާޅުވީ އޭނާގެ މަސައްކަތަށް ވާނީ ގާނޫނޫ އަސާސީގައި ބުނާ ހަމަތަކުގެ ތެރެއިން ރައްޔިތުންނަށްޓަކައި ވަކާލާތުކުރުން ކަމަށެވެ. އަދި އޭނާއަކީ ގާނޫނީ ދާއިރާއިން ތައުލީމު ހާސިލުކޮށްފައިވާ، ސިޔާސީ ދާއިރާގެ ތަޖުރިބާ ލިބިފައިވާ މީހެއް ކަމުން މި މަގާމަށް އެންމެ އެކަށީގެންވަނީ އޭނާ ކަމަށް ވިދާޅުވި އެވެ.

އެމްޑީޕީއަށް އަމާޒުކޮށް ފަތުހީ ވިދާޅުވީ ވޭތުވި 15 އަހަރު ދުވަހު ދާއިރާގެ ގޮނޑި ދީގެން މާ ބޮޑު ކަމެއް ނުވާ ކަމަށެވެ. އަދި ވިދާޅުވީ، އެމްޑީޕީއަށް މަޖިލިސް ގޮނޑިއެއް ދީގެން އިތުރަށް ވާނެ ކަމެއް ނެތް ކަމަށާއި ވޯޓު ދޭންވީ ކޮމަންޑޫ ދާއިރާ ގޮނޑިއަކީ ބަޓަނަށް ފިތާ ގޮނޑިއެއްގެ ގޮތުގައި އޮތް އޮތުން ބަދަލުކުރަން ކަމަށެވެ.

ފަހު ބަސް ވިދާޅުވަމުން ފަތުހީ އެދިވަޑައިގެންނެވީ ބަހުސްގައި ތިން ބޭފުޅުން ދެއްކެވި ވާހަކަތައް ވަޒަން ކުރެއްވުމަށް ފަހު ވޯޓު ދިނުމަށެވެ. އަދި، އޭނާއަކީ މެމްބަރުކަމަށް އެންމެ އެކަށީގެންވާ ގާބިލު އެކަކު ކަމަށް ވިދާޅުވި އެވެ.

ހައްނާން - ވަޒީފާ އާއި ތައުލީމުން ތަނަވަސްކަން ހޯދަން

އެމްއެންޕީ ޓިކެޓުގައި ވާދަކުރާ އަބްދުލް ހައްނާނަކީ ސިޔާސީ ދާއިރާއަށް މުޅިން އާ މޫނެކެވެ. އޭނާ ކުރިން މަސައްކަތްކުރީ މުޅިން ވެސް ތައުލީމީ ދާއިރާގަ އެވެ. ހައްނާން ވަނީ ށ. އަތޮޅުގެ ގިނަ ރަށްތައް ހިމެނޭ ގޮތަށް ރާއްޖޭގެ އުތުރާއި ދެކުނުގެ ސްކޫލްތަކުގައި ޕްރިންސިޕަލުކަމާއި ހެޑްމާސްޓަރުކަން ކޮށްފަ އެވެ.

ހައްނާން ވިދާޅުވި ގޮތުގައި އޭނާ އިންތިހާބަށް ކުރިމަތިލީ ދާއިރާ ރައްޔިތުންގެ ހާލަތު ދެނެގަންނަން ހުރިހާ ގެޔަކަށް ޒިޔާރަތްކުރުމަށް ފަހު ކަމަށެވެ. އަދި ވިދާޅުވީ، އޭނާ ހޮވަންވީ ދާއިރާގެ ތަރައްގީއަށް ސަރުކާރުން ކުރާ ކަންކަމުގެ ދުވެލި ބާރުކޮށް، ސަރުކާރު ޖަވާބުދާރީ ކުރުވަން ކަަމަށާއި، ސިޔާސީ ތަޖުރިބާ ނެތަސް އެ ގާބިލިއްޔަތު ހުންނާނެ ކަމަށެވެ.

ވަޒީފާ އާއި އާމްދަނީ އިތުރުކުރެވޭނެ ގޮތެއް ނެތުމަކީ ބޮޑު މައްސަލައަކަށް ވާއިރު، ހައްނާނު ވަނީ ރިސޯޓުތަކާއި އެއާޕޯޓު ހަދަން ސަރުކާރު ޖަވާބުދާރީ ކުރުވާން މަސައްކަތް ކުރާނެ ކަމުގެ ޔަގީންކަން އަރުވާފަ އެވެ. މަތީ ތައުލީމުގެ ފުރުސަތުތައް ފަހިކޮށްދޭން ވެސް ގަދައަޅާ މަސައްކަތް ކުރާނެ ކަމަށް އޭނާ ވިދާޅުވި އެވެ. ހައްނާނުގެ އެންމެ ބޮޑު އަމާޒަކީ ރައްޔިތުންނަށް ފުދުންތެރި ދިރިއުޅުމެއް ހޯދައިދިނުމެވެ.

ފަހު ބަސް ވިދާޅުވަމުން ހައްނާނު ވިދާޅުވީ އޭނާ މި މަގާމަށް ކުރިމަތިލީ ދާއިރާއަށް ރަނގަޅު ހިދުމަތެއްކޮށްދޭން ރައްޔިތުން އެދިގެން ކަމުން މިހިރީ ނިކުމެފައި ކަމަށާއި، ރައްޔިތުންނާ ދެއްކި ވާހަކަތައް ވަރަށް ރަނގަޅަށް ހަނދާން އެބަހުރި ކަމަށެވެ.

ކޮމަންޑޫ ދާއިރާގެ ބައި-އިލެކްޝަނުގެ ވޯޓުލުން އޮންނާނީ އަންނަ މަހު 5 ވަނަ ދުވަހު އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox